جاڭا حابارلار

 رايونىمىز اۋە لەنياسى قاتىناس تورابىن جيىلەتىپ، ءار ۇلت بۇقاراسىنىڭ ۇشاقپەن شينجياڭعا كەلىپ-كەتۋىنە، ۇشاقپەن شينجياڭدى ساياحاتتاۋىنا اناعۇرلىم قولايلىلىق جاسادى

    كەلۋ قاينارى: شينجياڭ حالىق راديو ىستانسياسى    2019-01-08 08:31:49  

 شينجياڭدا 21 حالىقتىق اۋەجاي پايدالانۋعا بەرىلىپ، «نەگىزگى لەنيا مەن تارماق لەنيانى ۇشتاستىرۋ، تارماق لەنيالار اراسىندا  ءوزارا  ۇشاق قاتىناتۋ» سىندى اۋە لەنياسى تورابىنىڭ تىرەك بولۋىندا، شينجياڭ  كولەمىندە كەزەكشى ۇشاقتاردىڭ جالعاپ ۇشۋى، اينالىپ ۇشۋى، شينجياڭنان سىرت جەردە ۇشاق اۋىستىرماي ۇشۋى جۇزەگە اسىرىلدى. ءسويتىپ، ۇشاقپەن شينجياڭعا بارىپ- قايتۋ، ۇشاققا وتىرىپ شينجياڭدى ساياحاتتاۋ اناعۇرلىم قولايلى بولدى.  ەندى ستانسيامىزدىڭ ءتىلشىسى لەي ميڭ مەن ەرىكتى ءتىلشى ۋاڭ فيدىڭ وسى جونىندەگى حابارىن تىڭداڭىزدار:     ەندى عانا وتكەن 2018- جىلدىڭ 12- ايىنىڭ 26 - كۇنى 108جولاۋشى وتىرعان وڭتۇستىك اۆياتسيا سەرىكتەستىگىنىڭ  CZ6827 كەزەكشى ۇشاعى  تۇمسىق تاڭۋاڭچىڭ اۋەجايىنداعى ۇشاق الاڭقىسىنا باياۋ قوندى. تۇمسىق تاڭۋاڭچىڭ اۋەجايىنىڭ رەسمي ىسكە قوسىلۋى تۇمسىق پەن بۇكىل شينجياڭ، ءتىپتى بۇكىل ەل اراسىنداعى اۋە قاتىناسى لەنياسى ارالىعىن بارىنشا قىسقارتتى. ٴپايزاۋات باس ەگىس الاڭىنىڭ قىزمەتكەرى ميڭ يانچاۋ بۇرىن ۇرىمجىگە پويەزبەن 20 ساعاتقا تاياۋ ۋاقىتتا ارەڭ جەتەتىن، قازىر ونىڭ تالعامى ءتىپتى كوبەيدى، ول بىلاي دەدى: «قاتتى قۋاندىم، ءارى تەبىرەنىپ تۇرمىن، قازىر ۇشاقپەن ءبىر ساعاتتان ارتىق ۋاقىتتا ۇرىمجىگە جەتىپ بارامىن، وتە تەز بولىپ كەتتى». تاڭۋاڭچىڭ اۋەجايىنىڭ رەسمي ىسكە قوسىلۋى تۇمسىق قالاسىنىڭ سىرتقا تۇتاساتىن «كەڭىستىك ءدالىزىن» اشتى، بۇل جەرگىلىكتى ورىننىڭ قارجىلاندىرۋ ورتاسىن جاقسارتۋ، بايلىق ابزالدىلىعىن ەكونوميكالىق ابىزالدىلىققا اينالدىرۋ، مادەنيەتتى، ساياحاتتى دامىتۋ سياقتى كاسىپتەردى دامىتۋدا بەلسەندى رول اتقاردى. شينجياڭ اپانشۋ بيو-تەحنيكا سەرىكتەستىگىنىڭ باس جوراسى لياڭ يۇيحۇڭ بىلاي دەدى: «ءبىز اۋىل شارۋاشىلىق قوسىمشا ونىمدەرىن قۇنتتاپ مانەرلەيمىز، قازىر اۋە تاسىمالى ارقىلى ونىمدەرىمىزدى تۇتىنۋشىلارعا جەتكىزىپ بەرە الاتىن بولدىق، بۇل كاسىپورنىمىزدىڭ دامۋىنا توتەنشە زور جەبەۋ رولىن اتقاردى».    تۇمسىقتاعى تاڭۋاڭچىڭ اۋەجايىنىڭ ءساتتى اشىلۋى - رايونىمىزداعى ءار قايسى اۋدانداردا «كەڭىستىك ءدالىزىنىڭ» اشىلعاندىعىنىڭ كارتيناسى.  