جاڭا حابارلار

شي جينپيڭ چاۋشيان ەڭبەك پارتياسىنىڭ كوميتەت باستىعى جين جىڭىنمەن كەڭەس وتكىزدى

    كەلۋ قاينارى: شينجياڭ گازەتى    2019-01-12 16:05:53  

 


1 - ايدىڭ 8 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ سول كۇنى بەيجيڭگە كەلگەن چاۋشيان ەڭبەك پارتياسىنىڭ كوميتەت باستىعى، مەملەكەت ىستەر كوميتەتىنىڭ باستىعى جين جىڭىنمەن كەڭەس وتكىزدى. كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا جين جىڭىندى قارسى الۋ سالتىن وتكىزدى.  □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
 
 شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى (ءتىلشى لي جۇڭفا). 1 - ايدىڭ 8 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جۇڭگودا ساپاردا بولۋ ءۇشىن سول كۇنى بەيجيڭگە كەلگەن چاۋشيان ەڭبەك پارتياسىنىڭ كوميتەت باستىعى، مەملەكەت ىستەر كوميتەتىنىڭ باستىعى جين جىڭىنمەن كەڭەس وتكىزدى. ەكى ەل باسشىلارى ىقىلاستى، دوستىق بەينەدە جۇڭگو - چاۋشيان قارىم - قاتىناسى جانە ورتاق كوڭىل ءبولىپ وتىرعان ماسەلەلەر جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلدى. ەكى جاق ءبىر اۋىزدان مىنانى ءبىلدىردى: جۇڭگو - چاۋشيان قارىم - قاتىناسىنىڭ جاڭا مەزگىلدە ۇزدىكسىز جاڭا دامۋعا قول جەتكىزۋىن ىلگەرىلەتۋگە بىرگە قۇلشىنىپ، تۇبەك ماسەلەسىن ساياسي جولمەن شەشۋ اياق الىسىن ۇزدىكسىز ىلگەرىلەتىپ، ەكى ەل حالقىن اناعۇرلىم باقىتقا كەنەلتىپ، ءوڭىردىڭ جانە دۇنيە ءجۇزىنىڭ بەيبىتشىلىگى، ورنىقتىلىعى، گۇلدەنۋى، دامۋى ءۇشىن بەلسەنە ۇلەس قوسۋدى قالايمىز.  شي جينپيڭ مىنانى اتاپ كورسەتتى: كوميتەت باستىعى جولداستىڭ 2019 - جىلعى جاڭا جىل باستالۋ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قارسى الۋ ساتىندە جۇڭگوعا ساپارلاي كەلۋى كوميتەت باستىعى جولداستىڭ جۇڭگو مەن چاۋشياننىڭ ءداستۇرلى دوستىعىنا وسكەلەڭ ءمان بەرگەندىگىن، جۇڭگو پارتياسى مەن حالقىنا دەگەن دوستىق سۇيىسپەنشىلىگىن تولىق ايگىلەدى. مەن مۇنى ايرىقشا القايمىن ءارى جۇڭگو پارتياسى، ۇكىمەتى جانە حالقى اتىنان چاۋشيان پارتياسىنا، ۇكىمەتىنە جانە حالقىنا شىن جۇرەكتەن مەرەكەلىك سالەم جولدايمىن.  شي جينپيڭ مىنانى باسا دارىپتەدى: ەكى جاقتىڭ ورتاق قۇلشىنۋىندا، جۇڭگو - چاۋشيان قارىم - قاتىناسى 2018 - جىلى جاڭا تاريحي پاراق اشتى. ەكى جاق جۇڭگو - چاۋشيان دوستىعىنىڭ قۇدىرەتتى ومىرشەڭدىك كۇشىن ءىس جۇزىندىك ارەكەتتەرىمەن ايگىلەدى، جۇڭگو مەن چاۋشياننىڭ تۇبەك ماسەلەسىن ساياسي جولمەن شەشۋ اياق الىسىن ىلگەرىلەتۋگە بىرگە كۇش سالاتىن بەرىك ەرىك - جىگەرىن اڭعارتتى. بيىل جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى، بۇل جۇڭگو - چاۋشيان قارىم - قاتىناسىنىڭ دامۋى جونىنەن بۇرىنعىعا مۇراگەر، كەيىنگىگە بۇيداگەر بولۋ، الدىڭعىلاردىڭ ءىزىن باسىپ، بولاشاققا جول اشۋ سىندى ماڭىزدى ءمان الادى. مەن كوميتەت باستىعى جولداسپەن بىرگە جۇڭگو - چاۋشيان قاتىناسىنىڭ بولاشاق دامۋىنا بىرگە ويداعىداي جەتەكشىلىك ەتۋدى قالايمىن. ەكى جاق جوعارى جىكتەگىلەردىڭ بارىس - كەلىسىن ساقتاپ، ستراتەگيالىق كەڭەسۋدى كۇشەيتىپ، دوستىق اۋىس - ءتۇيىستى، سەلبەستىكتى تەرەڭدەتىپ، جۇڭگو - چاۋشيان قاتىناسىنىڭ ۇزاق ۋاقىت، اقاۋسىز، ورنىقتى دامۋىن ىلگەرىلەتۋ كەرەك.  جين جىڭىن مىنانى ءبىلدىردى: باس شۋجي شي جينپيڭ جىل باسىنداعى قاباعات قاربالاستىق كەزىندە جۇڭگوعا ساپارلاي كەلگەن ءبىزدى قارسى الدى، مەن بۇعان شىن جۇرەكتەن العىس ايتامىن ءارى چاۋشيان پارتياسى، ۇكىمەتى جانە حالقى اتىنان جۇڭگو پارتياسىنا، ۇكىمەتىنە جانە حالقىنا شىنايى مەرەكەلىك سالەم جولدايمىن. باس شۋجي جولداستىڭ دەن قويا قامقورلىق جاساۋىندا، بىلتىر چاۋشيان - جۇڭگو قاتىناسى تىڭ دەڭگەيگە كوتەرىلىپ، جاڭا پاراق اشتى. مەن بۇل رەتكى جۇڭگوعا ساپارىمدا ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن وراي ەتىپ، باس شۋجي جولداسپەن چاۋشيان مەن جۇڭگونىڭ ءداستۇرلى دوستىعىن بەكەمدەۋ، چاۋشيان مەن جۇڭگونىڭ اۋىس - ءتۇيىسىن، سەلبەستىگىن كۇشەيتۋ جونىندە ىشكەرىلەي كوزقاراس اۋىستىرىپ، چاۋشيان مەن جۇڭگونىڭ دوستىق قاتىناسىنىڭ كۇن سايىن بەكەمدەلۋىن جانە دامۋىن ىلگەرىلەتۋدى ءۇمىت ەتەمىن.  چاۋشيان تۇبەگى جاعدايى جونىندە شي جينپيڭ چاۋشيان جاقتىڭ تۇبەكتىڭ بەيبىتشىلىگىن، ورنىقتىلىعىن قورعاۋدا، تۇبەكتىڭ يادروسىزدانۋىن جۇزەگە اسىرۋدى ىلگەرىلەتۋدە قولدانعان بەلسەندى شاراسىن بەلسەندىلىكپەن باعالاپ، مىنانى ءبىلدىردى: بىلتىر جۇڭگو مەن چاۋشياننىڭ جانە قاتىستى جاقتاردىڭ ورتاق قۇلشىنۋىندا، تۇبەك ماسەلەسىن ساياسي جولمەن شەشۋ اياق الىسى كەلەلى ىلگەرىلەۋشىلىككە قول جەتكىزدى. كەزەكتە تۇبەكتىڭ بەيبىت كەڭەسۋ جالپى اۋقىمى قالىپتاستى، كەڭەسە ءتۇسۋ ءارى كەڭەستەن ناتيجە شىعارۋ حالىقارالىق قوعامنىڭ جالپى بەتتىك تىلەگىنە جانە ورتاق تانىمىنا اينالىپ، تۇبەك ماسەلەسىن ساياسي جولمەن شەشۋ تاپتىرماس تاريحي ورايعا ءدوپ كەلدى. جۇڭگو جاق چاۋشيان جاقتىڭ تۇبەكتى يادروسىزداندىرۋ بەتالىسىنا ۇزدىكسىز تاباندى بولۋىن قولدايدى، سولتۇستىك پەن وڭتۇستىكتىڭ قارىم - قاتىناستى ۇزدىكسىز جاقسارتۋىن قولدايدى، چاۋشيان مەن ا ق ش - تىڭ مەملەكەت باسشىلارى كەڭەسىن وتكىزۋىن ءارى ناتيجەگە قول جەتكىزۋىن قولدايدى، قاتىستى