جاڭا حابارلار

اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى جابىلدى

    كەلۋ قاينارى: شينجياڭ گازەتى    2019-01-20 20:11:59  

شوكىرات زاكىر، نۇرلان ءابىلماجىن ۇلى، نايىم ياسىن، لي پىڭشين ماجىلىسكە قاتىناستى، شاۋكەت يمىن باسقاردى   

اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى 1 - ايدىڭ 18 - كۇنى شينجياڭ حالىق سارايىندا جابىلدى. □سۋرەتتى ءتىلشىمىز لۋ مين - ي تۇسىرگەن

  

 تىلشىلەرىمىز ياۋ تۇڭ، لياڭ ليحۋا 1 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق 13 - كەزەكتى حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەرىن تولىق ورىنداپ بولعان سوڭ، 1 - ايدىڭ 18 - كۇنى تۇستەن كەيىن ۇرىمجىدە جابىلدى.  
 ماجىلىسكە قاتىناسۋعا ءتيىستى ۋاكىل 541، ناقتى قاتىناسقانى 515، بۇل زاڭدا بەلگىلەنگەن ادام سانىنا ۇيلەسەدى.  
 شوكىرات زاكىر، نۇرلان ءابىلماجىن ۇلى، نايىم ياسىن، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، تيان ۋىن، جي جىڭ، سارقىت اقان ۇلى، ياڭ شين، جاڭ چۇنلين، پىڭ جيارۇي قاتارلىلار جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.  
 ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن جابىلۋ ءماجىلىسىن باسقاردى.   ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى لي شۋەجۇن، ۋاڭ يۇڭميڭ، ءمۇتاللىپ قاسىم، دۇڭ شينگۋاڭ، باداي، گۇلشات ابدىقادىر، مانەن زەينەل ۇلى، سو يۋە ءتوراعالار مىنبەسىنىڭ الدىڭعى قاتارىنان ورىن الدى.  
 تۇستەن كەيىن ساعات 4 تەن 30 مينۋت وتكەندە جابىلۋ ءماجىلىسى باستالدى. ۋاكىلدەردىڭ داۋىسقا سالۋىمەن سايلانعان 2 باس بەلەت باقىلاۋشى مەن 18 بەلەت باقىلاۋشى سايلاۋدىڭ بەلەت تاراتۋ، بەلەت تاستاۋ، بەلەت ساناۋ قىزمەتىنە باقىلاۋ جۇرگىزدى. باس بەلەت باقىلاۋشىلار، بەلەت باقىلاۋشىلار بەلەت تاستاعاننان كەيىن ۋاكىلدەر بەلەت تاستاي باستادى. بەلەت تاستاۋ اياقتاعاننان كەيىن باس بەلەت باقىلاۋشىلار سايلاۋ بەلەتىنىڭ تاراتىلۋ جانە جيناپ الىنۋ جاعدايىن، سايلاۋدىڭ كۇشكە يە ەكەنىن مالىمدەدى. جۋ حايلۇن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى بولىپ سايلاندى، ياڭ شين اۆتونوميالى رايوندىق باقىلاۋ - تەكسەرۋ كوميتەتىنىڭ مەڭگەرۋشىسى بولىپ سايلاندى؛ تيان لەيجىن قاتارلى 3 ادام اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ مۇشەسى بولىپ سايلاندى.  
 ءماجىلىس اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى زاڭ - ءتۇزىم كوميتەتى مۇشەلەرىنىڭ، وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتى ورىنباسار مەڭگەرۋشى مۇشەلەرىنىڭ، باقىلاۋ - تەكسەرۋ جانە ءادىليا كوميتەتى مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ، قوعامدىق قۇرىلىس كوميتەتى مەڭگەرۋشى مۇشەسىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىگىن داۋىسقا سالىپ ماقۇلدادى.  
 ءماجىلىس ۇكىمەت قىزمەتىنەن بايانداما جونىندەگى قاۋلىنى داۋىسقا سالىپ ماقۇلداپ، ۇكىمەت قىزمەتىنەن باياندامانى بەكىتۋدى ۇيعاردى؛ اۆتونوميالى رايوننىڭ 2018 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە اۆتونوميالى رايوننىڭ 2019 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىنى داۋىسقا سالىپ ماقۇلداپ، وسى باياندامانى بەكىتۋدى، اۆتونوميالى رايوننىڭ 2019 - جىلعى حالىق شارۋاشىلىعى جانە قوعامدىق دامۋ جوسپارىن بەكىتۋدى ۇيعاردى؛ اۆتونوميالى رايوننىڭ 2018 - جىلعى مەجە ەسەبىنىڭ اتقارىلۋ جاعدايى جانە اۆتونوميالى رايوننىڭ 2019 - جىلعى مەجە ەسەبى جونىندەگى قاۋلىنى داۋىسقا سالىپ ماقۇلداپ، وسى باياندامانى بەكىتۋدى، 2019 - جىلعى اۆتونوميالى رايون دارەجەلى مەجە ەسەپتى بەكىتۋدى ۇيعاردى.   ءماجىلىس اۆتونوميالى رايوندىق حالىق قۇرىلتايى تۇراقتى كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەت بايانداماسى جونىندەگى قاۋلىلاردى داۋىسقا سالىپ ماقۇلداپ، وسى 3 باياندامانى بەكىتۋدى ۇيعاردى.  
 ءماجىلىس ءتۇرلى كەڭەستىك تارتىپتەرىن ورىنداپ بولعاننان سوڭ، شاۋكەت يمىن ءسوز سويلەدى. ول بىلاي دەدى: ءماجىلىس تولىق تابىسقا جەتىپ، پارتيا باسشىلىعىنا تاباندى بولۋدىڭ، حالىقتىڭ قوجايىن بولۋىنىڭ جانە مەملەكەتتى زاڭمەن جونگە سالۋدىڭ ورگانيكالى بىرلىگىن تولىق ايگىلەپ، پارتيانىڭ قۋاتتاماسى مەن بۇكىل شينجياڭداعى ءار ۇلت حالقىنىڭ ورتاق تىلەگىن تولىق بەينەلەدى، يدەيانى بىرلىككە كەلتىرگەن، كۇش - قۋاتتى جۇمىلدىرعان، سەنىمدى بەكەمدەگەن، ۇدەرە العا تارتقان ءماجىلىس، دەموكراتيالى، ىنتىماقتى، شىندىققا جۇگىنگەن، كۇرەسپەن ىلگەرىلەگەن ءماجىلىس بولدى. ءماجىلىس كەزىندە ۋاكىلدەر پارتيانىڭ تاپسىرماسىن ارقالاپ، حالىقتىڭ ەركىنە ۋاكىلدىك ەتىپ، وسكەلەڭ ساياسي سانالىلىقپەن، كۇشتى مىندەت ارقالاۋشىلىقپەن، كوتەرىڭكى رۋحاني كۇيمەن نەگىزگى زاڭ، زاڭدار جۇكتەگەن قىزمەت جاۋاپكەرشىلىگىن مۇقيات اتقارىپ، «ءتورت تانىمدى» بەرىك ورناتۋ، «ءتورت سەنىمدى» بەكەمدەۋ، «ەكىنى قورعاۋدى» باتىل ورىنداۋ سىندى ساياسي تۇرعىنى تولىق ءبىلدىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ سەنىمى مەن بەكىمىن تولىق ءبىلدىردى. 
  شاۋكەت يمىن مىنالاردى اتاپ كورسەتتى: 2019 - جىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى، بيىلعى قىزمەتتەردى جاقسى ىستەۋدىڭ ماڭىزدى ءمانى بار. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتى ىلگەرىلەتۋگە تاباندى بولىپ، وسى عىلمي نازاريانى قىزمەتپەن ساباقتاستىرىپ، جۇمىس ورنىندا تياناقتاندىرىپ، ءىس - ارەكەتتە ايگىلەۋىمىز؛ باس شۋجي شي جينپيڭنىڭ ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋىمىز؛ قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، قوعامدىق جالپى جاعدايدىڭ باياندى ورنىقتىلىعىنا كەپىلدىك ەتىپ، ەكونوميكانىڭ ءۇرتىس، اقاۋسىز دامۋىن ساقتاپ، جاپپاي دوڭگەلەك داۋلەتتى قوعام ورناتۋعا شەشۋشى نەگىز قالاۋىمىز؛ ەشقانداي ەرەكشەلەنبەۋ يدەياسىن بەرىك ورناتىپ، جاڭا داۋىردەگى كۇرەسكەرلەردىڭ كۇيى مەن قايراتىن باستان - اياق ساقتاپ، تاماشا ستيل ارقىلى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىنا كەپىلدىك ەتۋىمىز؛ پارتيا باسشىلىعىن حالىق قۇرىلتايى قىزمەتىنىڭ جالپى بارىسىنا سانالى تۇردە ءسىڭىرىپ، ساياسيدى دارىپتەپ، جالپى جاعدايعا ءمان بەرىپ، جۇرەكتىلىكپەن جاۋاپكەرشىلىك ارقالاپ، شەبەرلىكپەن ىسكەرلىك كورسەتىپ، زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، تاعايىنداۋ - قالدىرۋ ۇقىعىن زاڭ بويىنشا جۇرگىزىپ، حالىق ءۇشىن ۇقىق جۇرگىزىپ، حالىق ءۇشىن مىندەت وتەپ، حالىق ءۇشىن قىزمەت ىستەپ، حالىقتىڭ باقىلاۋىن سانالى قابىلداپ، كۇشتى قايراتقا كەلىپ، رولدى مىقتى ۇستاپ، جىگەردى تولىق جانىپ، ۇمتىلىس پەن كۇرەس ارقىلى شينجياڭنىڭ ورنىقتىلىعى مەن دامۋىنىڭ جاڭا تاراۋىن جازىپ، جۇڭگوشا سوتسياليستىك شينجياڭدى قۇلشىنا قۇرىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك تابىستارمەن قارسى الۋىمىز كەرەك.  
 ەڭ سوڭىندا بۇكىل زالداعىلار ورىندارىنان تۇرىپ، مەملەكەت ءانىن بىرگە شىرقادى، ءماجىلىس جەڭىسپەن جابىلدى. 


بەرىپ كەت ورامالىڭدى

دوستار

الىستاعى اق ەركە