جاڭا حابارلار

شينجياڭ شار تاراپقا ەسىك اشۋدىڭ جاڭا جاعدايىن قالىپتاستىردى

    كەلۋ قاينارى: شينجياڭ گازەتى    2019-01-06 10:05:00  

ءتىلشىمىز چىن چياڭۋي
 


 پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، رايونىمىز قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، «ءبىر بەلدەۋ، ءبىر جولدى» بىرگە قۇرۋ تاريحي ورايىن مىقتاپ يگەرىپ، سىرتقا ەسىك اشۋدى كەڭەيتۋدەن جازباي، اشىق ەكونوميكانىڭ دەڭگەيى مەن ورەسىن ۇزدىكسىز جوعارىلاتىپ، سىرتقا ەسىك اشۋدىڭ جان - جاقتى، كوپ ساتىلى، كەڭ سالالى جاڭا جاعدايىن العاشقى ادىمدا قالىپتاستىردى.  5 جىلدان بەرى، رايونىمىز باتىلدىقپەن رەفورما جاساپ، جاڭالىق اشىپ، رەفورما ارقىلى قوزعاۋشى كۇشتى جاڭالادى، ەكونوميكالىق ومىرشەڭدىك كۇشتى مازداتتى، سىرتقا باعىتتالعان ەكونوميكانى دامىتۋ، كاسىپورىنداردىڭ «سىرتقا شىعۋىنا» اناعۇرلىم كەڭ ءورىس اشتى.  كەدەننەن ءوتۋدىڭ ءبىر تۇلعالانۋى كاسىپورىندارعا قولايلىلىق تۋدىردى  «كەدەننەن ءوتۋدى ءبىر تۇلعالاندىرۋ راسمياتىنىڭ قاراپايىمداسۋى كاسىپورىنداردىڭ كەدەننەن ءوتۋ وزىندىك قۇنىن ازايتىپ، قارجىنىڭ اينالىم سالىستىرماسىن جوعارىلاتىپ، سەرىكتەستىكتەردى ناقتى رەفورمانىڭ تيىمدىلىگىنەن يگىلىكتەندىردى»، - دەدى 1 - ايدىڭ 1 - كۇنى الاتاۋ ساعاسى جىن - دى مەديتسيناعا قولدانىلاتىن توقىما بۇيىمدار شەكتى سەرىكتەستىگىنىڭ ورىنباسار باس مەڭگەرۋشىسى چين سۇڭشياڭ تىلشىگە. جىن - دى مەديتسيناعا قولدانىلاتىن توقىما بۇيىمدار شەكتى سەرىكتەستىگى الاتاۋ ساعاسىنىڭ كەشەندى باجىسىز اۋماعىنا ورنالاسقان، نەگىزىنەن مەديتسيناعا قولداناتىن ءجىپتى وندىرەدى، وڭدەيدى، شيكىزاتتارىنىڭ دەنى يمپورت ەتىلگەن.  رەفورما الا كەلگەن وزگەرىستى تىلگە تيەك ەتكەندە، چين سۇڭشياڭ بىلاي دەدى: 2017 - جىلدان بۇرىن سەرىكتەستىك ا ق ش - تان 1000 توننا ماقتا يمپورت ەتتى، ونى جياڭسۋدىڭ جاڭجياگاڭ باجىسىز اۋماعىنان كەدەننەن وتكەرۋ، كەدەنگە مالىمدەۋ، تەكسەرۋ - كارەنتيندەۋگە مالىمدەۋ سياقتى راسمياتتاردى بىتىرۋگە ءارى باجى، كەپىل اقشا تاپسىرۋعا تۋرا كەلەتىن، ماقتانى يمپورت ەتۋدىڭ جالپى بارىسىنا 4 ايعا تاياۋ ۋاقىت جۇمسالاتىن. قازىرگى تاڭدا كەدەننەن ءوتۋدى ءبىر تۇلعالاندىرۋ ۇلگىسىندە كاسىپورىن الاتاۋ ساعاسى كەدەنىنەن كەدەنگە مالىمدەۋ راسمياتىن تىكە بىتىرەتىن، سونداي - اق باجى، كەپىل اقشا تاپسىرمايتىن بولدىق، قارجىنىڭ وزىندىك قۇنى بارىنشا ازايدى.   