جاڭا حابارلار

ەركىندىككە ۇمتىلىپ، جاپون شاپقىنشىلارىنا قارسى شايقاس جاساۋ جونىندە سەرت بەرگەن» جاۋ جۇرەكتەر جاساعىنىڭ كوسەمى ـــــ جاۋ شاڭجىمەن ((赵尚志

    كەلۋ قاينارى: شينجياڭ حالىق راديو ىستانسياسى    2019-01-09 10:30:40  

 اتالعان ايداردا بۇگىن: «ەركىندىككە ۇمتىلىپ، جاپون شاپقىنشىلارىنا قارسى شايقاس جاساۋ جونىندە سەرت بەرگەن» جاۋ جۇرەكتەر جاساعىنىڭ كوسەمى ـــــ جاۋ شاڭجىمەن ((赵尚志 تانىساسىزدار:     جاۋ شاڭجى، 1908- جىلى، لياۋنيڭدە دۇنيەگە كەلگەن. ەرتەدە وقۋشىلاردىڭ وتانشىلدىق قيمىلىنا قاتىناسقان. 1925- جىلى، جۇڭگو كوممۋنيستىك پارتياسىنا كىرىپ، شىعىس سولتۇستىك جۇڭگو رايونىندا ەڭ ەرتە پارتياعا وتكەن پارتيا مۇشەلەرىنىڭ بىرىنە اينالادى. جاۋ شاڭجى كەزىندە ەكى رەت قولعا الىنىپ، تۇرمەگە تۇسەدى، الايدا پارتيانىڭ قۇپيالىعىن ساقتاپ، قايسارلىقپەن تىزە بۇكپەيدى. «18- قىركۇيەك» وقيعاسىنان كەيىن، ونى ۇيىم تۇرمەدەن قۇتقارىپ، ج ك پ مانجوۋ ولكەلىك پارتكومىنىڭ تۇراقتى مۇشەسىنە، اسكەري كوميتەتتىڭ شۋجيلىعىنا تاعايىندايدى.      1936- جىلى 8- ايدا، جاۋ شاڭجى شىعىس سولتۇستىك جۇڭگو جاپون شاپقىنشىلارىنا قارسى تۇرۋ بىرلەسكەن ارمياسى 3- جۇنىنىڭ جۇنجاڭدىعىنا تاعايىندالادى. كەيىن ج ك پ سولتۇستىك مانجوۋ ۋاقىتتىق ولكەلىك پارتكوم اتقارۋ كوميتەتىنىڭ ءتوراعاسى، شىعىس سولتۇستىك جاپون شاپقىنشىلارىنا قارسى تۇرۋ بىرلەسكەن ارمياسى 2- باعىت ارمياسىنىڭ ورىنباسار باس قولباسشىلىعىنا تاعايىندالادى. جاپون ارمياسى مەن قۋىرشاق ارميانىڭ ولەرمەندەنە جۇرگىزگەن «جازا جورىعىنا»، «الاستاۋىنا» قاراتا، اسا ماشاحاتتى دا قاتەرلى ورتادا جاۋ شاڭجى  جاپون شاپقىنشىلارىنا قارسى تۇرۋ بىرلەسكەن اسكەري  ءبولىمىن باستاپ، اسقان ەرلىكپەن جاپالى شايقاس جاساپ، سۇڭنىن جازىعىنا دەيىن جورىق جاساپ، قار - مۇزدى باسىپ، مۇز توسەنىپ، قار جامىلىپ، جۇزدەن ارتىق  رەت شايقاس جاساپ، جاپون قۋىرشاق ارمياسىنىڭ تالاي رەتكى قالىڭ اسكەرمەن جۇرگىزگەن «جازا جورىعىن» جانە «الاستاۋىن» تالقاندايدى.      جاپون شاپقىنشىلارى  لاجسىزدان اھىلاپ: « شاعىن عانا مانجوۋ ەلىندە، الىپ جاۋ شاڭجى بار»-دەستى. ولار، كانتون ارمياسىنىڭ مانجوۋداعى تالاي رەتكى ءولىم- ءجىتىمىن « وڭتۇستىكتەگى ياڭ مەن سولتۇستىكتەگى جاۋ» تۋدىردى دەپ قارادى، مۇنداعى «وڭتۇستىكتەگى ياڭ» دەگەنىمىز  ياڭ جيڭيۇي، ال، «سولتۇستىكتەگى جاۋ » دەگەنىمىز جاۋ شاڭجى-ەدى.       1942- جىلى 2- ايدىڭ 12- كۇنى، جاۋ شاڭجى شايقاستا اۋىر جارالانىپ قولعا تۇسەدى، ول ولسەدە باس يمەي، باسىن ءباي تىگىپ، جاۋدى اياۋسىز شەنەپ، ەرلىكپەن قۇربان بولادى.
     


بەرىپ كەت ورامالىڭدى

دوستار

الىستاعى اق ەركە