جاڭا حابارلار

كاسىپ سالالانا دامۋعا ماڭىزدى قادام تاستادى

    كەلۋ قاينارى: شينجياڭ گازەتى    2019-01-11 17:26:10  

«حوتان كەشكى بازارى» قاقاعان قىستا دىر - دۋمان
 


 
1 - ايدىڭ 9 - كۇنى ساياحاتشىلار سول كۇنى حوتان قالاسىندا اشىلعان 2 - كەشكى بازاردا تورت ساتىپ الۋدا.   سۋرەتتى ءتىلشىمىز جوۋ پىڭ تۇسىرگەن
 


 
تىلشىلەرىمىز سۇي يۇنيان، شيە حۇيبيان 1 - ايدىڭ 9 - كۇنى حوتاننان حابارلايدى. پىسىرىلعان قوي ەتىنىڭ، قاز جۇمىرتقاسىنىڭ، سامسانىڭ، قاقتالعان بالىقتىڭ ءيىسى مۇرىندى جارادى، كەپتەر سورپاسىنىڭ، ميانفيزىنىڭ، جۇگەرى كەسپە كوجەسىنىڭ بۋى بۇرقىرايدى، انشىلەر اسقاقتاتا ءان شىرقاپ، بيشىلەر بۇرالا بيگە باستى، تاماقتانۋعا كەلگەن جۇرت مارە - سارە... 1 - ايدىڭ 9 - كۇنى 3 - جۋدىڭ العاشقى كۇنى، حوتان قالاسى اچال شىعىس جولىندا اشىلعان 2 - حوتان كەشكى بازارىنىڭ قىستىڭ قاقاعان ايازىندا قوناقتاردى قارسى الۋى «حوتان كەشكى بازارى» سىندى وسى ماركانىڭ كاسىپ سالالانا دامۋدىڭ ماڭىزدى قادامىن باسقاندىعىن اڭعارتادى. 

 قىستا جۇمىس جۇرگىزىپ، قوناقتاردى قارسى العان جاڭا كەشكى بازاردىڭ سالتاناتى ەرەكشە. ساندى مالىمەتكە قاراعاندا، حوتان قالاسىنىڭ 2018 - جىلعى قابىلداعان ساياحاتشى سانى ءبىر ميلليون 280 مىڭ ادام - رەتكە جەتىپ، سايكەستى مەزگىلدەگىدەن %42.86 ارتقان، مۇنىڭ ىشىندە 11 - ايدا 102 مىڭ 500 ادام - رەتكە جەتىپ، سايكەس مەزگىلدەگىدەن %60.51 ارتقان؛ 12 - ايدا 59 مىڭ 200 ادام - رەتكە جەتىپ، سايكەس مەزگىلدەگىدەن %47.19 ارتىپ، سايابىر مەزگىلدە دە دۋماندى بولعان. 

 حوتان قالاسىنىڭ باتىس حالىق جولىنداعى ءبىرىنشى اشىلعان حوتان كەشكى بازارى تيجارات جۇرگىزگەن 3 جىلدان استام ۋاقىتتان بەرى، جەرگىلىكتى ورىننىڭ جاراسىمدى، ورنىقتى، ۇلتتارى ىنتىماقتى، ساياحات كاسىبى گۇلدەنگەن تاماشا وبرازىن ايگىلەيتىن ماڭىزدى تەرەزەسىنە اينالدى. حوتان قالالىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جوۋ نىڭۋىن تانىستىرا كەلىپ: ورنىقتىلىق تابىستارىنىڭ ۇزدىكسىز ايگىلەنۋىنە ىلەسە، تۇرعىندار كەشكى ارەدىكتە سەيىلدەپ كوڭىل اشىپ، تۇرمىسىنىڭ ءلاززاتىن تاتاتىن بولدى، ەل ءىشى - سىرتىنان كەلگەن ساياحاتشىلار دا وسى اراعا اعىلاتىندىقتان، بۇرىنعى كەشكى بازار ەرەكشە تارىلىپ، قاجەتتى قاناعاتتاندىرا الماي، جاڭا كەشكى بازار اشىلدى، - دەدى.  جاڭا كەشكى بازاردان «ىستىك كاۋاپ» جەگەن شاندۇڭدىق ساياحاتشى ۋان شىڭيۇي حوتانعا ۇنەمى كەلىپ تۇرادى. «كۇندىز قاس تاسىن كورەمىن، كەشتە ءدامدى تاعام جەيمىن، جاڭا كەشكى بازاردىڭ اشىلعاندىعىن ەستىپ كەلدىم، كاۋاپ بۇرىنعىداي ءدامدى، ءان - ءبي دە سونداي تارتىمدى ەكەن»، - دەدى ول. 