تاياۋ جىلداردان بەرى، رايونىمىز رەفورما جاساۋ، ەسىك اشۋ تەبىنىن ۇزدىكسىز ارتتىرىپ، ەركىن ساۋدا رايونىنىڭ سىناق ءتۇيىنى تاجىريبەسىن باتىلدىقپەن كوشىردى، جالپىلاستىردى. ءۇرىمجى كەدەنى كەدەننەن ءوتۋ ءتارتىبىن جاقسارتىپ، زاتتاردىڭ كەدەننەن ءوتۋ ۋاقىتىن قىسقارتۋ ارناۋلى ارەكەتىن ورىستەتىپ، 2017 - جىلى يمپورت جانە ەكسپورت زاتتاردىڭ ورتاشا كەدەننەن ءوتۋ ۋاقىتىن جەكە - جەكە وتكەن جىلداعىدان %44.4 جانە %31.5 قىسقارتتى. رايونىمىز تاعى جۇك قورابىنىڭ ۇيلەسىمدى وزىندىك قۇنىن ارناۋلى جونگە سالۋدى ورىستەتىپ، يمپورت - ەكسپورت بۋىنىنداعى بارلىق تيجاراتتىق اقى الۋ نىسانىن كۇشىنەن قالدىرىپ، كاسىپورىننىڭ 4 ميلليون يۋان مولشەرىندەگى اۋىرتپالىعىن جەڭىلدەتىپ، كاسىپورىننىڭ كەدەننەن ءوتۋ وزىندىك قۇنىن ءتىپتى دە تومەندەتتى.  تاجىريبەلەردى قورىتىندىلاۋ نەگىزىندە، 2018 - جىلى 9 - ايدا رايونىمىز «تۇتاس شينجياڭنىڭ كەشەندى باجىسىز اۋماعىندا تەڭىز جاعالاۋىنداعى ەركىن ساۋدا سىناق رايوندارىنىڭ رەفورما جاساپ، ەسىك اشۋداعى تاجىريبەلەرىن كوشىرۋ، جالپىلاستىرۋ جونىندەگى جەتەكشى پىكىردى» جاريالاپ، بۇكىل رايونىمىزداعى كەشەندى باجىسىز اۋماق سياقتى ءتۇيىندى وڭىرلەردە تەڭىز جاعالاۋىنداعى ەركىن ساۋدا سىناق رايوندارىنىڭ رەفورما جاساپ، ەسىك اشۋداعى تاجىريبەلەرى مەن ادىستەرىن كوشىرىپ، جالپىلاستىرىپ، ەسىك اشۋ ارقىلى رەفورمانى جەبەۋدى، دامۋدى جەبەۋدى، جاڭالىق اشۋدى جەبەۋدى تالاپ ەتتى.  ەسىك اشۋ دانەكەرى كاسىپتىڭ بيىك تۇعىرىن سومدادى  باس شۋجي شي جينپيڭ 2014 - جىلى شينجياڭدا قىزمەت تەكسەرگەندە مىنانى اتاپ كورسەتتى: جىبەك جولى ەكونوميكالىق بەلدەۋىن قۇرۋدا شينجياڭنىڭ كەم بولسا بولمايتىن ورنى مەن رولى بار، وسى تاريحي ورايدى مىقتاپ يگەرىپ، وزىندىك وڭىرلىك سىرتقا ەسىك اشۋ ستراتەگياسىن مەملەكەتتىڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىمەن، باتىسقا ەسىك اشۋ جالپى تۇلعالىق ورنالاستىرۋىمەن توعىستىرۋى كەرەك. اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، سىرتقا ەسىك اشۋ دانەكەرى قۇرىلىسىن، ۇزدىكسىز جەدەلدەتتى. كەزەكتە رايونىمىزدا الاتاۋ ساعاسى، قاشقار، ءۇرىمجى، جۇڭگو - قازاقستان قورعاس حالىقارالىق شەكارا سەلبەستىك ورتالىعىنداعى جۇڭگو جاقتىڭ تۇلعالىق وڭىرىندەگى 4 كەشەندى باجىسىز اۋماعى بار، سىرتقا ەسىك اشقان 1 - دارەجەلى وتكەل 18گە جەتتى.  