جاڭا حابارلار

 قار-مۇزدىڭ اسەم كورىنسىنەن  ءلاززاتتانىپ، ديحاندار تاعامجايىنىڭ ءدامدى تاعامدارىنان اۋىز ءتيىپ، ۇلتتىق سالت-سانامەن تانىسۋ باركول قازاق اۆتونوميالى اۋدانى ساياحاتىنىڭ نەگىزگى تۇرىنە اينالىپ ، جەر-جەردەن ساياحاتشىلاردى وسىندا كەلىپ، قىسقى مادەنيەت-ساياحاتتىڭ قىزىعىنا شومۋعا باۋرادى

    كەلۋ قاينارى: شينجياڭ حالىق راديو ىستانسياسى    2019-01-09 10:40:13  

  قۇمىل راديو ستانسياسىنىڭ ءتىلشىسى ديڭ ليڭليڭ، گو-زى-ي جانە باركول راديو ستانسياسىنىڭ ءتىلشىسى جاڭ شينلۇڭنىڭ حابارى :وسى قىستا، قار-مۇزدىڭ اسەم كورىنسىنەن  ءلاززاتتانىپ، ديحاندار تاعامجايىنىڭ ءدامدى تاعامدارىنان اۋىز ءتيىپ، ۇلتتىق سالت-سانامەن تانىسۋ باركول قازاق اۆتونوميالى اۋدانى ساياحاتىنىڭ نەگىزگى تۇرىنە اينالىپ ، جەر-جەردەن ساياحاتشىلاردى وسىندا كەلىپ، قىسقى مادەنيەت-ساياحاتتىڭ قىزىعىنا شومۋعا باۋرادى.        تۇستەن بۇرىن ساعات 11 دەن اسقاندا، باركول اۋدانى حۋايۋان اۋىلى لانجۋۋانزى قىستاعى «يان-زى» ديحاندار تاعامجايىنىڭ جاۋاپتىسى ني سۇنجۇن ساياحاتشىلارعا تۇسكى اس دايىندادى، ول: تاعامجايىمىزدا نەگىزىنەن جاپپا دايىندالادى، كەلگەندەردىڭ بارلىعى وسى تاعامدى ۇناتىپ  جەيدى،  قۋىرماشتاردان تاعامجايىمىزدىڭ  اشتى لوبىسى مەن ساڭىراۋ قۇلاق قوسىپ، اسىپ پسىرىلعان تاۋىق ەتىن بۇيىرتادى،-دەدى.
    باركول اۋدانى حۋايۋان اۋىلى لانجۋۋانزى قىستاعى اۋدان قالاشىعىنىڭ باتىس وڭتۇستىگىندە ، اۋدان قالاشىعىنان 5 كيلومەتر جەردە، قىستاقتاعى 28 وتباسى ديحاندار تاعامجايىن اشىپ وتىر، مۇندا اۋىل ءدامىن شىعارۋدى، سەيىل-سەرۋەن ساياحاتىن نەگىز ەتەدى. ۇرىمجىلىك ساياحاتشى جاڭ جيڭجيڭ: شىنىندا دا كەرەمەت، جاقسى وينادىق، ءدامدى تاعامداردان دا ءدام تاتتىق،-دەدى.
        ساياحاتشىلار لانجۋۋانزى قىستاعىنان باركولدىڭ ءدامدى تاعامدارىنان اۋىز ءتيىپ قالماي، باركول اۋدانىنىڭ جارتاس سۋرەتتەرى، دۇڭلياڭ جارتاس سۋرەتتەرى شوعىرى، مۇشەل بەلگى تاسى، شامدال، تاس ات وقىرى سياقتى كورىنستەردى تاماشالاي الادى. جياڭسۋلىق ساياحاتشى جاڭ لۇڭ: تەرەڭ اسەر قالدىردى، وسىنداي شاعىن جەردەن وسىنشاما كوپ  ءتىلسىم ەسكى جۇرتتاردى كورە الامىز دەپ ويلاماعان ەدىم،  قايتىپ بارعاننان كەيىن دە تۋىس-تۋعان، دوس-جاراندارىمدى وسىندا كەلۋگە ءناسيحاتتايمىن،-دەدى.
 باركول اۋداندىق  حۋبيڭ ەكولوگيالىق باقشاسىنىڭ مۇز ايدىنىندا، كوپتەگەن ساياحاتشى مۇز ءۇستى سپورتىنىڭ قىزىعىنا شومدى. گانسۋلىق ساياحاتشى ليۋ فىڭ:  بىرنەشە كۇننەن بەرى، وسىندا  ساياحاتتا بولدىق، باركولدە دە كونكي تەۋىپ، قارلى تاۋلاردىڭ كوركەم كورىنسىن تاماشالاۋعا بولادى ەكەن، مۇز ءۇستى سپورتىن جاقسى كورەمىن، كونكي تەۋىپ جىرعاپ قالدىم،-دەدى.
      بيىل 3-ايعا دەيىن، باركول اۋدانى مۇز ءۇستى سپورت جارىستارىن ارت-ارتىنان وتكىزىپ، لابا مەرەكەسىندە لابا كوجەسىن ءىشۋ، شاعان مەرەكەسىن قارسى الۋ ساۋىق كەشى،  دۋماندى يۋانشياۋ مەرەكەسى، تۋىس-تۋعاندارىمدى ەرتىپ، قار-مۇزدى ساياحاتتايمىن سياقتى قيمىلداردى وتكىزىپ، ساياحاتشىلاردى قار-مۇز سپورتىنىڭ شەكسىز قىزىعىنا شومدىرماق. 

 


بەرىپ كەت ورامالىڭدى

دوستار

الىستاعى اق ەركە