جاڭا حابارلار

بۋىرشىن 3-كەزەكتى سۇڭگى مەرەكەسى بۋىرشىن اۋدانىنىڭ شۇڭقىر قالاشىعىندا وتكىزىلۋدە

    كەلۋ قاينارى: شينجياڭ حالىق راديو ىستانسياسى    2019-01-25 12:05:20  

التاي راديو ستانسياسىنىڭ ءتىلشىسى ياڭ شۋساي، بۋىرشىن اۋداندىق راديو ستانسياسىنان لو ياڭشۋەنىڭ حابارى: بىرنەشە كۇننەن بەرى، بۋىرشىن 3-كەزەكتى سۇڭگى مەرەكەسى بۋىرشىن اۋدانىنىڭ شۇڭقىر قالاشىعىندا وتكىزىلۋدە، ساياحاتشىلار وسى ارادا كوركەم ءتابيعاتتى تاماشالاپ، ءدامى ءتىل ۇيرەتىن تاعامداردان اۋىز ءتيىپ، قىسقى ساياحاتتان ءلاززاتتانۋدا.
ىزعارلى قىس مەزگىلىندەگى بۋىرشىن اۋدانىنىڭ شۇڭقىر قالاشىعىندا بەتىن مۇز الا قويماعان وزەن سۋى كىلكىپ اعىپ، وزەن بەتى مۇنارلانىپ، عاجايىپ كوركەم كورىنىس قالىپتاستىرادى. اشىق اسپان استىندا، اق قايىڭ كۇمىس رەڭگە بويالىپ، كۇن نۇرىندا شاعىلىسىپ جارقىراپ، اسەم بەينەسى كىسىنى وزىنە بىردەن باۋرايدى. ساياحاتشىلار جاياۋ ءجۇرۋ قيمىلىنا قاتىناسسىن نەمەسە ات شانامەن اعىزسىن، اق قايىڭنىڭ اراسىندا دامىلسىز سۋرەت تارتىپ، كوركەم ءتابيعات كورنىسىن قيىپ كەتكىسى كەلمەيدى. گانسۋلىق ساياحاتشى ياڭ يۇي-ى: «وسى قيمىلعا تۇڭعىش رەت قاتىناسىپ وتىرمىن، بۇل ارا وتە تاماشا ەكەن، ءتابيعاتى دا ەرەكشە كوركەم، ورتاسى دا دۋماندى، ايرىقشا قۋاندىم، بۋىرشىن شىنىندا كوركەم جەر ەكەن»،-دەدى.

اسەم كورىنىستەن ءلاززاتتانۋدان سىرت، ساياحاتشىلاردىڭ تاعى وسى ارادا جەرگىلىكتى ەرەكشە تاعامداردان ءدام تاتۋىنا دا بولادى. «سۇڭگى مەرەكەسى» كەزىندە، جەرگىلىكتى ورىن ءدامدى تاعامداردى تانسىتىرۋ جينالىسى، ەرتىس وزەنى سۋىق سۋ بالىعى قوناعاسى، سارالا تورعاي قوناعاسى، اۋىل-قىستاق بۇقارالىق قوناعاسى سياقتى دەن قويا دايىندالعان، بۋىرشىننىڭ 12 كەزەك وزگەشە تاقىرىپتىق قوناعاسىسىن وتكىزەدى، ساياحاتشىلاردىڭ تاعامداردان تويعانىنشا جەۋىنە بولادى. بۋىرشىن اۋداندىق ساياحات مەكەمەسىنىڭ باستىعى يە سۋچين: وسى كەزەكتى سۇڭگى مەرەكەسىندە تاعى ءان-ءبي ويىنى، فوتو سۋرەت جارىسى، قولونەر بۇيىمدارى كورمەسى، تەرى شاڭعى جارىسى سياقتى 10 شاقتى جارىستىڭ وتكىزىلەتىندىگىن تانىستىرىپ: «سۇڭگى مەرەكەسى 2-ايدىڭ سوڭىنا دەيىن جالعاسادى. وسى مەرەكە ارقىلى دارالىق قالىپتاستىرىپ، ونىمەن تۇتاس بارىستى ىلگەرلەتىپ، قىسقى ساياحاتتى جاپپاي قامتىپ، بۋىرشىننىڭ قىسقى ساياحاتىنىڭ قىزۋ ورلەۋگە كوتەرىلۋىنە مۇمكىندىك جاسايمىز»،-دەدى.


بەرىپ كەت ورامالىڭدى

دوستار

الىستاعى اق ەركە