جاڭا حابارلار

اسكەري ىستەر كۇرەسىنىڭ دايىندىق قىزمەتىندە قۇلشىنا جاڭا جاعداي اشايىق

    كەلۋ قاينارى: شينجياڭ گازەتى    2019-01-08 15:57:22  

− ءتوراعا شي جينپيڭنىڭ ورتالىق اسكەري ىستەر كوميتەتىنىڭ اسكەري ىستەر قىزمەتى ماجىلىسىندە سويلەگەن ماڭىزدى  ءسوزى بۇكىل ارمياداعى اسكەري بولىمدەردە كۇشتى اڭىس تۋدىردى
شينحۋا اگەنتتىگىنىڭ ءتىلشىسى مەي شىشيۇڭ
 
 


«جاۋىنگەر قوسىن يدەياسىن كۇشەيتىپ، جاۋىنگەرلىك قابىلەت سىندى وسى بىردەن - ءبىر ءتۇبىرلى ولشەمگە تاباندى بولىپ، قىزمەتتەر مەن قۇرىلىستاردى، ءار جاقتاعى كۇشتەر مەن بايلىقتاردى تۇگەلدەي اسكەري ىستەر كۇرەسىنىڭ دايىندىعىنا، اسكەري ىستەر كۇرەسىنە قىزمەت ەتۋ دايىندىعىنا شوعىرلاندىرىپ، اسكەري ىستەر كۇرەسىنىڭ دايىندىق قىزمەتىنىڭ بارىنشا كۇشەيۋىن ىلگەرىلەتۋ كەرەك».  

 ورتالىق اسكەري ىستەر كوميتەتىنىڭ اسكەري ىستەر قىزمەتى ءماجىلىسى 1 - ايدىڭ 4 - كۇنى بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.  

 ءتوراعا شي جينپيڭنىڭ ماڭىزدى ءسوزى بۇكىل ارمياداعى اسكەري بولىمدەردە كۇشتى اڭىس تۋدىردى. كوپشىلىك ءبىر اۋىزدان مىنالاردى ءبىلدىردى: ءتوراعا شي جينپيڭنىڭ ماڭىزدى ءسوزىنىڭ باستى تاقىرىبىنىڭ ماڭىزى زور، دەڭگەيى جوعارى، پارتيانىڭ اسكەري ىستەر جەتەكشى نازارياسىن ونان ارى بايىتىپ جانە دامىتىپ، اسكەري ىستەر كۇرەسىنىڭ دايىندىق قىزمەتىن اناعۇرلىم تىڭعىلىقتى، ءونىمدى تۇردە ويداعىداي ىستەۋگە، جاڭا داۋىردەگى ارميانى قۇدىرەتتەندىرۋ ىستەرىندە جاڭا جاعداي اشۋعا عىلمي باعدارناما ازىرلەدى. ءتوراعا شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، ەلىمىزدىڭ حاۋىپسىزدىك جانە دامۋ اۋقىمىن دۇرىس تانىپ جانە يگەرىپ، جاڭا باستامادا اسكەري ىستەر كۇرەسىنىڭ دايىندىق قىزمەتىن جاقسى ىستەپ، پارتيا مەن حالىق جۇكتەگەن بورىش پەن مىندەتتى باتىل ورىندايمىز.  