 جاڭا كەشكى بازار كونە كەشكى بازاردىڭ ءدامدى تاعامدارى مەن ءان - ءبيىنىڭ قالىبىنان جازباپتى، سونداي - اق جۇمىسقا ورنالاستىرۋ، شارۋاشىلىق قۇرۋ تۇعىرىن ورناتۋ، كەدەيلىكتەن ارىلتۋدان قامال الۋعا كۇش ۇستەۋ بورىشىن ارقالاپتى، ارحيۆ تۇرعىزىلىپ، كارتچكالاندىرىلعان 40 وتباسىن ىركەس - تىركەس ورنالاستىرىپ، نەشە مىڭداعان ادامدى جۇمىسقا ورنالاستىرىپتى.  تازالىقشى پاتيگۇل تۇرسىننياز لوپ اۋدانى بۇيا اۋىلى كەنچى ارىق قىستاعىنان كەلگەن ارحيۆ تۇرعىزىلىپ، كارتچكالاندىرىلعان شارۋا. قىستاق كوميتەتىنىڭ كومەگىندە ول العاش رەت ۇيىنەن ۇزاپ شىعىپ، حوتان كەشكى بازارىندا جۇمىسقا ورنالاستى، ايىنا 3000 يۋان اينالاسىندا ەڭبەكاقى الادى. جاڭا كەشكى بازاردا سۋىق كەسپە ساتاتىن حوتان قالاسى تۇساللا قالاشىعى جاميدا قىستاعىنداعى ارحيۆ تۇرعىزىلىپ، كارتچكالاندىرىلعان كەدەي شارۋا تۇرانيسا مامەتيمىن ىلگەرى بازار كۇنى عانا جايما جاياتىن، بۇگىنگى كۇندە تۇراقتى جايما ورنىنا يە بولدى. «مەن قۇلشىنا اقشا جيىپ، كەدەيلىكتەن كۇنى بۇرىن ارىلۋعا ۇمتىلامىن»، - دەدى تۇرانيسا. 

  جوۋ نىڭۋىن بىلاي دەدى: حوتاندا ءبىرىنشى اشىلعان كەشكى بازار ۇكىمەت اشقان جولمەن ءجۇردى، ال، ەكىنشى كەشكى بازار ساۋدالىق اينالىم ۇلگىسىن قولدانىپ، حوتان كەشكى بازارى ماركاسىنىڭ قۇنىن جەرگىلىكتى ورىنداعى باستاماشى كاسىپورىندارعا بەرىپ، حالىقتىق كاسىپورىنداردىڭ ومىرشەڭدىك كۇشىنە سۇيەنىپ حوتان كەشكى بازارىنىڭ كاسىپ سالالانعان دامۋ ارناسىنا ءتۇسۋىن ىلگەرىلەتىپ، كەدەيلىكتەن ارىلتۋدان قامال الۋدىڭ ۇلكەن تۇعىرىن قالىپتاستىردى. «تەك بازارمەن ۇشتاسقاندا عانا حوتان كەشكى بازارى اناعۇرلىم قۇدىرەتتى ومىرشەڭدىك كۇشكە يە بولادى»، - دەدى جوۋ نىڭۋىن.  حوتان كەشكى بازارى ءدامدى تاعام مەن ءان - ءبي سىندى ەكى ماركا تۇلعالاپ، اشپازدىقتى ۇناتاتىن، ءان ايتىپ، ءبي بيلەي الاتىن جەرگىلىكتى ورىنداعى ارتىق ەڭبەككۇشتەردى قابىلداپ، ولاردى جۇمىسقا ورنالاسىپ، شارۋاشىلىق قۇرۋعا، كەدەيلىكتەن ارىلىپ، بايۋعا باستاۋدى ماقسات ەتكەن. قازىرگى كەزدە حوتان قالاسىنداعى بارلىق اۋىل - قالاشىقتاردا جانە باسىم كوپ ساندى قىستاقتاردىڭ بارىندە كەشكى بازار بار، ال، جەرگىلىكتى پارتكوم مەن ۇكىمەت دامۋ كوز اياسىن جەرگىلىكتى ورىننان سىرت جەرلەرگە اۋداردى.  كەزەكتە، حوتان كەشكى بازارى ۇرىمجىگە ءورىس اشىپ، شۇيموگوۋ رايونىندا حوتان ەرەكشە ءدامدى تاعامدار كاسىپ باقشاسىن (حوتان كەشكى بازارى) قۇرۋ نىسانىن باستادى، سالىنىپ بىتكەننەن كەيىن 237 جايما ورنى اشىلىپ، 1000نان استام ادامدى تىكەلەي جانە جانامالاي جۇمىسقا ورنالاستىرادى. مۇنان سىرت، شينجياڭعا كومەكتەسۋ ساياساتىنا ارقا سۇيەگەن حوتان كەشكى بازارى تاعى بەيجيڭ مەن تيانجيندە دە اشىلماق.  «مەن <حوتان كەشكى بازارىنىڭ> بولاشاقتا <شاشيان جەڭىل تاعامىنداي> بۇكىل ەلدىڭ جەر - جەرىنە تارالىپ، كەدەي وتباسىلارىنىڭ وتباسىنان ۇزاپ شىعىپ جۇمىسقا ورنالاسىپ، كىرىسىن ارتتىرۋىنا مۇمكىندىك جاساۋىن ءۇمىت ەتەمىن»، - دەدى جوۋ نىڭۋىن.


بەرىپ كەت ورامالىڭدى

دوستار

الىستاعى اق ەركە