جاڭا حابارلار

شينجياڭ ايەلدەر باسكەتبول كومانداسى حىبەي ايەلدەر باسكەتبول كومانداسىن جەڭىپ الدى

    كەلۋ قاينارى: شينجياڭ حالىق راديو ىستانسياسى    2019-01-13 11:16:36  
ستانسيامىزدىڭ ءتىلشىسى لەي ميڭنىڭ حابارى: 1-ايدىڭ 12-كۇنى كەشتە، 2018-، 2019-جىلعى جارىس ماۋسىمىنداعى ايەلدەردىڭ جۇڭگو كاسىپتىك باسكەتبول كوماندالار جارىسىنىڭ 31-كەزەك جارىسى وتكىزىلىپ، ءوز الاڭىندا جارىسقا تۇسكەن شينجياڭ ايەلدەر باسكەتبول كومانداسى 50 گە قارسى 75 ۇپايمەن حىبەي ايەلدەر باسكەتبول كومانداسىن جەڭىپ الدى.
حىبەي ايەلدەر باسكەتبول كومانداسى مەن شينجياڭ كومانداسىنىڭ بارىس-كەلىسى ەجەلدەن قويۋ. كومانداداعى چيۋ سىيۇە مەن حۋاڭ پينجىن الدىڭعى جارىس ماۋسىمىندا شينجياڭ ايەلدەر باسكەتبول كومانداسىندا دوپ ويناعان. بۇرىنعى كومانداسىنىڭ الدىندا، ەكەۋى جالپى كوماندا ءۇشىن 16 ءنومىردىڭ 15 ءنومىرىن ۇنەمدەپ بەرىپ، حىبەي كومانداسى دا ءبىر مەزەت باسىمدىلىققا يە بولدى. الايدا ۋاڭ ليلي ارت -ارتىنان ۇپايعا يە بولىپ، شينجياڭ كومانداسىنا جەتەكشىلىك ەتىپ، 0 گە قارسى 9 ۇپايلىق ناتيجەمەن ۇپاي سانىن ارتتىردى. جارتى الاڭ جارىس اياقتاعاندا، شينجياڭ كومانداسى 25 كە قاسى 40 ۇپايمەن الدا ءجۇردى.
قيان-كەسكى جارىستا، بويدىڭ بيىكتىگى جاعىندا ءالسىز حىبەي كومانداسىنىڭ امالى قالمادى. ۋاڭ رۇڭنىڭ سوڭعى ىسقىرىقپەن جارىسا گارعا سالعان دوبىنىڭ ارقاسىندا، شينجياڭ كومانداسى 22 ۇپايعا يە بولدى. سوڭىندا شينجياڭ كومانداسى جەڭىپ شىقتى. شينجياڭ ايەلدەر باسكەتبول كومانداسىنىڭ باس جاتتىقتىرۋشىسى شيۋڭ يان بىلاي دەدى: «بۇگىن جارىستا جەڭگەنىمىزبەن، دوپ ويناۋىمىز ويداعىداي بولمادى، بۇل نەگىزىنەن جارىسقا قاتىناسقان سپورتشىلارمەن، دايىندىقپەن قاتىستى، سوندىقتان كەيىنگى بىرنەشە جارىستاردا دوپتى جاقسى ويناۋعا كۇش سالامىز».

بەرىپ كەت ورامالىڭدى

دوستار

الىستاعى اق ەركە