جاڭا حابارلار

 باسىن ءباي تىگىپ توڭكەرىسكە قاتىناسقان، بورىكتىلەردەن قالىسپاعان جەلەكتى ـــــ شين رۇي

    كەلۋ قاينارى: شينجياڭ حالىق راديو ىستانسياسى    2019-01-06 10:23:09  

 
   شين رۇيدىڭ بۇرىنعى اتى شين شۋحى ەدى، 1918- جىلى شاندۇڭ ولكەسىنىڭ جاڭچيۋ اۋدانىندا دۇنيەگە كەلگەن. 10 جاسىندا، سول كەزدە  شاندۇڭ ولكەسىنىڭ كەڭەس مۇشەسى بولىپ ىستەيتىن اتاسى شين شوۋجيۋگە ىلەسىپ جينانعا بارىپ، داميڭحۋ كولىنىڭ جاعاسىنا قونىستانادى.
     ۇلى قورعان جاپون شاپقىنشىلارىنا قارسى تۇرۋ سوعىسى باستالعاننان كەيىن، ءار سالاداعى قايراتكەرلەر  وتاندى قۇتقارۋ جىلۋ اتاۋ قيمىلىن ورىستەتەدى. شين شوۋجيۋ  شين رۇيگە سۋرەت كورمەسىن اشىپ بەرىپ، جىلۋعا اتالعان اقشالاردى تۇگەلدەي جاپون شاپقىنشىلارىنا قارسى تۇراتىن جاۋىنگەرلەر مەن شىعىس سولتۇستىك جۇڭگوداعى بوسقىنعا اينالعان باۋىرلاستارعا جىلۋعا اتايدى.
    «7- شىلدە» وقيعاسىنان كەيىن، جاپون شاپقىنشىلارى  حۋاڭحىنىڭ سولتۇستىك جاعالاۋىنا توتە تارتىپ، جيناندى قىسپاققا الادى. شين فاميليالى ءبىر ءۇيلى جان ءۇيى بولسادا قايتا الماعان، وتاندى قۇتقارۋعا شاراسىز قالعان قىسىلتاياڭ ساتتە، 8- باعىت ارمياسىنا قاتىناسادى. شين رۇي شاندۇڭداعى جاپون شاپقىنشىلارىنا قارسى تۇرۋ ارمياسى اكىمشىلىك كادرلار مەكتەبىنىڭ ەكىنشى مەرزىمدىك ايەلدەر اترەتىنە بارىپ ۇيرەنۋگە قاتىناسادى. كوپ وتپەي، ج ك پ شاندۇڭ ولكەلىك پارتكومنىڭ ورگان گازەتى « بۇقارالىق گازەت » شىعا باستاپ، ول قۇرۋ قىزمەتىنە قاتىناسادى.
1941- جىلى 11- ايدا، جۇڭگوعا شاپقىنشىلىق جاساعان جاپون ارمياسى ي-مىڭشان تاۋلى رايونىن « كەڭ كولەمدى الاستايدى» . جۇكتى بولعانىنا بەس اي بولعان شين رۇي قورشاۋدى بۇزۋ بارىسىندا اۋىر جارالانادى. 12- ايدىڭ 17- كۇنى جاپون ارمياسى ولار تۇرعان جەردى قورشاۋعا الادى، ءتورت جولداس  شين رۇيدى كوتەرىپ باسقا جەرگە اپارماقشى بولىپ قىستاقتان شىعا بەرگەندە جاپون ارمياسىنىڭ قورشاۋىندا قالادى. شين رۇي جولداستارعا ءوزىن قويا تۇرىپ، قورشاۋدى دەرەۋ بۇزىپ شىعۋ بۇيرىعىن بەرەدى. الايدا كوپشىلىكتىڭ  بۇلاي ىستەۋگە ءداتى شىداماي، جانە دە ونى كوتەرىپ، سوعىسا ءجۇرىپ قورشاۋدى بۇزىپ شىقپاقشى بولادى. كەنەت شين رۇي زۋزادان دومالاپ ءتۇسىپ، ءبىر تاسقا سۇيەنىپ وتىرا قالادى دا، جاپون ارمياسى جاقىنداعان كەزدە  گراناتتىڭ بىلتەسىن تارتىپ قالىپ، جاۋلاردى وزىمەن بىرگە الا كەتەدى، سول كەزدە ول 23 جاستا عانا ەدى.
  
 


بەرىپ كەت ورامالىڭدى

دوستار

الىستاعى اق ەركە