 باس قولباسشى بۇيرىق تۇسىرۋىمەن اسكەر جاتتىقتىرۋدىڭ جاڭا ساپارى باستالدى. تۇتقيىل شابۋىل ماشينالارى، بومبى اتار قاز - قاتار ءتىزىلدى، جاياۋ اسكەر سوعىس ماشينالارى ەكى قاناتتان سايكەستى، مينومەت، اۋىر پۋلەمەد، تانكى اتار راكەتا، بومبى ۇشىرعىش تۇگەل مايدانعا شىقتى... تەڭىز ارمياسى قۇرلىق قوسىنىنىڭ بەلگىلى لۇيىندەگى نەشە مىڭ كوماندير - جاۋىنگەر ايبارلى قاتار تۇزەپ، 2019 - جىلدىق اسكەري جاتتىعۋ قىزمەتىنىڭ شايقاس شىمىلدىعىن اشتى. لۇيجاڭ جاڭ شۇنحۋا بىلاي دەدى: ارميا سوعىسقا دايىن تۇرۋى كەرەك، اسكەري ىستەر كۇرەسىنىڭ دايىندىعى − ارميامىزدىڭ ەڭ ماڭىزدى، ەڭ رەال، ەڭ كوكەي تەستى ستراتەگيالىق مىندەتى. ءبىز، ءسوز جوق، ءتوراعا شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، تەرەڭدەي ءتۇسىنىپ، اسكەري ىستەر كۇرەسىنىڭ دايىندىق قىزمەتىن اناعۇرلىم تىڭعىلىقتى، ءونىمدى تۇردە ويداعىداي ىستەپ، اسكەري ءبولىمنىڭ جەڭىسكە جەتۋ قابىلەتىن جوعارىلاتامىز.  

 قاراقۇرىمنىڭ قويناۋىندا جاتتىعىپ جاتقان شينجياڭ اسكەري رايونى بەلگىلى تۋانىنىڭ كوماندير - جاۋىنگەرلەرى جەڭىل قارۋمەن جان - جاقتى اتقىلاۋدى تەكسەرۋ ارقىلى جاڭا جىلداعى اسكەري ىستەر جاتتىعۋىنىڭ ۇلكەن شىمىلدىعىن اشتى. تەڭىز دەڭگەيىنەن 4000 نەشە مەتر بيىك يەن وڭىردە ءاربىر كوماندير - جاۋىنگەر جاتۋ، جۇرەلەۋ، تىك تۇرۋ سياقتى ءتۇرلى قالىپپەن الۋان ءتۇرلى مىلتىقپەن اتقىلاۋدى ءۇرتىس ورىندادى. كوماندير - جاۋىنگەرلەر مىنالاردى ءبىلدىردى: اسكەري ىستەر كۇرەسىنىڭ دايىندىعى − ارميانىڭ نەگىزگى پراكتيكالىق قيمىلى، ءونىمدى تۇردە اۋقىمدى نۇسقالاۋدىڭ، داعدارىستى تىزگىندەۋدىڭ، سوعىستى شاۋجايلاۋدىڭ، سوعىستا جەڭىسكە جەتۋدىڭ ماڭىزدى كەپىلى. اسكەري ىستەر كۇرەسىنىڭ دايىندىعىن يگەرۋدىڭ ءوزى اسكەري ءبولىمنىڭ ءتۇرلى قىزمەتىنىڭ تۇتقاسىن يگەرگەندىك، وسىزامانداندىرۋ قۇرىلىسىنىڭ تەتىگىن يگەرگەندىك بولىپ تابىلادى.   سوعىس مايدانىندا دايىندىق بولعاندا عانا قاپى قالمايمىز. شىعىس بولىك سوعىس رايونى قۇرلىق ارمياسى بەلگىلى تەڭىز قورعانىس لۇيى 2 - يىڭىنىڭ 5 - ليانى دۇڭحاي تەڭىزىنىڭ قويناۋىنداعى مياۋزىحۋ ارالىندا قورعانىستا تۇرادى. جاڭا جىلدىق جاتتىعۋ باستالعاننان كەيىن، اسكەري ءبولىمنىڭ جاتتىعۋ قارقىنى كورنەكتى تۇردە ۇدەي ءتۇستى. جەتەكشى ۋ جيە بىلاي دەدى: اسكەري ىستەر كۇرەسىنىڭ دايىندىعىن مىقتاپ يگەرۋ قاجەت، ءبىر ءسات تە بوساڭسۋعا بولمايدى. اسكەري ءبولىم، ءسوز جوق، بارلىعىندا ناقتى سوعىس تالابىن تياناق ەتەتىن ايقىن بەتالىس ورناتىپ، جۇيەلى قارسىلاسۋ جاتتىعۋىن، كۇردەلى ورتاداعى جاتتىعۋدى، شەكتەن تىس جاعدايداعى جاتتىعۋدى مىقتاپ يگەرىپ، جەڭىسكە جەتۋدىڭ ءادىس - تاسىلدەرىنە قاتاڭ جاتتىعىپ، كەز كەلگەن ۋاقىتتا سوعىس جۇرگىزۋگە تولىق دايىندالىپ، شاقىرسا دەرەۋ جينالاتىن، جينالا سالا سوعىسا الاتىن، سوعىسسا جەڭەتىن بولۋ كەرەك. 

