جاڭا حابارلار

جەر سىلكىنىسىنە ءتوزىمدى بەيقۇت ءۇي قۇرىلىسى ديقانداردى الاڭسىز ەتتى

    كەلۋ قاينارى: شينجياڭ حالىق راديو ىستانسياسى    2019-01-08 08:36:07  

سانجى راديو ستانسياسىنىڭ ءتىلشىسى جۋ ليجۇن مەن ەرىكتى تىلشىلەر شۇي چىڭشيۋ، جاڭ شينيۋانداردىڭ حابارى :جەر سىلكىنىسىنە ءتوزىمدى بەيقۇت ءۇي سالۋ ينجەنەرياسى ديقانداردى بارىنشا الاڭسىز ەتتى،   :
     جاڭا جىل كىرىسىمەن، قۇتىبي اۋدانى ىرشىليديان قالاشىعى سورتتى تۇقىم الاڭى قىستاعىنىڭ ديقانى حاميت جاڭادان اشەكەيلەنگەن بەيقۇت ۇيگە كوشىپ كىردى. ەرلى- زايىپتى ەكەۋى 80 شارشى مەترلىك جاڭا ۇيىنە سۋ جاڭا كىلەم توسەپ، ءتور الدىندا اشەكەيلى جاستىقتاردى ءتىزىپ، ءۇيىن ءاپ- ادەمى جوندەپ الدى. حاميت بىلاي دەدى:  بۇرىن ءۇيىمىزدىڭ توبەسىنەن سۋ وتەتىن، جازدا جاڭبىر جاۋعاندا، توبەگە سۋلياۋ جاۋىپ ابىگەرلەنەتىنبىز، مەملەكەتتىڭ كومەگىندە جاڭا ءۇيدىڭ سالىنعانى جاقسى بولدى. »
   حاميتتىڭ ايەلى جەل-قۇز اۋرۋىنا شالدىققان، ەڭبەك قابىلەتى جوق. وتباسىنداعى 4 جان حاميتتىڭ ەگىن ەگۋدەن تاپقان كىرىسىنە سۇيەنىپ كۇنەلتەدى. وسى جولى ءبىر ءۇيلى جاننىڭ جاڭا ۇيگە كوشىپ كىرۋى سانجى وبلىسىنىڭ ارحيۆ تۇرعىزىلىپ، كارتشكا تاراتىلعان كەدەي وتباسىلارى، ەڭ تومەنگى تۇرمىسى قامتاماسىزداندىرىلاتىن وتباسىلارى، اۋىل- قىستاقتارداعى ەرەكشە قيىنشىلىعى باربىتىراندى قارالاتىن وتباسىلارى جانە كەدەي مۇمكىندىگى شەكتەۋلى جاندار سياقتى 4 تۇردەگى ءتۇيىندى وبيەكتىلەردى ۇكىمەتتىڭ ەڭ تومەنگى شەك كولەمىنە كىرگىزىپ، وتباسىنداعى جان سانىنا قاراي 40 تا 60 شارشى مەترلىك جاڭا ءۇيدى تەگىن سالىپ بەرۋىنىڭ ارقاسى ەدى، جاقسى ساياسات  نەگىزىندە، حاميت تاعى تۋىس- تۋعان، دوس - جاراندارىنان 20 مىڭ يۋاننان ارتىق قارىز اقشا الىپ، وسى ولشەمگە تاعى 20 شارشى مەتر قوسىپ، ءۇيىن نەداۋىر  كەڭەيتىپ سالىپ الدى. جاڭا ۇيگە كىرگەن حاميتتىڭ جۇمىس ىستەۋ تەبىنى دە اناعۇرلىم ارتتى، ول اۋلاسىنا سيىر، قوي باعىپ، كىرىسىن ارتتىرۋ قامىنا كىرىستى، ول بىلاي دەدى: «جاڭا ۇيگە كىرىپ، تۇرمىسىمىز بارعان سايىن جاقساردى. سيىر، قوي باقسام، سىرتقا شىعىپ جۇمىس ىستەسەم دەيمىن. مەملەكەت كومەكتەسىپ وتىر، ءوزىمىز دە جاقسى ىستەسەك، تۇرمىسىمىز دا بىرتىندەپ جاقسارا تۇسەتىن بولادى. »
  2019 - جىلى، سانجى وبلىسى 600 ميلليون يۋان قارجى قوسىپ، اۋىل- قىستاقتاردا جەر سىلكىنىسىنە ءتوزىمدى بەيقۇت ءۇي سالۋ ينجەنەرياسى بويىنشا 4 مىڭ 961 ءۇي سالۋدى جوسپارلادى، مۇنىڭ ىشىندە، ارحيۆ تۇرعىزىلىپ، كارتشكا تاراتىلعان كەدەي وتباسىلارى، ەڭ تومەنگى تۇرمىسى قامتاماسىزداندىرىلاتىن وتباسىلارى، اۋىل- قىستاقتارداعى ەرەكشە قيىنشىلىعى بار بىتىراندى قارالاتىن وتباسىلارى جانە مۇمكىندىگى شەكتەۋلى كەدەيلەر  سياقتى 4 تۇردەگى ءتۇيىندى وبيەكتىلەردىڭ اۋىل- قىستاقتارداعى حاۋىپتى ۇيلەرىن جاقسارتۋ بويىنشا جيىنى 753 ءۇي سالىپ، قيىنشىلىعى بار بۇقارانىڭ حاۋىپسىز تۇرعىن ۇيدە وتىرۋ ماسەلەسىن تۇبەگەيلى شەشەدى. سانجى وبلىستىق تۇرعىن ءۇي جانە قالا- اۋىل قۇرىلىسى مەكەمەسىنىڭ باستىعى يۋە يۇڭ بىلاي دەدى: « 4 تۇردەگى ءتۇيىندى وبيەكتىلەردى تۇرعىن ۇيمەن قامتاماسىزداندىرۋ جۇمىسى 2019- جىلى جاپپاي ىستەلەدى. ەكىنشى، نەگىزگى الەۋمەتتىك قىزمەت وتەۋ مەن نەگىزگى قۇرىلعىنى قامتاماسىزداندىرىپ، قىستاقتاردىڭ سۋمەن قامداۋ، جاسىلداندىرۋ، توكپەن قامداۋ، حابارلاسۋ سياقتى نەگىزگى الەۋمەتتىك قىزمەت وتەۋى قۇرىلعىلارى دا ۇزدىكسىز كەمەلدەندىرىلىپ، اۋىل- قىستاقتىڭ جەر سىلكىنىسىنە ءتوزىمدى بەيقۇت ءۇي ينجەنەرياسىن ديقاندار كورە الاتىن، سەزىنە الاتىن حالىق قالاۋىنان شىققان، حالىققا ءتيىمدى، حالىقتى الاڭسىز ەتەتىن ينجەنەرياعا شىنايى اينالدىرامىز.»    
       


بەرىپ كەت ورامالىڭدى

دوستار

الىستاعى اق ەركە