جاڭا حابارلار

جىلىجايداعى كوكونىس باتىس قاقپادان شىعارىلدى

    كەلۋ قاينارى: شينجياڭ حالىق راديو ىستانسياسى    2019-01-07 11:11:32  
ستانسيامىزدىڭ ءتىلشىسى لان تيان مەن جاۋ لينانىڭ حابارى: «ءبىر بەلدەۋ، ءبىر جول» باستاماسىنىڭ اتقارىلۋىمەن، شاۋەشەك قالاسىنىڭ باقتى شەكارا وتكەلى تىڭ جالىندى كۇش بايقاتتى، سونىمەن بىرگە ماڭىنداعى جىلىجاي ەگىمشىلىگىمەن شۇعىلداناتىن وتباسىلارىن يگىلىككە كەنەلتتى. كوكونىس ەگەتىن ديحان تاڭ داۋچياڭنىڭ جىلىجايدا ەككەن كوكونىستەرى وسى ارادان باتىستى بەتكە الىپ ەۆروپا بازارىنا شىعارىلدى.
بىرنەشە كۇننەن بەرى، ءدوربىلجىن اۋدانىندا قار جاۋىپ، بيڭتۋان 9-شىسى ىنتىماق ەگىس الاڭىنداعى كوكونىس ەگەتىن ديقان تاڭ داۋچياڭ وتباسىنىڭ بۇلدىرگەن ەككەن جىلىجايىنىڭ اۋاسىن اۋىستىرىپ، تەمپەراتۋراسىن رەتتەدى. ول تىلشىگە، 2018-جىلى ءوزىنىڭ 4 جىلىجايىنداعى كوكونىستىڭ ەكسپورت كىرىسىنىڭ 60 مىڭ يۋانعا جەتكەنىن ايتا كەلىپ:«2018-جىلى پاميدور مەن ءتۇستى بۇرىشتى نەگىز ەتىپ ەكتىك، ءارقايسىسى جىلىجايدىڭ جارتىسىن يەلەدى، ءبىر جىلىجايداعى پاميدوردان 10 مىڭ يۋانداي، ال ءتۇستى بۇرىشتان 20 مىڭ يۋانداي پايدا ءتۇسىپ، ەكسپورت مولشەرى %80 كە جەتىپ، قاجەتتى قامداي المادى. وسى ارادان ەكسپورت ەتۋ قولايلى، پاميدور مەن ءتۇستى بۇرىش باقتى شەكارا وتكەلى ارقىلى قازاقستان مەن رەسەيگە ەكسپورت ەتىلەدى»،-دەدى.
تاڭ داۋچياڭنىڭ كوكونىس ەگىمشىلىگىمەن اينالىسقانىنا ون نەشە جىل بولدى، بۇرىن كوكونىسىن ەڭ ۇزاق بولعاندا شاۋەشەك قالاسىنا دەيىن ساتاتىن. 2012-جىلى 10-ايدا ىنتىماق ەگىس الاڭى «مەملەكەت دارەجەلى ەكسپورت ەتىلەتىن ازىق-تۇلىكتەر، اۋىل شارۋاشىلىق ونىمدەرى ساپا حاۋىپسىزدىگى ۇلگى وڭىرى» اتاعىنا يە بولىپ، تاڭ داۋچياڭنىڭ ەككەن كوكونىسى 70 كيلومەتر جەردەگى باقتى شەكارا وتكەلى ارقىلى مەملەكەت قاقپاسىنان شىقتى. ول: «سول جىل ءتۇستى بۇرىشتىڭ باعاسى ويداعىداي بولدى، ءبىر جىلىجايعا ءتۇستى بۇرىش ەگىپ، ونى 20 مىڭ يۋانعا ساتتىم، العاشقى جىلدىڭ وزىندە پايدا كوردىم»،-دەدى.
2013-جىلى 12-ايدىڭ 23-كۇنى، جۇڭگو مەن قازاقستان شەكاراسىنداعى باقتى شەكارا وتكەلىندە اۋىل شارۋاشىلىق ونىمدەرىنىڭ كەدەننەن جەدەل وتەتىن «ىركىلىسسىز ارناسى» ءساتتى اشىلىپ، اۋىل شارۋاشىلىق ونىمدەرىن باقتى شەكارا وتكەلىنەن وتكىزۋ بارعان سايىن قولايلى بولا ءتۇستى، اۆتوكولىككە تيەۋدەن ورتا ازيا بازارىنداعى تاۋار سورەسىنە شىققانعا دەيىن، نەبارى بىرنەشە كۇن ۋاقىت عانا جۇمسالدى. ەكسپورت ەتىلەتىن اۋىل شارۋاشىلق ونىمدەرىنىڭ ساپا حاۋىپسىزدىگىنە كەپىلدىك ەتۋ ءۇشىن، شاۋەشەك كەدەنى باقىلاۋ-باسقارۋ كولەمىن كەڭەيتىپ، ەكسپورت ەتىلەتىن اۋىل شارۋاشىلىق ونىمدەرىندەگى ەگىس دارىلەرىنىڭ قالدىعىن جىلىجايدىڭ وزىندە تەكسەردى. تاڭ داۋچياڭنىڭ ءاربىر جىلجايىندا « ەكسپورت بازاسىنداعى كوكونىستەرگە قاتىستى ەگىس جۇمىستارىن مەڭگەرۋ ەستەلىگى» ىلۋلى تۇر. ول :« تىڭايتقىش بەرۋ، سۋارۋ سياقتى ىستەيتىن جۇمىستاردى ەستەلىككە الامىز. شاۋەشەك كەدەنىنىڭ ساپا تەكسەرۋ قىزمەتكەرلەرى كەلىپ ەگىس دارىلەرىنىڭ ولشەمنەن اسقان-اسپاعانىن تەكسەرىپ تۇرادى»،-دەدى.
وتكەن جىلى 1-ايدان 11-ايعا دەيىن، باقتى شەكارا وتكەلىنىڭ ەكسپورت ەتكەن اۋىل شارۋاشىلىق ونىمدەرى جيىنى 48 مىڭ تونناعا، قۇنى 320 ميلليون يۋانعا جەتىپ، جالپى زاتتىڭ قۇنى الدىنداعى جىلداعىنىڭ ۇقساس مەزگىلىنەن %4.9 ارتتى. جاڭا جىلدا تاڭ داۋچياڭ كوكونىس جىلىجايىنان ەكەۋىن تاعى دا تىڭنان سالماقشى. ول بىلاي دەدى: «بيىل پاميدوردى توپىراقسىز وسىردىك، ەكى جىلىجايعا ادەتتەگى پاميدور، ەكى جىلىجايعا ءتۇستى بۇرىش، ءبىر جىلىجايعا بۇلدىرگەن ەكتىم، قازىر ەلىمىزدىڭ «ءبىر بەلدەۋ، بىر جول» باستاماسى ديقانداردىڭ ەككەن ونىمدەرىن ەكسپورت ەتۋگە مۇمكىندىك جاسادى، پارتيا مەن مەملەكەتتىڭ تاماشا ساياساتى بولماسا، شىنىن قۋاعاندا ەككەن ونىمدەرىمىز وسىنشاما تاماشا ونىمدىلىك جاراتا الماس ەدى. پارتيا مەن مەملەكەتكە العىس ايتامىز».

بەرىپ كەت ورامالىڭدى

دوستار

الىستاعى اق ەركە