جاڭا حابارلار

ادال دا قايسار جاپون شاپقىنشىلارىنا قارسى سوعىس قاھارمانى ـــــ لو جۇڭ-ي

    كەلۋ قاينارى: شينجياڭ حالىق راديو ىستانسياسى    2019-01-06 10:31:37  

  لو جۇڭ-ي، 1907- جىلى دۇنيەگە كەلگەن، جاس كەزىندە  العا باسار وقۋشىلار قوزعالىسىنا قاتىناسقان. 1927- جىلى فىڭ يۇيشياڭ اسكەري بولىمىنە كىرىپ اسكەر بولعان. 1931- جىلى 12- ايدا نيڭدوۋ كوتەرىلىسىنە قاتىناسىپ، جۇڭگو جۇمىسشى-ديقان قىزىل ارمياسى 5- جۇنتۋانىنا كىرگەن. لو جۇڭ-ي ەرلىكپەن شايقاسىپ، سوعىستا تالاي رەت ەڭبەك كورسەتىپ، بانجاڭدىقتان پايجاڭ، ليانجاڭ، يىڭجاڭدىققا وسىرىلەدى، كەيىن رۇيجينعا بارىپ قىزىل ارميا مەكتەبىنە كىرىپ وقيدى.
     لو جۇڭ-ي 1932- جىلى جۇڭگو كوممۋنيستىك پارتياسىنا مۇشە بولادى، 1933- جىلدان باستاپ فۋجيان اسكەري رايونى سىليڭبۋى سوعىس جۇرگىزۋ ءبولىمىنىڭ باستىعى، ليانچىڭ، نيڭحۋا، لۇڭيان بولىمشە اسكەري رايونىنىڭ سانمۋجاڭى بولىپ، ورتالىق سوۆەت رايونىنىڭ 4-، 5- رەتكى « قورشاپ جويۋعا» قارسى تۇرۋىنا قاتىناسادى. ەلىمىز بويىنشا جاپون شاپقىنشىلارىنا قارسى سوعىس تۋىلعاننان كەيىن  لو جۇڭ-ي جاڭا 4- ارميا 2- تارماق اترەتىنىڭ سانمۋجاڭى، جياڭنان  قولباسشىلىق شتابىنىڭ سانمۋجاڭى مىندەتىن اتقارىپ، ماۋشاندى سەنتر ەتكەن جياڭسۋدىڭ وڭتۇستىگىندەگى جاپون شاپقىنشىلارىنا قارسى تۇرۋ بازاسىن قۇرۋعا قاتىناسادى. 1940- جىلى 7- ايدا جاڭا 4- ارميانىڭ جياڭنان نەگىزگى كۇشى سولتۇستىككە بەتالىپ چاڭجياڭنان وتكەننەن كەيىن، لو جۇڭ-ي قايتا قۇرىلعان جياڭنان قولباسشىلىق شتابىنىڭ قولباسشىسى بولىپ، جاۋ ارتقى شەبىندە جاپون شاپقىنشىلارىنا قارسى پارتيزاندار سوعىسىن تاباندىلىقپەن جالعاستىرىپ، اسكەري بولىمگە قولباسشىلىق ەتىپ جاپون قۋىرشاق ارمياسىنىڭ « الاستاۋىن»، « اۋىل-قىستاقتى تازارتۋىن» جانە گومينداڭ توڭمويىن ارمياسىنىڭ شابۋىلداۋىن تالاي رەت جەڭىلىسكە ۇشىراتادى. 
       1941- جىلى ۋاننان وقيعاسىنان كەيىن، لو جۇڭ-ي اسكەري ءبولىمدى باستاپ جاپا-ماشاقاتتى شايقاس جاساپ، جاڭا 4- ارميانىڭ قورشاۋدى بۇزىپ سولتۇستىككە شەگىنگەندەرىنىڭ الدىنان شىعادى. شيچىتاڭ شايقاسىندا، ونىڭ جاڭا ۇيلەنگەن ايەلى ليۋ جاۋجىن  قۇربان بولادى. 1941- جىلى 11- ايدىڭ 28- كۇنى، جاپون قۋىرشاق ارمياسىنىڭ 3 مىڭنان استام اسكەرى لي-ياڭنىڭ تاڭ-ما قىستاعىنا تۇتقيىل شابۋىل جاسايدى، تاڭ-ما قىستاعىندا ءماجىلىس اشىپ جاتقان جياڭسۋدىڭ وڭتۇستىگىندەگى جاپون شاپقىنشىلارىنا قارسى تۇرۋ بازاسىنداعى پارتيا، ۇكىمەت، ارميا ورنىنداعى كادرلاردىڭ حاۋىپسىز جەرگە كوشۋىن قورعاۋ ءۇشىن، لو جۇڭ-ي  16- لۇيدىڭ ساياسي كوميسسارى لياۋ حايتاۋمەن بىرلىكتە اسكەري ءبولىمدى باستاپ جاۋمەن جانقيارلىقپەن سايىسىپ، 34 جاسىندا ەرلىكپەن قۇربان بولادى.


بەرىپ كەت ورامالىڭدى

دوستار

الىستاعى اق ەركە