سوڭعى جىلدارى، ءار قايسى اۆياتسيا سەرىكتەستىكتەرى شينجياڭدا تاسىمال قۋاتىن جاپا-تارماعاي ىسكە قوسىپ، شينجياڭداعى اۋە لەنياسى تورابى قۇرىلىمىن بىرتىندەپ نىعايتتى. ورمەكشىنىڭ تورى ىسپەتتى ءجيى ورنالاسقان اۋە لەنيالارى وڭتۇستىك ــ سولتۇستىك شينجياڭنىڭ قاتىناسىنا اناعۇرلىم قولايلىقتار الا كەلدى ءارى شينجياڭنىڭ ساياحاتىنا ەكى جاقتىلى تيىمدىلىك جەتكىزدى. ساياحاتشىلار قاشقاردا كونە قالانى سەرۋەندەپ بولىپ، ۇرىمجىگە قايتا قايتىپ جۇرمەي-اق، ۇشاقپەن توتە كورلاعا بارىپ كونچى وزەنىنىڭ تۇنگى كورىسىن تاماشالايدى ءارى قۇلجاعا بارىپ ءيىستى قۇدىس ەگىس الاڭىن تاماشالايدى نەمەسە سولتۇستىكتە  التايعا بارىپ ۇلىڭگىر كولىندە بالىق اۋلاپ، سەيىل- سەرۋەن قۇرا الادى. بيىل 1-ايدىڭ 1-كۇنى حۋاشيا اۆياتسيا سەرىكەستىگى قارامايلىدان قاشقارعا، اقسۋعا، شاۋەشەككە، بۇراتالاعا قاتىنايتىن 4 اۋە لەنياسىن تىڭنان كوبەيتتى. وسى 4 اۋە لەنياسى اشىلعاننان كەيىن، قارامايلى قالاسىنداعى شينجياڭ كولەمىندە قاتىنايتىن اۋە لەنياسى 11 گە جەتىپ، شينجياڭداعى 10 ايماق، وبىلىسقا كەزەكشى ۇشاق قاتىنادى. 1-ايدىڭ 5-كۇنى، قارامايلى قالاسىنىڭ تۇرعىنى تاڭ حانىم مەن وتباسىنداعىلار قارامايلىدان ۇشاقپەن شاۋەشەككە ساياحاتتاي بارعانىن ايتا كەلىپ بىلاي دەدى: «شينجياڭداعى كوپتەگەن قالالارعا بارىپ كورمەدىم، قازىر، ۇشاق قاتىناپ وتە قولايلى بولدى، نەشە 10 مينۋتتا جەتەمىز، بۇرىن اۆتوكولىكپەن ءبىر كۇن جول ءجۇرىپ ارىپ-شارشاپ ازەر جەتەتىنبىز.»      قازىرگە دەيىن، شينجياڭ بويىنشا ەلىمىز ءىشى-سىرتىنداعى 36 اۆياتسيا سەرىكتەستىگىنىڭ مەرزىمدى قاتىنايتىن 254 اۋە لەنياسى ىسكە قوسىلدى، 16 مەملەكەت، 25 حالىقارالىق قالا، ەلىمىزدەگى 79 قالا ءۇرىمجى حالىقارالىق اۋە جايىمەن تۇتاستى، شينجياڭداعى تارماق لەنيالى اۋە جايلارىنان 31 اۋە لەنياسى ءوزارا ۇشتاستى، تارماق لەنياداعى اۋە جايلاردان ىشكى ولكەدەگى قالالارعا 42 اۋە لەنياسى توتە قاتىنادى. مۇنان سىرت، رايونىمىز تاعى ەلىمىز بويىنشا ايگىلى تارماق لەنياداعى اۆياتسيا سەرىكتەستىكتەرىن بەلسەنە ەنگىزىپ، شينجياڭدا اۋە لەنياسى اينالىم بازاسىن اشتى. بىلتىر 4-ايدا حۋاشيا اۆياتسيا سەرىكتەستىگىنىڭ كورلادا تۇنەۋ بازاسى رەسىمي ۆەيۋەسكا اسىپ قۇرىلدى، بيىل 1-ايدىڭ 1-كۇنى قارامايلى اۋە جايى اۋەجايدا ايالدايتىن ءبىر ۇشاقتى ىسكە قوسىپ، تۇنەۋ بازاسىن قۇرىپ، جىبەك جولىنىڭ سولتۇستىك شينجياڭداعى قاتىناس تورابىن قالىپتاستىرۋعا نىق قادام تاستادى. حۋاشيا اۆياتسيا شەكتى جارنا سەرىكتەستىگىنىڭ ورىنباسار باس القاسى لو تۇڭ بىلاي دەدى: «ءبىزدىڭ شينجياڭداعى دامىۋىمىز وسى جارىم جىلدىق اماليات بارىسىندا ەرەكشە ءساتتى بولدى، الدا، قۇلجا، شىحىزى سياقتى جەرلەرگە قاتىنايتىن ۇشاقتاردى ىسكە قوسىپ، توراپ شوعىرىن قالىپتاستىرامىز، وسى ارقىلى شينجياڭنىڭ ءىشى - سىرتىن تۇتاستىرامىز» .  
 


بەرىپ كەت ورامالىڭدى

دوستار

الىستاعى اق ەركە