جاقتاردىڭ اركىمنىڭ ۇيلەسىمدى ءجىتى قاداعالاپ وتىرعان ىستەرىن كەڭەسۋ ارقىلى شەشۋىن قولدايدى. چاۋشيان مەن ا ق ش - تان ءبىر بەتالىسقا ۇمتىلۋدى ءۇمىت ەتەمىن، جۇڭگو جاق چاۋشيان جاقپەن جانە قاتىستى جاقتارمەن بىرگە قۇلشىنىپ، تۇبەكتىڭ بەيبىتشىلىگىن، ورنىقتىلىعىن قورعاپ، تۇبەكتىڭ يادروسىزدانۋىن جانە ءوڭىردىڭ باياندى تىنىشتىعىن جۇزەگە اسىرۋ ءۇشىن بەلسەندى، سىندارلى رول اتقارۋدى قالايدى.  جين جىڭىن مىنانى ءبىلدىردى: بىلتىر چاۋشيان تۇبەگىنىڭ جاعدايىندا جاقسارۋ جارىققا شىقتى، جۇڭگو جاقتىڭ بۇل جاعىندا اتقارعان ماڭىزدى رولى كوپشىلىككە ايان، چاۋشيان جاق مۇنى ايرىقشا القايدى ءارى شىنايى العىس ايتادى. چاۋشيان جاق يادروسىزداندىرۋ تۇرعىسىنا ۇزدىكسىز تاباندى بولىپ، تۇبەك ماسەلەسىن تىلدەسۋ، كەڭەسۋ ارقىلى شەشىپ، چاۋشيان مەن ا ق ش باسشىلارىنىڭ 2 - رەتكى كەڭەسىندە حالىقارالىق قوعام قارسى الاتىن جەتىستىككە قول جەتكىزۋگە قۇلشىنادى. قاتىستى جاقتاردان چاۋشيان جاقتىڭ ۇيلەسىمدى ءجىتى قاداعالاپ وتىرعان ىستەرىنە باسا ءمان بەرىپ ءارى بەلسەنە اڭىس قايتارىپ، تۇبەك ماسەلەسىنىڭ جاپپاي شەشىلۋىن بىرگە ىلگەرىلەتۋدى ءۇمىت ەتەمىن.  ەكى جاق ءوز ەلدەرىنىڭ ىشكى جاعدايىن حابارلاندىردى. شي جينپيڭ مىنانى ءبىلدىردى: بيىل جاڭا جۇڭگو قۇرىلعاندىعىنىڭ 70 جىلدىعى. 70 جىلدىق بارىستا جۇڭگو كوممۋنيستىك پارتياسى جۇڭگو حالقىنا باسشىلىق ەتىپ ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي قارىشتاۋدى قارسى الدى. جۇڭگو كوممۋنيستىك پارتياسىندا بۇكىل ەلدەگى ءار ۇلت حالقىن ىنتىماقتاستىرىپ، باستاپ، ءارقانداي قيىنشىلىقتار مەن كەدەرگىلەردى جانە حاۋىپ - قاتەرلەر مەن سىن - سايىستاردى جەڭىپ، «قوس ءجۇز جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاراي ەرلىكپەن العا باساتىن بەكىم، سەنىم بار. چاۋشيان ەڭبەك پارتياسى جاڭا ستراتەگيالىق لۋشياندى اتقارعان ءبىر جىلدان بەرى، كوپتەگەن بەلسەندى جەتىستىككە قول جەتكىزىپ، چاۋشيان پارتياسى مەن حالقىنىڭ بەيبىتشىلىكتى سۇيەتىن، دامۋدى كوزدەيتىن كۇشتى تىلەگىن ايگىلەدى، چاۋشيان حالقىنىڭ شىنايى قولداۋىنا جانە حالىقارالىق قوعامنىڭ بەلسەندى باعاسىنا قول جەتكىزدى. جۇڭگو جاق كوميتەت باستىعى جولداستىڭ چاۋشيان پارتياسى مەن حالقىن باستاپ جاڭا ستراتەگيالىق لۋشياندى دايەكتىلەندىرىپ، تياناقتاندىرىپ، زەيىن - زەردەنى شوعىرلاندىرىپ ەكونوميكانى دامىتۋىن، حالىق تۇرمىسىن جاقسارتۋىن باتىل قولدايدى، چاۋشيان حالقىنىڭ، ءسوز جوق، سوتسياليستىك قۇرىلىس ىستەرىندە ۇزدىكسىز تىڭ دا اناعۇرلىم زور ناتيجەگە قول جەتكىزەتىندىگىنە سەنەدى. 


