جاڭا حابارلار

كەدەي وتباسىدان شىققان ايتۋلى ساردار ـــ فان زىشيا

    كەلۋ قاينارى: شينجياڭ حالىق راديو ىستانسياسى    2019-01-08 10:31:57  

 اتالعان ايداردا كەدەي وتباسىدان شىققان ايتۋلى ساردار ـــ فان زىشيامەن (范子侠)» تانىساسىزدار:     فان زىشيا،  1908- جىلى  جياڭسۋ ولكەسىنىڭ فىڭشيان اۋدانىندا دۇنيەگە كەلگەن. 1922 - جىلى، 14 جاستاعى فان زىشيا سەرگەلدەڭ كۇي كەشىپ، فۋجيانعا بارىپ، ءبىر فۋگۋانعا ءوزى تىلەنىپ اتقوسشى بولادى، كەيىن تيانجينگە جىبەرىلىپ، شىعىس سولتۇستىك  ارمياسىنىڭ قوسىن قاتارىنداعى مەكتەبىنە ءتۇسىپ وقيدى. مەكتەپتى بىتىرگەننەن كەيىن،  شىعىس سولتۇستىك ارمياسىندا ليانجاڭ، يىڭجاڭ، تۋانجاڭ سياقتى مىندەتتەردى اتقارادى. 1931- جىلى « 18- قىركۇيەك» وقيعاسىنان كەيىن، گومينداڭ پارتياسىنىڭ قارسىلاسپاۋ ساياساتىنا نارازى بولعان فان زىشيا ىزاعا بۋلىعىپ اسكەري مىندەتىنەن شەگىنەدى.   1933- جىلى فان زىشيا چاحارداعى جاپونعا قارسى بۇقارالىق وداقتاس ارمياعا كىرەدى، ٴءارى بەلگىلى ٴءبولىمىنىڭ تۋانجاڭى بولىپ، اسكەري قوسىندى باستاپ، كاڭباۋ، دولۇن سياقتى جەرلەردى قايتارىپ الىپ، جاپون ارمياسىنا قارسى سوعىسقا قاتىناسادى.     بۇكىل ەل كولەمىندە جاپونعا قارسى سوعىس باستالعاننان كەيىن، فان زىشيا جاپون شاپقىنشىلارىنا قارسى ەرىكتىلەر ارمياسىن ۇيىمداستىرىپ، حىبي ولكەسىنىڭ ۋجي، گاۋچىڭ، شينلى، شيڭتاڭ وڭىرلەرىندە پارتيزاندىق سوعىس جۇرگىزەدى. 1939- جىلى 11- ايدا، فان زىشيا تۇرعان اسكەري ءبولىم  129 -شى پيڭحان پارتيزاندار قۇراما قوسىنى بولىپ وزگەرتىلىپ، فان زىشيا قۇراما قوسىننىڭ سىليڭيۋانى بولادى. سول جىلدىڭ اياعىندا، فان زىشيا جۇڭگو كوممۋنيستىك پارتياسىنا مۇشە بولادى.   1940- جىلى فان زىشيا 8- ارميا 129- شىسىنىڭ جاڭادان قۇرىلعان 10- لۇيىنىڭ باستىعى بولىپ، اسكەري ءبولىمدى باستاپ، 100 تۋاننىڭ زور شايقاسىنا قاتىناسادى. فان زىشيا ەرجۇرەكتىگىمەن ءٴارى ۇرىسقا شەبەرلىگىمەن داڭقى شىعادى، ول ەكى قولىمەن ەكى مىلتىقتى بىردەي اتا بەرەتىن،  ءار رەت سوعىسقا قاتىناسقاندا، ول ەكى مىلتىقتى تەڭ مەڭگەرىپ، وڭدى- سولدى شايقاپ، اتقان وعى جەرگە تۇسپەيتىن، جاۋدىڭ زارەسىن الاتىن ەدى.  1942- جىلى 2 - ايدا جاپون ارمياسى تايحاڭ مەن تاي-يۋەدەگى( 太岳  Tài yuè) جاپون شاپقىنشىلارىنا قارسى بازالارعا شابۋىل جاسايدى. 2- ايدىڭ 12- كۇنى،  شاحىداعى( 沙河 ) «الاستاۋعا» قارسى قيان- كەسكى شايقاستا فان زىشياعا وق ءتيىپ، 34 جاسىندا ەرلىكپەن قۇربان بولادى. 


بەرىپ كەت ورامالىڭدى

دوستار

الىستاعى اق ەركە