جاڭا حابارلار

حوتاننىڭ جاڭا كەشكى بازارى اشىلىپ، توڭىرەكتىڭ ءتورت بۇرىشىنان كەلگەن ساياحاتشىلاردى قابىلدادى

    كەلۋ قاينارى: شينجياڭ حالىق راديو ىستانسياسى    2019-01-11 11:18:12  

ستانسيامىزدىڭ ءتىلشىسى ليۋ چياڭ مەن جين لەيدىڭ حابارى :1-ايدىڭ 10-كۇنى ، حوتانداعى دارەجەسى جاپپاي جوعارىلاتىلعان جاڭا كەشكى بازار رەسىمي اشىلىپ، قوناق قابىلدادى.      حوتاننىڭ كەشكى بازارىنا بارساڭىز، ورتالىق وڭىرىندەگى 360 گرادۋستىق تۇتاس كورنىستىك ساحناداعى تارتىمدى ءان-ءبي كونسەرت نومىرلەرى كەشكى بازاردى ەرەكشە دۋمانعا بولەيدى. دارەجەسى جوعارىلاتىلعان 9 مىڭ 600 شارشى مەترلىك حوتان جاڭا كەشكى بازارىندا، 194 ءدامدى تاعامدار جايما ورنى جانە 25 ەرەكشە اس-سۋ دۇكەنى بار. بۇل جەردەن ايران قياق كۇرىش، ەرەكشە قاقتالعان جۇمىرتقا، ماتاڭ-سوقماق سياقتى شينجياڭنىڭ وزگەشە ءدامدى تاعامدارىنان اۋىز تيۋدەن سىرت، تاعى جەمىس قوسىلىپ پىسىرىلعان قارما نان، اشىتىلعان بۇرشاق ىرىمشىگى، كارتوپ قوسىلعان ەت دومالاقتاماسى، قاقتالعان سۋ ونىمدەرى سياقتى شاندۇڭ، حۋنان، شانشي، گۋاڭدۇڭ سياقتى جەرلەردەن اكەلىنگەن ەرەكشە جەڭىل تاعامداردان دا ءدام تاتۋعا بولادى.  شي-اندىق ساياحاتشى جي حۇڭمەي: «كەشكى بازار ماعان وتە  شىنايى سەزىلدى، جۇڭحۋا ۇلتى ۇلى شاڭىراعى ـــ ءار ۇلت حالقى بىرلىكتە تۇرمىس كەشىرەتىن ۇلكەن شاڭىراق»،-دەدى.
      بازار دۋمانىنا قوسىلعان حوش ءيستى تاعامدار قالىڭ ساياحاتشىلاردى حوتان كەشكى بازارىنا كەلۋگە باۋرادى. اشىلعانىنا ەكى ساعات بولعاندا، ساياحاتشىلار سانى 20 مىڭ ادام رەتتەن استى. «ءدىلىرۇس وزگەشە شوشىرەحاناسىنىڭ» جاۋاپتىسى قاھار ياسىن: «ساۋدامىزدىڭ مۇنداي كۇسەت بولاتىنىن ويلاماپپىز، الدىن الا دايىنداعان تاماقتارىمىز دەرەۋ  تاۋسىلىپ كەتتى. مىڭ شوشىرە تۇيگەنبىز، تاقا تاۋسىلدى، بىرنەشە بولىمشە دۇكەندەگى ادامدار مەن تاماقتى تۇگەل وسىندا الىپ كەلدىك، سوندا دا جەتىسە الماي قالدىق.  قازىر قوعامىمىز تىنش، ءار ۇلت حالقىنىڭ ىنتىماعى اناعۇرلىم نىعايدى، سوندىقتان دا ءبىزدىڭ ساۋدامىز كۇسەت بولىپ، ساياحاتشىلار مولايىپ وتىر»،-دەدى.
   ۇعىسۋعا قاراعاندا، جالپى 60 ميلليون يۋان قارجى قوسىلعان حوتان جاڭا كەشكى بازارى  جالپى تۇلعالىق جاقتان ءدامدى تاعامدار سىندى وسى تانىسقىدان تىس، تاعى نەگىزگى تاقىرىپتىق قوناق ءۇي، ءىرى تۇرپاتتى ەرەن بازار، بالالار كوڭىل اشۋ ورنى سياقتى امبەباپ قىزمەت وتەۋ يقۋاتىن قامتىعان. حوتان ايماقتىق ساياحات مەكەمەسى پارتگرۋپپاسىنىڭ شۋجيى چىن ۋەي بىلاي دەدى: «حوتاننىڭ قاس تاسى عانا ەمەس،  ءدامدى تاعامدارى دا ەلىمىزگە ايگىلى، وسى كەشكى بازارىمىز حوتان ايماعىنىڭ ەرەكشە ءدامدى تاعامدارىن ايگىلەۋدەن تىس، تاعى باتىس-سولتۇستىكتىڭ،  ءتىپتى بۇكىل ەلىمىزدىڭ ءدامدى تاعامدار مادەنيەتىن وسىندا ايگىلەپ وتىر. ساياحاتشىلار حوتانعا كەلسە،  ءدامى ءتىل ۇيرەتىن وسى تاعامدار ولاردى ەرىكىسز باۋرايدى، 2019-جىلى حوتاننىڭ ساياحاتى ەرەكشە داميتىن جىلى بولاتىنىنا سەنىمىم كامىل.» 


بەرىپ كەت ورامالىڭدى

دوستار

الىستاعى اق ەركە