1 - ايدىڭ 8 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ سول كۇنى بەيجيڭگە كەلگەن چاۋشيان ەڭبەك پارتياسىنىڭ كوميتەت باستىعى، مەملەكەت ىستەر كوميتەتىنىڭ باستىعى جين جىڭىنمەن كەڭەس وتكىزدى. 1 - ايدىڭ 9 - كۇنى شي جينپيڭ بەيجيڭ قوناق ۇيىندە جين جىڭىنمەن كەزدەستى. سۋرەتتە: شي جينپيڭ مەن حانىمى پىڭ لييۋان جانە جين جىڭىن مەن حانىمى لي شۋەجۋ سۋرەتكە تۇسۋدە.□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
 
 جين جىڭىن مىنانى ءبىلدىردى: مەن وتكەن ءبىر جىلعا جەتپەيتىن ۋاقىتتا جۇڭگودا 4 رەت ساپاردا بولىپ، جۇڭگونىڭ ەكونوميكالىق، قوعامدىق دامۋ جەتىستىكتەرى مەن جۇڭگو حالقىنىڭ قايراتتانا العا ۇمتىلۋداي رۋحاني بەت - بەينەسىنەن تەرەڭ اسەر الدىم. چاۋشيان جاق جۇڭگونىڭ دامۋ تاجىريبەسى ەرەكشە قۇندى دەپ قارايدى، جۇڭگوعا كوبىرەك كەلىپ، سول جەردە كوزدەن كەشىرىپ، پىكىر اۋىستىرۋدى ءۇمىت ەتەمىن. جۇڭگو حالقىنىڭ باس شۋجي جولداستى ۇيتقى ەتكەن جۇڭگو كوممۋنيستىك پارتياسىنىڭ باسشىلىعىندا، جاڭا ءداۋىر جۇڭگوشا سوتسياليزم جولىندا ۇزدىكسىز تىڭ دا ۇلى ناتيجە جاراتاتىندىعىنا جانە «قوس ءجۇز جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جەڭىسپەن جۇزەگە اسىراتىندىعىنا سەنەمىن. چاۋشيان ەڭبەك پارتياسى چاۋشيان حالقىن باستاپ، جاڭا ستراتەگيالىق لۋشياندى ۇزدىكسىز بار كۇشپەن تياناقتاندىرادى ءارى بۇعان تاماشا سىرتقى ورتا جاراتادى.   كەڭەستىڭ الدىندا شي جينپيڭ حالىق سارايىنىڭ سولتۇستىك زالىندا جين جىڭىندى قارسى الۋ سالتىن وتكىزدى.  كەڭەستەن كەيىن شي جينپيڭ مەن حانىمى پىڭ لييۋان جين جىڭىن مەن حانىمى لي شۋەجۋدى قارسى الۋ قوناعاسىن وتكىزدى ءارى ادەبيەت - كوركەمونەر ءنومىرىن بىرگە تاماشالادى.  1 - ايدىڭ 9 - كۇنى تۇستەن بۇرىن شي جينپيڭ بەيجيڭ قوناق ۇيىندە جين جىڭىنمەن كەزدەستى. شي جينپيڭ جين جىڭىننىڭ وسى رەتكى جۇڭگوعا ساپارىنىڭ ماڭىزدى ءمانىن بەلسەندىلىكپەن باعالاپ، جۇڭگو مەن چاۋشياننىڭ دوستىق بارىس - كەلىس تاريحىنا قايىرىلا قاراپ، جۇڭگو جاقتىڭ چاۋشيان جاقپەن بىرگە قۇلشىنىپ، جۇڭگو - چاۋشيان ەكى پارتياسىنىڭ، ەكى ەلدىڭ قارىم - قاتىناسىن ويداعىداي قورعاپ، ويداعىداي بەكەمدەپ، ويداعىداي دامىتىپ، ەكى ەل قاتىناسى دامۋىنىڭ جاڭا تاراۋىن بىرگە جازىپ، ءوڭىردىڭ بەيبىتشىلىگى، ورنىقتىلىعى، دامۋى، گۇلدەنۋى ءۇشىن تىڭ ۇلەس قوسۋدى قالايتىندىعىن ءبىلدىردى.  