جاڭا حابارلار

شينجياڭ ءۇرتىس 3 جىل قارجى ءبولىپ، سيىر باعىمشىلىق الاڭىنداعى سيىرلاردىڭ تۇقىمىن اسىلداندىردى

    كەلۋ قاينارى: شينجياڭ گازەتى    2019-01-11 17:18:22  

 شينحۋا اگەنتتىگىنىڭ ۇرىمجىدەن بەرگەن حابارى (تىلشىلەر حاۋ يۇي، گۋان چياۋچياۋ). قاقاعان قىس ماۋسىمىندا شينجياڭنىڭ ىلە اڭعارىنا ورنالاسقان شينشىڭيۋان ساۋىن سيىر باعىمشىلىق فەرماسىنا بارساڭىز، 100 نەشە حولستەين ساۋىن سيىرىنىڭ ەڭسەلى سيىر قورادا «ماڭ - ماڭ باسىپ جۇرگەنىن» كورەسىز. ۇكىمەتتىڭ قازىنالىق ۇسىنىلىمىنىڭ ارقاسىندا، بۇل سيىر فەرماسى ولشەمدەنگەن سيىر قورا سالىپ قانا قويماي، بالىق ومىرتقاسى ءپىشىندى سيىر ساۋۋ جۇيەسىن جانە اۆتوماتتى قي تازالاۋ جۇيەسىن ورناتتى. 

  ءۇرتىس 3 جىلدان بەرى شينجياڭ ورتالىقتىڭ مەجە ەسەبىنەن جىلىنا 60 ميلليون يۋاننان استام قارجى ورنالاستىرىپ، شينشىڭيۋان ساۋىن سيىر باعىمشىلىق فەرماسى سياقتى 215 كولەمدەنگەن ساۋىن سيىر فەرماسىن ءتۇيىندى سۇيەمەلدەپ، قيدى، لاس زاتتاردى ءبىر جايلى ەتۋ قۇرىلعىسى، سيىر ساۋۋ قۇرىلعىسى، جابدىعى سياقتىلاردى سالىپ نەمەسە وزگەرتىپ، شينجياڭ ساۋىن سيىرىنىڭ ولشەمدەنگەن كولەمدى باعىمشىلىق ورەسىن جوعارىلاتتى.  ءسۇت كاسىبى شينجياڭنىڭ ءداستۇرلى ابزالدىققا يە كاسىپ سالاسى. جەرگىلىكتى ورىندا تيانشاننىڭ تەرىسكەي بەتىن، ىلە وزەنى اڭعارىن، قۇلىستاي ويپاتىن، ەرتىس وزەنى اڭعارىن، يانجي ويپاتىن ءتۇيىن ەتكەن ءسۇت كاسىبى شارۋاشىلىق بەلدەۋى قالىپتاسقان. تاياۋ جىلداردان بەرى، شينجياڭنىڭ ءسۇت كاسىبى ءداستۇرلى باعىمشىلىقتان كاسىپ سالالانعان بازارعا قاراي دامۋ مەزگىلىنە ءوتتى، دەسەدە، ساۋىن سيىردى كولەمدى باعۋ سالىستىرماسى ءبىرشاما تومەن بولىپ، تاۋار ءسۇت ءونىم مولشەرى شەكتەمەگە ۇشىراعان. 

  «كىشكەنە، بىتىراڭعى، ءالسىز» ساۋىن سيىر باعىمشىلىق فەرمالارىنىڭ بەت - بەينەسىن جاڭالاۋعا كومەكتەسۋ ءۇشىن، شينجياڭ نەگىزدىك قۇرىلعى قۇرىلىسىن كۇشەيتىپ، سيىر قورانى ولشەمگە ساي وزگەرتىپ سالۋ، سونداي - اق سۋ، ەلەكتر، جول، ىندەتتىڭ الدىن الۋ سياقتى سايكەستى قۇرىلعىلار قۇرىلىسى ارقىلى ساۋىن سيىر باعىمشىلىق فەرمالارىنىڭ شارت - جاعدايىن بارىنشا جاقسارتتى؛ جەم - ءشوپ ەگۋ جانە ساۋىن سيىر باعىمشىلىعىن سايكەستىرۋدى، ۇلاستىرۋدى ىلگەرىلەتىپ، جيىنى 150 مىڭ مۋلىق ءتۇسىمى مول، ساپاسى جوعارى جوڭىشقا ەگۋدەن ۇلگى كورسەتۋ بازاسىن قۇرىپ، سول جەردىڭ وزىندە، تاياۋ ماڭدا جەم - شوپپەن قامتاماسىز ەتۋدى جۇزەگە اسىردى؛ ساۋىن سيىر ساپاسىن جوعارىلاتۋ ينجەنەرياسىن اتقارىپ، ساپالى سيىر ءناسىلىن %70.5كە جەتكىزىپ، كولەمدەنگەن ساۋىن سيىر فەرمالارىنىڭ بارلىعى ناسىلدەندىرۋدى جۇزەگە اسىردى.  

 2017 - جىلعا دەيىن، شينجياڭنىڭ كولەمدەنگەن ساۋىن سيىر باعىمشىلىق سالىستىرماسى %28.3كە جەتىپ، جىلىنا 600 مىڭ توننا مولشەرىندە تاۋار ءسۇت وندىرەدى، مۇندا اۆتوماتتى سيىر ساۋۋ پۋنكتى ساتىپ العان تاۋار ءسۇت جالپى ءسۇت مولشەرىنىڭ %90ىن ۇستايدى.   ۇعىسۋعا قاراعاندا، مۇنان كەيىن شينجياڭ تيانشاننىڭ تەرىسكەي بەتكەيىندەگى ءسۇت كاسىبىنىڭ دامۋ ابزالدىعىنان پايدالانىپ، حولستەين ءناسىلدى ءسۇتتى سيىر باعىمشىلىعىن نەگىز ەتىپ، شوعىرلى باعىمشىلىقتىڭ كولەمى مەن ورەسىن جوعارىلاتىپ، ءسۇت ونىمدەرىن مانەرلەۋ كاسىپورىندارىنىڭ ابزال بايلىق قاينارىن بىرىكتىرىپ، رايونىمىز سىرتىنداعى جوعارى دەڭگەيدەگى ءسۇت ونىمدەرى بازارىن اشادى.


بەرىپ كەت ورامالىڭدى

دوستار

الىستاعى اق ەركە