2019 - جىلى 1 - ايدىڭ 1 - كۇنى ءۇرىمجى كەشەندى باجىسىز اۋماعىندا جۇمىسشىلار شينجياڭ ىلياڭ ورگانيكالى ازىق - تۇلىك توبى شەكتى سەرىكتەستىگىنىڭ ازىق - تۇلىكتى وڭدەۋ زاۆودىندا وڭدەۋ قۇرىلعىلارىن ورناتىپ، سىناقتان وتكىزىپ جاتتى. «شينجياڭ جىبەك جولى ەكونوميكالىق بەلدەۋىنىڭ وزەكتى رايونى رەتىندە كاسىپورىندارعا جاڭا دامۋ ورايىن اكەلەتىندىگى ءسوزسىز»، - دەدى اتاۋلى سەرىكتەستىكتىڭ باس جوراسى گۋ شىڭچياڭ.  ءۇرىمجى كەشەندى باجىسىز اۋماعى ءۇرىمجى حالىقارالىق قۇرلىقتىق پورت رايونىنىڭ ماڭىزدى قۇرامداس بولىگى، 2 جىلعا تاياۋ قۇرىلىس جۇرگىزۋ ارقىلى قۇرلىقتىق پورت رايونىنىڭ «زات جيناۋ، باقشا قۇرۋ، كاسىپتەردى شوعىرلاندىرۋ» قابىلەتى ۇزدىكسىز جوعارىلاپ، شينجياڭنىڭ جىبەك جولى ەكونوميكالىق بەلدەۋى وزەكتى رايونىنىڭ ساۋدا، زات اينالىمى ورتالىعىن قۇرۋداعى ماڭىزدى قوزعالتقىشىنا اينالدى. 2018 - جىلى جۇڭگو - ەۆروپا كەزەكشى پويەزىنىڭ (ءۇرىمجى) جيناۋ ورتالىعىن كەڭەيتىپ سالۋ ينجەنەرياسىنىڭ 1 - مەرزىمدىك قۇرىلىسى سالىنىپ ءبىتىپ، پايدالانۋعا بەرىلدى، تەمىر جول وتكەلى ساۋدا ىستەرى، ساۋدا رايونى، حالىقارالىق جەدەل جونەلتۋ ساۋدا ورتالىعى سياقتى نىساندار دا جەدەل ىلگەرىلەۋدە.   ءۇرىمجى حالىقارالىق قۇرلىق پورت رايونى قۇرىلىس كوميتەتى ۋنيۆەرسال ءبولىمىنىڭ باستىعى تاڭ حاننىڭ تانىستىرۋىنشا، قۇرلىق پورت رايونى كاسىپ سالاسىن شوعىرلاندىرۋ رولىن كۇن سايىن كورنەكتىلەندىرىپ، قازىرگە دەيىن بايشى زات تاسىمالى، حۋاتيەلياندا، حۋانشى زات تاسىمالى قاتارلى 50دەن ارتىق اتى ايگىلى ساۋدا - ساتتىق زات تاسىمال كاسىپورىندارىن باۋراپ، 2018 - جىلى ەكسپورت پوچتا كاسىبىنەن 600 مىڭ زاكاز قابىلداعان. كەشەندى باجىسىز اۋماق 2018 - جىلى 6 - ايدىڭ 22 - كۇنى رەسمي جۇمىس باستاپ، باجىسىز زات تاسىمالى، باجىسىز وڭدەۋ، شەكارا اتتاعان ەلەكتروندى ساۋدا قاتارلى وزەكتى كاسىپتەر جارىققا شىقتى.  