جين جىڭىن مىنانى ءبىلدىردى: چاۋشيان جاق چاۋشيان - جۇڭگو قاتىناسىنىڭ ءۇرتىس دامۋىنىڭ تاماشا جاعدايىن شەكسىز قاستەرلەيدى، جۇڭگو جاقپەن بىرگە ەكى جاق كەلىسكەن ماڭىزدى ورتاق تانىمداردى مۇقيات تياناقتاندىرىپ، جاڭا باستامادا چاۋشيان - جۇڭگو دوستىعىنىڭ ءتىپتى دە شۇعىلالى بولاشاعىن ۇزدىكسىز جازۋدى قالايدى.  باس شۋجي شي جينپيڭنىڭ حانىمى پىڭ لييۋان، كوميتەت باستىعى جين جىڭىننىڭ حانىمى لي شۋەجۋ كەزدەسۋگە قاتىناستى.  كەزدەسۋدەن كەيىن باس شۋجي شي جينپيڭ مەن حانىمى پىڭ لييۋان كوميتەت باستىعى جين جىڭىن مەن حانىمىنا ارناپ تۇسكى قوناعاسى وتكىزدى.  1 - ايدىڭ 9 - كۇنى جين جىڭىن تاعى بەيجيڭ تۇڭرىنتاڭ جارنا شەكتى سەرىكتەستىگى تۇڭرىنتاڭ ءدارى - دارمەك جاساۋ زاۆودىنىڭ يجۋاڭ بولىمشە زاۆودىن ەكسكۋرسيالاپ، قاتىستى ءداستۇرلى تەحنولوگيانى جانە وسىزاماندانعان جۇڭگوشا ءدارى - دارمەك مانەرلەۋ ءوندىرىس جەلىسىن جۇمىس ۇستىندە كوزدەن كەشىردى.  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، سونداي - اق ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەت كوميتەتى كەڭسەسىنىڭ مەڭگەرۋشىسى ياڭ جيەچى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق ساياسي - زاڭ كوميتەتىنىڭ شۋجيى گو شىڭكۇن، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، ج ك پ ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي قاتارلىلار قاتىستى قيمىلدارعا قاتىناستى.   چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ ورىنباسار كوميتەت باستىعى، حالىقارالىق ءبولىمىنىڭ باستىعى لي جۋيۇڭ، ورتالىق كوميتەت ساياسي بيۋروسىنىڭ مۇشەسى، ورتالىق كوميتەتتىڭ ورىنباسار كوميتەت باستىعى، بىرلىكساپ ءبولىمىنىڭ باستىعى جين يىڭجى، ورتالىق كوميتەت ساياسي بيۋروسىنىڭ مۇشەسى، ورتالىق كوميتەتتىڭ ورىنباسار كوميتەت باستىعى پياۋ تايچىڭ، ورتالىق كوميتەت ساياسي بيۋروسىنىڭ مۇشەسى، سىرتقى ىستەر مينيسترى لي يۇڭحاۋ، ورتالىق كوميتەت ساياسي بيۋروسىنىڭ كانديدات مۇشەسى، حالىقتىق قارۋلى كۇشتەر مينيسترى نۋ گۋاڭتيە، ورتالىق كوميتەت ساياسي بيۋروسىنىڭ كانديدات مۇشەسى، ۇگىت - ءناسيحات ءبولىمىنىڭ ءبىرىنشى ورىنباسار باستىعى جين يۇيجىڭ قاتارلىلار جين جىڭىنمەن بىرگە جۇڭگوعا ساپارلاي كەلدى ءارى قاتىستى قيمىلدارعا قاتىناستى.
 


بەرىپ كەت ورامالىڭدى

دوستار

الىستاعى اق ەركە