جاڭا حابارلار

دراما كوركەمونەرى بۇقارانىڭ تۇرمىسىنا ەندى

    كەلۋ قاينارى: شينجياڭ حالىق راديو ىستانسياسى    2019-01-11 10:56:13  

  ستانسيامىزدىڭ ءتىلشىسى لان تياننىڭ حابارى :شينجياڭ كوركەمونەر تەاترىنىڭ دراما ۇيىرمەسى مەملەكەتىمىز بەن اۆتونوميالى رايونىمىزدىڭ كۇش سالا قولداۋىندا، داۋىرگە تىعىز سايكەسىپ،  تۋىندى جاراتىپ، تەاتر تاقىرىبى ءورىسىن ۇزدىكسىز كەڭەيتىپ، دراما كوركەمونەرىنىڭ شينجياڭدا شەشەك اشىپ، جەمىس بەرۋىنە مۇمكىندىك اپەرىپ، درامانى بۇقارانىڭ تۇرمىسىنا ءسىڭىردى،      1- ايدىڭ 9 - كۇنى تۇستەن بۇرىن، شينجياڭ كوركەمونەر تەاترى دراما ۇيىرمەسىنىڭ جاتتىعۋ زالىندا، ارتيستەر «جولبارىس پەن ايۋدىڭ اڭگىمەسى» اتتى بالالار تەاترىنا جاتتىعىپ، ونى شاعان كەزىندە  قويۋعا دايىندالدى. «جولبارىس پەن ايۋدىڭ اڭگىمەسى» اتتى بالالار تەاترى شينجياڭ كوركەمونەر تەاترى دراما ۇيىرمەسىنىڭ تۇڭعىش رەتكى دەربەس دايىنداعان ٴءتول بالالار دراماسى، جالپى تەاتردە «ءمولدىر سۋ، جاسىل تاۋدىڭ ءوزى قىمباتتى بايلىق» دەگەن  باستى تاقىرىپ ەتىلىپ، كىشكەنتاي ۇل بالا يولۋاستىڭ تاۋعا جاسىرىن بارىپ، ساباقتاستارىمەن بىرگە اقىل- پاراساتىنا سۇيەنىپ، قارا ايۋمەن الىسىپ، ءوزىن جانە جابايى حايۋاناتتاردى قورعاعان اڭگىمەسى باياندالدى. 2017-جىلدىڭ 3- ايىندا باستاپ دايىندالعان بۇل دراماعا 8 اي ۋاقىت جۇمسالدى. شينجياڭ كوركەمونەر تەاترى دراما ۇيىرمەسى ارتيستەر ءبولىمىنىڭ  ورىنباسار باستىعى سۋ تيڭ وسى درامادا 12 جاسار قىز بالا باھارگۇلدىڭ رولىنا شىقتى. ول تىلشىگە،  سوڭعى جىلداردان بەرى، دراما ۇيىرمەسىنىڭ ءتول تۋىندىلارى مولايا باستاعانىن ايتا كەلىپ بىلاي دەدى: «ۇيىرمەمىز ءتۇيىندى نەگىزىنەن ءتول تۋىندى جاراتۋعا شوعىرلاندىرىپ، جەرگىلىكتى ورىنداعى كەيىپكەرلەردى نەگىز ەتتى. تاقىرىپتاردا وزگەرىستەر دە بولدى، ماسەلەن: قالا ءومىرى، بالالار تاقىرىبى، وسپىرىمدەردى جىگەرلەندىرۋ مازمۇنىنداعى تاقىرىپتار دا، تۇرمىستى بەينەلەيتىن تاقىرىپتار دا بار، ءبىز تۋىندى جاراتۋدا كورەرمەن ۇناتىپ كورىپ، ءسۇيىپ تىڭدايتىن، قابىلداي الاتىن فورمالاردى تاڭدادىق».
