جاڭا حابارلار

بيىل ۇكىمەت قارجىسىمەن وقىعان شينجياڭدىق 648 شىفان مەكتەبى وقۋشىسى شينجياڭعا قايتىپ وقىتۋشىلىقپەن شۇعىلداناتىن بولدى

    كەلۋ قاينارى: شينجياڭ حالىق راديو ىستانسياسى    2019-01-26 11:06:33  
ستانسيامىزدىڭ حابارى: 1-ايدىڭ 24-كۇنى اۆتونوميالى رايوندىق وقۋ-اعارتۋ مەڭگەرمەسى باس بولىپ وتكىزگەن «2019-جىلعى وقۋ-اعارتۋ مينيسترلىگىنە توتە قاراستى ۇكىمەت قارجىسىمەن وقىعان شىفان مەكتەبى وقۋشىلارىنىڭ ارناۋلى قامداۋ-قاجەتسىنۋ جونىندەگى جۇزدەسۋ كەڭەسى» شينجياڭ شىفان داشۋەسىندە وتكىزىلىپ، بيىل ۇكىمەت قارجىسىمەن وقىعان شينجياڭدىق 648 شىفان مەكتەبى وقۋشىسى شينجياڭعا قايتىپ وقىتۋشىلىقپەن شۇعىلداناتىن بولدى.
قامداۋ-قاجەتىسىنۋ جونىندەگى جۇزدەسۋ كەڭەسىنە قاتىناسقان مەكتەپ بىتىرگەن وقۋشىلار بەيجيڭ شىفان داشۋەسى، حۋاجۇڭ شىفان داشۋەسى سياقتى وقۋ-اعارتۋ مينيسترلىگىنە توتە قاراستى 6 شىفان داشۋەسىنەن كەلگەن، ولاردىڭ وقىعان كاسىپتەرى حانزۋ ءتىل ادەبيەتى، ماتەماتيكا جانە قولدانىلمالى ماتەماتيكا، مەكتەپكە دەيىنگى وقىتۋ، يدەيالىق ساياسي تاربيە ، ەرەكشە وقىتۋ سياقتى 20 نەشە ءتۇرلى بولدى. وسى كۇنى رايونىمىزدىڭ ءار قايسى ايماق-وبلىس-قالالارىنىڭ، اۋدان-قالا-رايوندارىنىڭ وقۋ-اعارتۋ مەكەمەلەرى جانە ولارعا قاراستى ورتا-باستاۋىش مەكتەپتەردەن ادام ىستەتەتىن جالپى 332 ورىن 4 مىڭ 574 قىزمەت ورنىن دايىندادى. قازىر قىزمەت توقتامىن جاساسۋ ءتارتىپتى ىستەلۋدە.
ۇعىسۋعا قاراعاندا، اۆتونوميالى رايوندىق وقۋ-اعارتۋ مەڭگەرمەسى 2011-جىلدان باستاپ ءار جىلى ارناۋلى قىزمەتكەر قابىلداۋ كەڭەسىن وتكىزىپ، ۇكىمەت قارجىسىمەن وقىعان شىفان مەكتەپتەرىن بىتىرگەن وقۋشىلار مەن ادام ىستەتەتىن ورىندار اراسىندا قوس باعىتتا تاڭداۋ تەكشەسىن ورنالاستىرىپ كەلگەن. 8 جىلدان بەرى، وقۋ-اعارتۋ مينيسترلىگىنە توتە قاراستى شىفان مەكتەپتەرىنىڭ ۇكىمەت قارجىسىمەن وقىعان شينجياڭدىق 4 مىڭ 930 وقۋشىسى مەكتەپ بىتىرگەننەن كەيىن شينجياڭعا قايتىپ وقىتۋشىلىقپەن شۇعىلدانىپ، بىرتىندەپ جەرگىلىكتى تىرەكتى وقىتۋشىلارعا اينالعان.
اۆتونوميالى رايوندىق وقۋ-اعارتۋ مەڭگەرمەسىنىڭ قاتىستى جاۋاپتىسى بىلاي دەدى: بيىل رايونىمىز جالعاستى ءتۇرلى ارنالار ارقىلى وقۋ-اعارتۋ مينيسترلىگىنە توتە قاراستى ۇكىمەت قارجىسىمەن وقىعان شىفان مەكتەبى وقۋشىلارىن وڭتۇستىك شينجياڭعا، نەگىزگى ساتىعا بارىپ كاسىپتەنۋگە بەلسەنە باستايدى، وقۋ-اعارتۋ مەڭگەرمەسى مەملەكەت پەن اۆتونوميالى رايوننىڭ قاتىستى بەلگىلەمەلەرى بويىنشا، قامداۋ-قاجەتسىنۋ جونىندەگى جۇزدەسۋ كەڭەسىندە كاسىپتەنۋ كەلىسىمىن جاساسا الماعان شىفان مەكتەبى وقۋشىلارىنىڭ قىزمەت ورنىن مۇقيات ويداعىداي تياناقتاندىرىپ، ءار كىمنىڭ ءوز ءبىلىمىن تولىق ساۋلەلەندىرۋىنە، قابىلەتىن ناقتى جۇمساۋىنا كەپىلدىك ەتەدى.

بەرىپ كەت ورامالىڭدى

دوستار

الىستاعى اق ەركە