  قۇرلىق ارمياسى 73 - جيتۋانجۇنى بەلگىلى قۇرلىقتىق اۆياتسيا لۇيى ءتۇرلى تۇرپاتتى ۇشاقتاردى جاتتىعۋ جۇرگىزىلەتىن اۋە كەڭىستىگىنە جىبەرىپ، ەرەكشە قيىن 10 نەشە وقۋ - جاتتىعۋدى ءۇرتىس ورىندادى. جۇڭگونىڭ 5 - توپتا وڭتۇستىك سۋدانعا (جۋبا) جىبەرگەن بەيبىتشىلىكتى ساقتاۋشى جاياۋ اسكەرلەر يىڭى، جۇڭگونىڭ 15 - توپتا سۋداننىڭ دارفۋرىنا جىبەرگەن بەيبىتشىلىكتى ساقتاۋشى قۇرىلىسشى اسكەرلەر بولىمشە اترەتى مىندەت اتقاراتىن رايوننىڭ حاۋىپسىزدىك جاعدايىنا ۇشتاستىرىپ، اسكەري ىستەر جاتتىعۋ جوسپارىن اناعۇرلىم كەمەلدەندىرىپ، كوپتەگەن اۋىر، قيىن وقۋ - جاتتىعۋىن ورىستەتتى. كوماندير - جاۋىنگەرلەر مىنانى ءبىلدىردى: تاۋقىمەت تانىمىن، داعدارىس تانىمىن، سوعىس جۇرگىزۋ تانىمىن كۇشەيتىپ، اسكەري ىستەر كۇرەسىنىڭ دايىندىق قىزمەتتەرىن تىڭعىلىقتى تۇردە جاقسى ىستەپ، جەڭىسكە جەتۋ قابىلەتىن ۇزدىكسىز جوعارىلاتامىز. 

  راكەتا ارمياسى «داعدىلى باسقارىلمالى بومبى 1 - لۇيى» «ۇشىرۋ ەكپىندىلەر قوندىرعىسىنىڭ» ونەر باسەكەسى دابىلىن قاقتى. لۇي ۇشىرۋ 2 - يىڭىنىڭ 1 - دارەجەلى ۇشىرۋ قولباسشىسى تاۋ دىجۇن بىلاي دەدى: ءاربىر ءادىس - تاسىلگە مەيلىنشە جاتىلعاندا عانا، «كەز كەلگەن ۋاقىتتا سوعىسۋعا، دەر كەزىندە ۇشىرۋعا، ءونىمدى تۇردە كۇيرەتۋگە» كەپىلدىك ەتۋگە بولادى.  سوعىس دايىندىعى شارلاۋ مىندەتىن اتقارىپ جۇرگەن شىعىس بولىك سوعىس رايونى تەڭىز ارمياسىنىڭ سۋجوۋ كەمەسى تەڭىز جاعدايى كۇردەلى، اۋا رايى قۇبىلمالى بولۋ سياقتى ءتيىمسىز فاكتورلاردى جەڭىپ، ەرەكشە قيىن وقۋ - جاتتىعۋىن ۇيىمداستىرىپ، ءتۇرلى الدىن الا جاسالعان جوبا مەن سوعىس تاسىلدەرىن سىنادى. كەمە كاپيتانى حۋاڭ شينكى: ارەكەت − ەڭ جاقسى تياناقتاندىرۋ، ءبىز، ءسوز جوق، سوعىسقا دايىندالۋ، سوعىس جۇرگىزۋ قىزمەتىندەگى ولقىلىقتار مەن ءالسىز تۇستاردى زەر سالا تەكسەرىپ تاۋىپ، سوعىس جۇرگىزۋ مىندەتىن ورىنداۋ قابىلەتىن قۇلشىنا جوعارىلاتامىز، - دەدى. 