   2018 - جىلى، «جولبارىس پەن ايۋدىڭ اڭگىمەسى» اتتى دراما ٴءۇرىمجى قالاسىندا جيىنى 78 رەت قويىلىپ، ءار جولى كورەرمەندەردىڭ كورۋ مولشەرى ورتا ەسەپپەن %80 تەن استى. ءتول تۋىندىلاردىڭ ءساتتى بولۋى مەملەكەت پەن اۆتونوميالى رايوننىڭ مادەنيەت ىستەرىن ۇزدىكسىز قولداۋىنىڭ ارقاسى. شينجياڭنىڭ دراما دارىندىلارى قوسىنىن باۋلۋ ءۇشىن، مەملەكەت ىشكى ولكەلەردەگى كوركەمونەر مەكتەپتەرىندە شينجياڭ دراما كلاسىن جانە شينجياڭ دراما دارىندىلارىن تاربيەلەۋ كلاسىن اشتى. ارتيس لين يىڭ 2015-جىلى، شاڭحاي تەاتر شۋيۋەنىندا اكتەرلىك ونەردى ۇيرەنۋ ورايىنا يە بولادى، ول تىلشىگە بىلاي دەدى : «بىزدەن شاڭحاي تەاتر شۋەيۋانىنا، ورتالىق تەاتر شۋەيۋانىنا تاربيەلەنۋگە بارعاندار بار، وسىنداي مەرزىمى ءبىر جىلدىق تاربيەلەۋ، ۇيرەنۋ بىزگە تاماشا تەكشە ازىرلەدى، بۇل ءبىز ءۇشىن ۇيرەنۋ بارىسى جانە  تاجيريبە بارىسى ەسەپتەلدى. وزىمىزدە دە وسىنداي تاربيەلەۋ ورايلارى بار، بۇل ارتيستەردىڭ ونەر جاعىنداعى نەگىزىن بەكەمدەيدى.»  
  تاراپتاردىڭ ورتاق قۇلشىنۋىندا، شينجياڭ كوركەمونەر تەاترىنىڭ دراما ۇيىرمەسى «ورلەۋ- قۇلديلاۋ»، «ايگىلى ءانشىنىڭ ساپارى» «ەرەكشە تاپسىرما» سياقتى تاڭداۋلى تەاترلاردى ەنگىزىپ، دايىنداپ، ورىندادى. 2018- جىلى 6- ايدا، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» تاقىرىبىنداعى «شىنايى سۇيىسپەنشىلىك» اتتى دراما اقتاۋ اۋدانى، يىڭىسار اۋدانى سياقتى جەرلەردە ارالاپ قويىلدى، شينجياڭ كوركەمونەر تەاترى دراما ۇيىرمەسىنىڭ مادەنيەت جاعىندا حالىققا تيىمدىلىك جەتكىزۋ اترەتى وسى درامانى تۇڭعىش رەت وڭتۇستىك شينجياڭنىڭ اۋىل- قىستاقتارىنا جەتكىزىپ، يۋمەرلى ءتىل، جاندى بەينەلەۋ ءادىسى ارقىلى ءار ۇلت بۇقاراسىنىڭ مويىنداۋىنا يە بولدى. شينجياڭ كوركەمونەر تەاترى دراما ۇيىرمەسىنىڭ ورىنباسار باستىعى ۋاڭ فاڭ بىلاي دەدى : « كورەرمەندەردىڭ ۇقساماستىعىنا قاراي، ءبىز ءتۇرلى تيپتەگى درامانى دايىنداۋدى ويلاستىردىق. 2019 - جىلى، قازىرشە ›التىن توراڭعى‹ دەپ ات قويىلعان درامانى دايىنداپ جاتىرمىز، وندا شينجياڭداعى ەڭ سۇيىكتى قىستاق باستىعى ليۋ گوجۇڭنىڭ اڭگىمەسى ايتىلعان، ول تاعى مەملەكەتتىك كوركەمونەر قورىنىڭ قارجىلاي كومەگىنە يە بولدى. تاعى الەۋمەتتىك اۋماقتىڭ اڭگىمەسى باياندالعان «ۇشقىن»، جەلىلەس بالالار تەاترى «جولبارىس پەن ايۋ» بار، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» تاقىرىبىنداعى درامالاردى ءبىز تاعى جالعاستى دايىنداپ، شينجياڭداعى ءار ۇلت كورەرمەندەردىڭ درامادان ءلاززاتتانۋىنا مۇمكىندىك جاراتامىز» .

 


بەرىپ كەت ورامالىڭدى

دوستار

الىستاعى اق ەركە