جاڭا حابارلار

حىبەيدىڭ شىعىسىنان ۇلى قورعانعا دەيىنگى ءوڭىردى جانىن سالا قورعاعان، جاپون شاپقىنشىلارىنا قارسى سوعىستىڭ مايتالمان قولباسشىسى باۋ سىن

    كەلۋ قاينارى: شينجياڭ حالىق راديو ىستانسياسى    2019-01-07 11:12:33  
باۋ سىننىڭ بۇرىنعى اتى جاۋ باۋسىن، 1911-جىلى 7-ايدا شانشي ولكەسى پۋچىڭ اۋدانىندا دۇنيەگە كەلگەن. 1932-جىلى كوكتەمدە جۇڭگو كوممۋنيستىك پارتياسىنا مۇشە بولعان، سول جىلى قىستا، ۇيىمنىڭ ۇيعارۋىمەن جيڭياڭ اۋدانى مياۋجيا وڭىرىندەگى پارتيزاندار اترەتىنە بارىپ، قىزىل ارميانى كەڭەيتۋ قىزمەتتەرمەن اينالىسقان.
1937-جىلى 3-ايدا، باۋ سىن جۇڭگو حالىقىنىڭ جاپون شاپقىنشىلارىنا قارسى اسكەري-ساياسي داشۋسىندە وقىعان. 7-شىلدە ۋاقيعاسىنان كەيىن، يان-ءانعا بارىپ، 8-ارمياعا ىلەسىپ، سولتۇستىك جۇڭگوداعى جاپون شاپقىنشىلارىنا قارسى سوعىستىڭ الدىڭعى شەبىنە باراپ، سانشي-چاحار-حىبەي جاپون شاپقىنشىلارىنا قارسى تۇرۋ بازاسىنىڭ دەربەس 1-شىسى 33-ۇلكەن اترەتى پارتيا ياچەيكاسىنىڭ شۋجيى بولعان. 1938-جىلى 6-ايدا 40 نەشە اسكەردى باستاپ، حىبەي ولكەسىنىڭ شيڭلۇڭ وڭىرىندە جاپون شاپقىنشىلارىنا قارسى پارتيزاندار ءوڭىرىن قۇرادى. كوپ وتپەي حىبەيدىڭ شىعىسىنداعى بولىمشە اسكەري رايوننىڭ ورىنباسار سىليڭيۋانى بولادى.
1939-جىلى 4-ايدا، باۋ سىن قوسىن باستاپ، زۇنحۋا قالاسىنىڭ شىعىس سولتۇستىگىنەن جاپون پاتشاسىنىڭ جيەن ءىنىسى جاندارام ـــ دازو چىبيندى ( 大佐赤本 )تىرىدەي تۇتقىنداپ، جاپون ۇكىمەتىن ۇرەيلەندىرەدى. سول جىلى كۇزدە، باۋ سىن 8-ارميانىڭ 13-بولىمشەسىنىڭ ورىنباسار سىليڭيۋانى مىندەتىنە تاعايىندالادى.
1940-جىلى 2-ايدا، باۋ سىن قوسىن باستاپ پانشان وڭىرىنە جەتىپ، پانشان جاپون شاپقىنشىلارىنا قارسى تۇرۋ بازاسىن قۇرۋعا بار كۇشىن سالادى. 6-ايدىڭ سوڭىندا، بايساۋۋادا (白草洼) تورۋىلداپ جاتىپ، جاپون ارمياسىمەن 14 ساعات قيان-كەسكى سوعىسىپ، جاپون ارمياسىنىڭ ءبىر اتتى اسكەرلەر ورتا اترەتىن جويىپ، حىبەيدىڭ شىعىسىندا جاپون ارمياسىن ليان بويىنشا ءتىپ-تيپىل جويۋدىڭ سارا جولىن اشادى. سول جىلى كۇزدە، حىبەيدىڭ شىعىسىنداعى بولىمشە اسكەري رايوننىڭ 13-تۋانى رەسمي ۇيىمداسىپ قۇرىلادى دا، باۋ سىن تۋان باستىعى مىندەتىنە تاعايىندالادى. ءبىر جىلعا جالعاسقان قاندى شايقاستان كەيىن، پانشان وڭىرىندە 7 بىرىككەن اۋداندىق ۇكىمەت قۇرىلىپ، وسى وڭىردەگى حالىق سانى 2 ميلليوننان اسادى.
1941-جىلى كۇزدە، حىبەيدىڭ شىعىسىنداعى بولىمشە اسكەري رايوندا قۋىرشاق اماندىق قورعاۋ ارمياسىنا سوققى بەرۋ سوعىسى باستالعاننان كەيىن، باۋ سىن كورەگەندىكپەن كەسكىن شارا قولدانىپ، ەرلىك كورسەتىپ، تاماشا ونىمدىلىككە قول جەتكىزەدى، ونىڭ جەتەكشىلىگىندە، اسكەري ءبولىم جەڭىستەن-جەڭىسكە جەتەدى. مۇندا 1942-جىلى 1-ايدا يانشانكوۋداعى گۋوحىيان شايقاسىندا، باۋ سىن 7 ليان اسكەرمەن جاۋ ارمياسىنىڭ جۇڭزۋو دارەجەلىدەن تومەنگى وفيتسەر-اسكەرىن قامتىعان مىڭعا جۋىق ادامىن جويىپ، از اسكەرمەن كوپ اسكەردىڭ كوزىن قۇرتىپ، السىزدىڭ كۇشتىنى جەڭۋى سىندى شايقاس مۇھجيزاسىن جاراتادى.
1942-جىلى 2-ايدىڭ 17-كۇنى، باۋ سىن اسكەري قوسىندى باستاپ، زۇنحۋا اۋدانىنان شىعىس سولتۇستىككە قاراي جۇرگەندە 20 شاقىرىم جەردەگى يەحۋشانعا بارعاندا، جاپون ارمياسىنىڭ تيانجۇڭ ۇلكەن اتىرەتى مەن «قۋىرشاق مانجۋريا اترەتى»نىڭ تۇتقيىل شابۋىلىنا ۇشىرايدى، سوعىسقا قولباسشىلىق ەتۋ بارىسىندا، باۋ سىننىڭ كەۋدەسىنەن وق ءتيىپ، باقىتقا قارسى 31 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە