جاڭا حابارلار

 ىلە وبلىسى قاتىناس نەگىزدىك قۇرىلعى قۇرىلىسىنىڭ اياق الىسىن تەزدەتىپ، ەكونوميكانىڭ اقاۋسىز دامۋىنا، حالىق تۇرمىسىنىڭ جاقسارۋىنا نەگىز قالادى

    كەلۋ قاينارى: شينجياڭ حالىق راديو ىستانسياسى    2019-01-14 11:07:46  

 ىلە راديو ستانسياسىنىڭ ءتىلشىسى جاڭ جيڭۇيدىڭ  حابارى : ىلە وبلىسى قاتىناس نەگىزدىك قۇرىلعى قۇرىلىسىنىڭ اياق الىسىن تەزدەتكەندىكتەن، قازىر ءبىر -بىرىمەن قايشالىسقان، ءوزارا ۇشتاسقان، ءبىر-بىرىمەن تۇتاسقان، اۋداندار ۇلاسقان ءىرى قاتىناس اينالىم تورابى جۇلگەسى قالىپتاسىپ، ەكونوميكانىڭ اقاۋسىز دامۋىنا، حالىق تۇرمىسىنىڭ جاقسارۋىنا نەگىز قالادى.  

     1- ايدىڭ 10- كۇنى، بيان يەچيڭ ۇستاز قىشى تۇقىمى تولتىرا تيەلگەن ءىرى تۇرپاتتى جۇك اۆتوكولىگىن ايداپ  موڭعۇلكۇرە اۋدانىنان جولعا شىعىپ مەملەكەت تاس جولى 577- لەنياسىنا قاراي بەت الدى، سونان سوڭ 2.8 كيلومەترلىك تەكەس تۋنەلىنەن ءوتىپ، ءدوڭمازاردان جوعارى قارقىندى تاس جولعا شىعىپ، سوڭىندا سانجى قالاسىنا تارتتى.     تەكەس تۋنەلى مەملەكەت تاس جولى 577- لەنياسىنىڭ ءدوڭمازاردان سار بۋىرشىنعا ودان تەكەسكە دەيىنگى جول بولەگىنىڭ ماڭىزدى مەڭگەرىلەتىن ينجەنەرياسى. 2018- جىلى 10- ايدىڭ 9- كۇنى، مەملەكەت تاس جولى 577- لەنياسىنىڭ ءدوڭمازاردان سار بۋىرشىنعا دەيىنگى تاس جول قۇرىلىسى اياقتاپ اۆتوموبيل قاتىنادى. بۇل جول قۇلجا قالاسىن، قۇلجا اۋدانىن، توعىزتاراۋ اۋدانىن، تەكەس اۋدانىن تۇتاستىرىپ، لەنيا بويىنداعى قاتىناس تاسىمال شارت -جاعدايىن بارىنشا جاقسارتتى. بيان يەچيڭ تىلىشگە، جول جوندەلىپ بولعاننان كەيىن، قۇلجا قالاسىنان تەكەسكە دەيىن اۆتوموبيلمەن قاتىناۋ ۋاقىتىنىڭ ءبىر ساعاتتاي قىسقارعانىن ايتىپ: « وسى جول بۇرىن تار ءارى قيا-قاپتال، قۇلاما-تىگىل، بۇرىلماسى كوپ، كەي جەرىنە لاي كوشكىنى ءتۇسىپ، ويلى- شۇڭقىر جولدانءجۇرۋ قيىنعا سوعاتىن. قازىر بۇل جولمەن جۇرگەندە بۇرىنعىدان ءبىر ساعاتتىڭ ۇستىندە ۋاقىت ۇنەمدەلىپ، شوفەرلەر جونىنەن قۋانارلىق ءىس بولدى»،- دەدى. 

   مەملەكەت تاس جولى 577- لەنياسى اۆتونوميالى رايوننىڭ قاتىناس جوباسىنداعى « بەس كولدەنەڭ، جەتى تىك جوعارى قارقىندى جوعارى دارەجەلى تاس جول تورابىنداعى»  ءۇشىنشى تىك بولعان «قاناستان يىڭسارعا دەيىنگى تاس جولدىڭ» ماڭىزدى  بولەگى، سونداي- اق ىلە وبلىسىنىڭ تولعالىق تاس جول تورابىنىڭ باستى قۇرامداس ءبولىمى. اۋقاتتانۋ ءۇشىن الدىمەن جول سالۋ قاجەت. پارتيا 18- قۇرىلتايىنان بەرى، ىلە وبلىسىنا توتە قاراستى ورىندار  قاتىناس نەگىزدىك قۇرىلعىلارىنا ۇسىنىلىمدى ارتتىرىپ، 2018- جىلعا دەيىن، جالپى 29 ميلليارد يۋان قارجى قوستى. قازىر ىلە  اڭعارىندا ءبىر -بىرىمەن قايشالىسقان، ءوزارا ۇشتاسقان، ءبىر-بىرىمەن تۇتاسقان، اۋداندار توعىسقان ءىرى قاتىناس اينالمالى توراپ جۇلگەسى نەگىزىنەن قالىپتاستى.      بيىل 40 تاعى لي بين ىلە وبلىسى جول قاتىناسىنىڭ قارىشتاپ دامۋىنا كۋا بولدى. ون جىلدىڭ الدىندا، لي بين اكەسىنان  ون شاقتى جىل تيجارات ەتكەن جۇك تاسىمال ينفورماتسيا ءبولىمىن وتكىزىپ الدى. ءۇش جىلدىڭ الدىندا، ينفورماتسيا ءبولىمى جۇك تاسىمالى، اۆتوكولىك جوندەۋ، اس- سۋ،  تۇسەلحانا ءبىر تۇلعالاندىرىلعان قۇلجا قالاسىنىڭ باتىس سولتۇستىك زات اينالىم باقشاسىنا كوشىپ باردى. لي بين تىلشىگە، بۇگىنگى كۇنگى ىركىلسسىز قاتىناس  جول تورابىنىڭ ارقاسىندا ساۋداسىنىڭ كۇسەت بولعانىن ايتىپ:- بىرنەشە جىلدان بەرى، شينجياڭنىڭ تاس جول تورابى بارىنشا دامىپ، ىشكى ولكەدەن شينجياڭعا كەلەتىن جۇك اۆتوكولىكتەرى ەرەكشە كوبەيدى. ىلەگەدە كەلەتىن اۆتوكولىكتەر وتە كوپ، سوندىقتان، ءبىز سياقتى زات اينالىم، زات سايكەستىرۋ سىندى وسى سالامەن شۇعىلداناتىنداردىڭ كۇنىنە ىشكى ولكەگە جىبەرەتىن تاپسىرىس زاتى كەم دەگەندە بەس رەتكە جەتەدى ،- دەدى.     پارتيا 18- قۇرىلتايىنان بەرى، ىلە وبلىسى وبلىس ارالىق ارنانى اشۋدى تەتىك ەتىپ، اۋدان ءوڭىرى قاتىناسىن ىرىكسسىزدەندىرۋدى ءتۇيىن،  اۋدان- اۋىل جولدارىن تۇتاستىرۋدى سوڭعى شەك ەتكەندىكتەن،  ىلە   اڭعارى قاتىناسىندا  قۋانارلىق وزگەرىستەر جارىققا شىقتى. سوڭعى جىلداردان بەرى، مەملەكەت تاس جولى 218- لەنياسىنىڭ قۇلجا- ءدوڭمازار جوعارى قارقىندى تاس جولى، «ەۆروپانىڭ باتىسى مەن جۇڭگونىڭ باتىسى تاس جولىنىڭ» قورعاس شەكاراسىنان وتەتىن بولەگى سياقتى 15 مەملەكەت تاس جولى نەگىزگى لەنياسى تاس جول قۇرىلىسى نىسانى مەن ءبىرقىدىرۋ اۋىل- قىستاق  تاس جول قۇرىلىستارىنىڭ ىركەس- تىركەس باستالۋى نەمەسە اياقتاۋىنا ساي، ىلە وبلىسىنداعى نەگىزگى لەنياداعى تاس جولدار ەرەكشە ىركىلسسىزدەنىپ، اۋدان- اۋىل تاس جولدارى شار- تاراپقا سوزىلىپ، ورمەكشىنىڭ تورىنداي بولعان اۋىل- قىستاق تاس جولى جيىلىگى  جۇلگەسى نەگىزىنەن قالىپتاستى. ىلە وبلىستىق قاتىناس تاسىمال مەكەمەسىنىڭ ورىنباسار باستىعى جوۋ شياڭچياڭ:« 2018- جىلدىڭ سوڭىنا دەيىن، وبلىسقا توتە قاراستى تاس جولدىڭ جالپى ۇزىندىعى 14 مىڭ 68 كيلومەترگە جەتىپ، وبلىسقا توتە قاراستى بارلىق اۋىل- قالاشىقتار جانە اكىمشىلىك قىستاقتارعا نەگىزىنەن اسفاليت جول سالىنىپ، العاشقى ادىمدا جوعارى قارقىندى تاس جول، مەملەكەت، ولكە نەگىزگى لەنيالارى باستى ارنا ەتىلگەن، بۇكىل وبلىستى تۇتاستىرعان،  اۋدان- قالانى قامتىعان، كورشىلەس جەرلەردى تۇتاستىرعان، اۋدان- اۋىل-قىستاق تاس جولىن جۇيە ەتكەن، قالا مەن اۋىلدى ۇشتاستىرعان تاس جول تورابى قالىپتاستى»، - دەدى.


بەرىپ كەت ورامالىڭدى

دوستار

الىستاعى اق ەركە