وتكەل قۇرىلىسى اشىق ۇستاۋدىڭ ارناسىن كەڭەيتتى  پارتيا 18 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى، رايونىمىز ساياساتتاردى بايلانىستىرۋدى، قۇرىلعىلاردى ۇلاستىرۋدى، ساۋدانى ىركىلىسسىزدەندىرۋدى، قارجىنى اينالىمعا سالۋدى جانە حالىق تىلەگىن توعىستىرۋدى ارقاۋ ەتىپ، جوعارى ساپالى دامۋدى ارقاۋ ەتىپ، وزەكتى رايون قۇرىلىسىنىڭ اياق الىسىن تەزدەتىپ، ەسىك اشۋدى جالپى بەتتىك كەڭەيتۋدى ىلگەرىلەتتى.  2018 - جىلى 9 - ايدا قورعاس تاس جول شەكارا وتكەلىنىڭ جاڭا قونىسى پايدالانۋعا بەرىلىپ، قوس باتىس تاس جولىنىڭ جۇڭگو - قازاقستان بولىگى وسى جەردە ۇلاستى. وسى حالىقارالىق كەڭ وتكەل جۇڭگونىڭ شينجياڭىن باتىس ەۆروپانىڭ بايتاق وڭىرلەرىمەن بايلانىستىرىپ، ليانيۇنگاڭنان ەۆروپاعا باراتىن ۋاقىتتى بۇرىنعى تەڭىز تاسىمالىنا كەتەتىن 45 كۇننەن 10 كۇنگە قىسقارتتى.  «قازىر جاڭا شەكارا وتكەلى بار، تەك 4 جارىم ساعاتتا قورعاستان قازاقستاننىڭ الماتى قالاسىنا جەتەدى، بۇرىنعى كەتەتىن ۋاقىتتان كوپ قىسقاردى، تاسىمال قۇنى دا ءار اۆتوموبيل 2000 دوللاردان 1300 دوللارعا ازايدى»، - دەدى قورعاس جين - ي حالىقارالىق ساۋدا توبى شەكتى سەرىكتەستىگىنىڭ باس جوراسى يۇي چىڭجۇڭ.   تاس جولدان سىرت، تەمىر جول تاسىمالى دا جۋىق جىلداردا تەز دامىدى. 2016 - جىلى 5 - ايدىڭ 26 - كۇنى ءۇرىمجى جيناۋ - جونەلتۋ ورتالىعىندا تۇڭعىش كەزەكتى جۇڭگو - ەۆروپا پويەزى قاتىناعاننان بەرى، جۇڭگو - ەۆروپا كەزەكشى پويەزدەرىنىڭ قاتىناۋ كولەمى ۇزدىكسىز ارتىپ، 2016 - جىلى 11 - ايدا كۇنىنە ءبىر رەت ۇدايى قاتىناۋدى ىسكە اسىردى، 2017 - جىلى كۇنىنە 2 كەزەك پويەز قاتىناۋدى ۇدايىلاندىرۋدى جۇزەگە اسىرىپ، 2018 - جىلى ەڭ كوپ بولعاندا ءبىر كۇندە 5 كەزەك پويەز قاتىنادى.   قازىرگە دەيىن، رايونىمىز ءۇرىمجىنى ورتالىق، ماڭىنداعى رايونداردى ءتۇيىن، شەكارا وتكەلدەردى الدىڭعى شەپ ەتىپ، توڭىرەكتەگى مەملەكەتتەردى شارپىعان حالىقارالىق تاسىمال جول تورابىن قالىپتاستىردى.  اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، مەڭگەرمە باستىعى رۇڭ جۇن بىلاي دەدى: بۇدان كەيىن ءبىز وزەكتى رايوننىڭ ساۋدا زات تاسىمالى ورتالىعىن قۇرۋدى شىعار ءتۇيىن ەتىپ، ىشكە اشىق ۇستاۋ مەن باتىسقا اشىق ۇستاۋدى يكەمدى بىرلەستىرىپ، «سىرتقا شىعارۋ» مەن «سىرتتان ەنگىزۋدى» ءوزارا جەبەۋگە تاباندى بولىپ، اشىق ەكونوميكالىق جاڭا ءتۇزىمدى قۇرۋدى جەدەلدەتەمىز. 


بەرىپ كەت ورامالىڭدى

دوستار

الىستاعى اق ەركە