جاڭا حابارلار

جۇڭگو كوممۋنيستىك پارتياسىنىڭ جاپون شاپقىنشىلارىنا قارسى سوعىسىنىڭ قاھارمانى ــ ياڭ حۇڭميڭ ((杨宏明

    كەلۋ قاينارى: شينجياڭ حالىق راديو ىستانسياسى    2019-01-11 10:58:32  

 اتالعان ايداردا بۇگىن: «جۇڭگو كوممۋنيستىك پارتياسىنىڭ جاپون شاپقىنشىلارىنا قارسى سوعىسىنىڭ قاھارمانى ــ ياڭ حۇڭميڭ ((杨宏明 »مەن تانىساسىزدار:    ياڭ حۇڭميڭ 1910-جىلى دۇنيەگە كەلگەن، حۋبەي ولكەسى حۋاڭ-ءان اۋدانى (قازىرگى حۇڭ-ءان اۋداننىڭ) ادامى، 1928-جىلى، جۇمىسشى-ديقان قىزىل ارمياسىنا قاتىناسقان، 1929-جىلى، جۇڭگو كوممۋنيستىك پارتياسىنا مۇشە بولعان. قىزىل ارمياعا قاتىناسقان كەزىندە، ليانجاڭ، يىڭجاڭ ، تۋانجاڭ سياقتى مىندەتتەردى وتەگەن. ورتالىق توڭكەرىستىك رايونداعى بىرنەشە رەتكى «قورشاپ جويۋعا» قارسى شايقاس پەن 25 مىڭ شاقىرىمدىق ۇزاق جورىققا قاتىناسقان. بۇكىل مەملەكەت كولەمىندە جاپون شاپقىنشىلارىنا قارسى سوعىسى باستالعاننان كەيىن، ياڭ حۇڭميڭ بۇيىرىق بويىنشا، سولتۇستىك جۇڭگوداعى   جاۋدىڭ ارتقى شەبىنە ءوتىپ، جاپون شاپقىنشىلارىنا قارسى پارتيزاندىق سوعىس جۇرگىزەدى. 1938-جىلى 1-ايدا، 8-ارميا 129-شىسى قوسىمشا تۋاننىڭ ورىنباسار تۋانجاڭى بولادى. 1940-جىلى 6-ايدا، 8-ارميانىڭ وڭتۇستىك سانشي اسكەري رايونى 1- بولىمشە اسكەري رايونىنىڭ سىليڭيۋانى مىندەتىنە تاعايىندالعان. ءجۇز تۋاندىق ءىرى شايقاسقا قاتىناسىپ، كورنەكتى ەڭبەك كورسەتكەن. 1941-جىلى كۇزدەن 1942-جىلى كوكتەمگە دەيىن، وڭتۇستىك سانشي اسكەري رايونى 4-بولىمشە اسكەري رايوننىڭ سىليڭيۋانى بولعان.  1942-جىلى 4-ايدا، ياڭ حۇڭميڭ بۇيىرىق بويىنشا ەكى تۋاندى باستاپ، جاپون قۋرشاق ارمياسى باسىپ العان ماميڭتاڭ قىستاعىنا شابۋىل جاسايدى، شايقاس بارىسىندا ول الدىڭعى شەپتە سوعىسقا ءوزى قولباسشىلىق ەتەدى  ءارى قىستاق شەتىندەگى ءبىر ءۇيدىڭ توبەسىنە شىعىپ، پولەمەتپەن جاۋ جاساعىنا وق جاۋدىرىپ، شايقاستا زور جەڭىسكە قول جەتكىزەدى.    جاۋ  جاساعى جەڭىلىسىنە مويىنسال بولماي، 4-ايدىڭ 29-كۇنى، قىرۋار اسكەري جيناپ، ياڭ حۇڭميڭنىڭ اسكەري ءبولىمىن قورشاپ شابۋىل جاسايدى. ياڭ حۇڭميڭ جاۋ جاقتىڭ جاعدايىن دۇرىس مەجەلەپ، اسكەري ءبولىمنىڭ شىعىستان دىبىس بەرىپ، باتىستان سوققىلاۋىنا قولباسشىلىق ەتىپ، اسا ۇستامدىلىقپەن شايقاس جۇرگىزىپ، العا ىلگەرىلەپ سوققىلاۋ ارقىلى قورشاۋدى ءساتتى بۇزادى. قورشاۋدى بۇزۋ بارىسىندا، باقىتقا قارسى ياڭ حۇڭميڭعا وق ءتيىپ، 32 جاسىندا ەرلىكپەن قۇربان بولادى. 


بەرىپ كەت ورامالىڭدى

دوستار

الىستاعى اق ەركە