  قارۋلى ساقشى بارىس ەكپىندىلەر قوسىنىنىڭ بارىمتالاۋعا قارسى جاتتىعۋ الاڭىندا سوعىس جۇرگىزۋ بىرلىكتەرى ءوزارا قارسىلاسىپ، شابۋىلداۋ - قورعانۋ قارسىلىعىن ورىستەتتى، ولار ءوزارا اتوي سالىپ، شايقاستىڭ كورىگىن باستى. اسكەري ءبولىم باستىعى چۇي لياڭفىڭ: لاڭكەستىككە قارسى ءبىرىنشى شەپتە تۇرعاندىعىمىزدان، ءبىز «سوعىسپاسا دا دايىندالۋعا بولعانمەن، دايىندالماي سوعىسۋعا بولمايتىنىن» اناعۇرلىم تەرەڭ تۇسىندىك، - دەدى.  جاڭا جىل باستالا سالا سولتۇستىك بولىك سوعىس رايونى اۋە ارمياسى بەلگىلى جەردەن - جەرگە اتىلاتىن باسقارىلمالى بومبى لۇيى قىسقى جاتتىعۋدى تىڭعىلىقتى ىلگەرىلەتىپ، سوعىس دايىندىعى دارەجەسىن كوپ رەت اۋىستىرىپ، ناقتى سوعىستىق جاتتىعۋ دەڭگەيىن ۇزبەي تەرەڭدەتتى. وسى لۇي يىڭ قارۋ كۇشى بىرلىگىنىڭ جىلجۋ، اتۋ، بىرلەسۋ، قورعانۋ، قامتاماسىزداندىرۋ كەشەندى قابىلەتىن شىڭاۋعا باسا ءمان بەرىپ، ساتىلار بويىنشا جاتتىعۋ جۇرگىزۋ، مودەلدىك بولەكتەر بويىنشا جاتتىعۋ ۇيىمداستىرۋ، ورىن اۋىستىرىپ ءوزارا جاتتىعۋ سياقتى تەرەڭدەي جاتتىعۋ، قاتاڭ جاتتىعۋ ادىستەرىندە ۇزدىكسىز جاڭالىق اشىپ، جاڭا جىلدىق اسكەري ىستەر جاتتىعۋىنىڭ جوعارى ولشەممەن تەرەڭگە، ناقتىلىققا بەت الۋىنا كەپىلدىك ەتتى. لۇي ساياسي قىزمەت ءبولىمىنىڭ مەڭگەرۋشىسى باي يىڭۋي بىلاي دەدى: ءسوز جوق، ماسەلەنى باعدار ەتۋگە تاباندى بولىپ، اسكەري ىستەر جاتتىعۋىنداعى ولقىلىقتار مەن ءالسىز تۇستاردى يگەرە وتىرىپ ۇزبەي كۇش جۇمساپ، جاتتىعۋ مەن سوعىسۋدىڭ ايىرماشىلىعىن ۇزدىكسىز ازايتىپ، ناقتى جاتتىعۋدى ناقتى سوعىسپەن تىعىز قابىستىرۋ كەرەك.  

 قالىڭ كوماندير - جاۋىنگەرلەر كوسەمنىڭ تاپسىرماسىن ەستە بەرىك ساقتاپ، باس قولباسشىنىڭ بۇيرىعىنا بويسۇنىپ، شي جينپيڭنىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، جەڭىستى سوعىس جۇرگىزۋ ونەرىنە ويداعىداي جاتتىعىپ، اسكەري ىستەر كۇرەسىنىڭ دايىندىق قىزمەتىندە قۇلشىنا جاڭا جاعداي اشاتىندىقتارىن ءبىلدىردى.   (شينحۋا اگەنتتىگىنىڭ 1 - ايدىڭ 6 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە