جاڭا حابارلار

شي جينپيڭ كامبودجانىڭ باس ءۋازىرى حۇڭسنمەن كەزدەستى

    كەلۋ قاينارى: شينجياڭ گازەتى    2019-01-23 16:11:54  

 شينحۋا اگەنتتىگىنىڭ 1 - ايدىڭ 21 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 1 - ايدىڭ 21 - كۇنى دياۋيۇيتاي مەملەكەت قوناق ۇيىندە كامبودجانىڭ باس ءۋازىرى حۇڭسنمەن كەزدەستى.  شي جينپيڭ حۇڭسننىڭ جۇڭگودا رەسمي ساپاردا بولعاندىعىن قارسى الدى. شي جينپيڭ بىلاي دەپ اتاپ كورسەتتى: بىلتىر جۇڭگو مەن كامبودجانىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى، ەكى ەل قاتىناسى جوعارى دەڭگەيدە دامۋدى ساقتادى. «ءبىر بەلدەۋ، ءبىر جولدى» بىرگە قۇرۋ ۇزدىكسىز تەرەڭدەدى، تياناقتاندى. ەكى جاق وڭىرلىك جانە حالىقارالىق ىستەردە ءجيى كەڭەسۋدى، سايكەسۋدى ساقتاپ كەلەدى. قازىر جۇڭگو - كامبودجا قاتىناسى جاڭا دامۋ ورايىنا ءدوپ كەلدى. جۇڭگو جاق كامبودجا جاقپەن بىرگە قۇلشىنىپ، جۇڭگو مەن كامبودجانىڭ ستراتەگيالىق مانگە يە تاعدىرلاس ورتاق تۇلعاسىن قۇرۋدى نىسانا ەتىپ، سەلبەستىك تۇيىندەرىن اناعۇرلىم ايقىنداپ، دامۋ ۇلى جوباسىن جاساپ، جۇڭگو - كامبودجا قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. 

 شي جينپيڭ بىلاي دەپ باسا دارىپتەدى: جۇڭگو جاق كامبودجانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، باس ءۋازىر مىرزانىڭ باسشىلىعىندا، كامبودجانىڭ مەملەكەت قۇرىلىسى ىستەرى جاعىندا، ءسوزسىز، تىڭ دا سۇبەلى ناتيجەگە قول جەتكىزەتىندىگىنە سەنەمىن. جۇڭگو مەن كامبودجا قازىرگى نەگىزدە، ساياسي، ەكونوميكا، حاۋىپسىزدىك، گۋمانيتارلىق سىندى 4 ۇلكەن سالاداعى سەلبەستىكتى ءتۇيىندى كۇشەيتۋلەرى كەرەك. جوعارى جىكتەگىلەردىڭ بارىس - كەلىسىن ساقتاپ، ەل باسقارۋ جونىندە تاجىريبە اۋىس - ءتۇيىسىن كۇشەيتىپ، ەكى ەل ۇكىمەتىنىڭ، زاڭ شىعارۋ قۇرىلىمدارىنىڭ، ساياسي پارتيالارىنىڭ، جەرگىلىكتى ورىنداردىڭ بارىس - كەلىسىن كەڭەيتىپ، ب م ۇ، جۇڭگو - شىعىس وڭتۇستىك ازيا ەلدەرى وداعى، لانساڭجياڭ - مەكونگ سەلبەستىگى قاتارلى مەحانيزمدەردەگى كەڭەسۋدى، سەلبەسۋدى تەرەڭدەتۋلەرى كەرەك. «ءبىر بەلدەۋ، ءبىر جول» باستاماسىن كامبودجانىڭ دامۋ ستراتەگياسىمەن ءتۇيىلىستىرۋدى جەدەلدەتىپ، قاتىناس، ءوندىرىس قۋاتى، ەنەرگيا، ساۋدا، حالىق تۇرمىسى سياقتى 5 ۇلكەن جاقتاعى سەلبەستىكتى جەبەۋلەرى كەرەك. مادەنيەت، ساياحات، مادەنيەت مۇرالارىن قورعاۋ جانە جوندەپ قالپىنا كەلتىرۋ، جاستار ىستەرى جاقتارىندا اۋىس - ءتۇيىستى، سەلبەستىكتى كۇشەيتىپ، زاڭ اتقارۋ، حاۋىپسىزدىك سەلبەستىگىن تەرەڭدەتۋ كەرەك. 

 حۇڭسن بىلاي دەدى: بۇگىن تۇستەن بۇرىن مەن جۇڭگونىڭ رەفورما جاساۋىنىڭ، ەسىك اشۋىنىڭ 40 جىلدىعىنا ارنالعان كولەمدى تابىستار كورمەسىن ەكسكۋرسيالادىم، ماعان تەرەڭ اسەر قالدىردى. جۇڭگو حالقىنىڭ جۇڭگو كوممۋنيستىك پارتياسىنىڭ باسشىلىعىندا قول جەتكىزگەن كەسەك تابىستارىن قۇتتىقتايمىن. كامبودجا مەن جۇڭگونىڭ ءداستۇرلى دوستىعىنىڭ جانە جان - جاقتىلى ستراتەگيالىق سەلبەستىگىنىڭ ءۇرتىس بەكەمدەلۋى مەن دامۋى بىزگە قۋانىش سيلادى. جۇڭگونىڭ ۇزاق ۋاقىتتان بەرى كامبودجانى باتىل قولداعاندىعىنا جانە قىمباتتى كومەگىنە العىس ايتامىن، جۇڭگونىڭ كامبودجاعا، اسىرەسە، كامبودجا پاتشا اۋلەتىنە بولعان دوستىق سۇيىسپەنشىلىگىنە العىس ايتامىن. كامبودجا جۇڭگونىڭ كامبودجا - جۇڭگو قاتىناسىن كۇشەيتۋ جونىندەگى ماڭىزدى پىكىرىن قۇپتايدى، جۇڭگو جاقپەن «ءبىر بەلدەۋ، ءبىر جولدى» بىرگە قۇرىپ، حالىق تۇرمىسى، اۋىل شارۋاشىلىعى، ساۋدا، قارجى قوسۋ، ساياحات، نەگىزدىك قۇرىلعى سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - ءتۇيىستى ارتتىرىپ، زاڭ اتقارۋ، حاۋىپسىزدىك سەلبەستىگىن كۇشەيتىپ، حالىقارالىق جانە وڭىرلىك ىستەردەگى تىعىز كەڭەسۋدى، سەلبەسۋدى جيىلەتىپ، ءبىر - ءبىرىنىڭ ءجىتى قاداعالاپ وتىرعان ىستەرىنە ساياتىن كەلەلى ماسەلەلەردە ءۇرتىس ءوزارا ءتۇسىنىسۋدى جانە قولداۋدى قالايدى.  ياڭ جيەچى، ۋاڭ ي، حى ليفىڭ كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە