جاڭا حابارلار

شي جينپيڭ مەن حانىمى پىڭ لييۋان لي جۋيۇڭمەن كەزدەستى ءارى چاۋشيان دوستىق كوركەمونەر ۇيىرمەسىنىڭ ويىنىن كوردى

    كەلۋ قاينارى: شينجياڭ گازەتى    2019-01-29 12:34:25  
 شينحۋا اگەنتتىگىنىڭ 1 - ايدىڭ 27 - كۇنى بەيجيڭنەن بەرگەن حابارى (تىلشىلەر لي جۇڭفا، پان جيە). ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان 1 - ايدىڭ 27 - كۇنى بەيجيڭدە چاۋشيان ەڭبەك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەتتىڭ ورىنباسار باستىعى، حالىقارالىق ىستەر مينيسترلىگىنىڭ مينيسترى لي جۋيۇڭ ۇيىرمە باستىعى بولعان چاۋشيان دوستىق كوركەمونەر ۇيىرمەسىندەگىلەرمەن كەزدەستى.
  شي جينپيڭ مەن پىڭ لييۋان چاۋشيان دوستىق كوركەمونەر ۇيىرمەسىنىڭ جۇڭگوعا ساپارلاي كەلىپ، ويىن قويعاندىعىن قارسى الدى. شي جينپيڭ مىنانى اتاپ كورسەتتى: وسى رەتكى ساپارلاي كەلىپ ويىن قويۋ − جۇڭگو مەن چاۋشيان ەكى جاقتىڭ ماڭىزدى ورتاق تانىمدى تياناقتاندىرۋداعى كەلەلى مادەنيەت اۋىس - ءتۇيىس قيمىلدارىنىڭ ءبىرى ءارى جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋداعى ماڭىزدى قيمىلداردىڭ ءبىرى. ساپارلاي كەلىپ ويىن قويۋ قيمىلىنىڭ تولىق تابىستى بولىپ، جۇڭگو - چاۋشيان ەكى ەل حالقىنىڭ دۇستىق سۇيىسپەنشىلىگىن تەرەڭدەتەتىندىگىنە سەنەمىن.
  لي جۋيۇڭ الدىمەن كوميتەت باستىعى جين جىڭىن مەن لي شۋەجۋ حانىمنىڭ باس شۋجي شي جينپيڭ مەن پىڭ لييۋان حانىمعا جولداعان ىقىلاستى سالەمىن جانە ىزگى تىلەگىن جەتكىزدى، باس شۋجي شي جينپيڭنىڭ وسى رەتكى دوستىق كوركەمونەر ۇيىرمەسىنىڭ جۇڭگوعا ساپارلاي كەلىپ ويىن قويۋىنا كوڭىل بولگەندىگىنە جانە باسا ءمان بەرگەندىگىنە شىنايى العىس ايتتى.
  شي جينپيڭ لي جۋيۇڭعا كوميتەت باستىعى جين جىڭىن مەن لي شۋەجۋ حانىمعا دەگەن شىنايى سالەمى مەن تاماشا تىلەگىن جەتكىزىپ قويۋدى تاپسىردى. شي جينپيڭ مىنانى اتاپ كورسەتتى: 2018 - جىلدان بەرى مەن كوميتەت باستىعى جين جىڭىنمەن 4 رەت كەڭەس وتكىزىپ، جاڭا داۋىردەگى جۇڭگو - چاۋشيان ەكى ەل پارتياسىنىڭ، ەكى ەل قارىم - قاتىناسىنىڭ دامۋى جونىندە ماڭىزدى ورتاق تانىمعا كەلدىك. بيىل − جۇڭگو مەن چاۋشياننىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى. جۇڭگو جاق چاۋشيان جاقپەن بىرگە ەكى جاقتىڭ ماڭىزدى ورتاق تانىمىن ويداعىداي تياناقتاندىرىپ، ەكى ەل حالقىنا ءتىپتى دە جاقسى باقىت جاراتۋدى، ءوڭىردىڭ جانە دۇنيە ءجۇزىنىڭ بەيبىتشىلىگى، ورنىقتىلىعى، دامۋى، گۇلدەنۋى ءۇشىن بەلسەنە ۇلەس قوسۋدى قالايدى.
  شي جينپيڭ مىنانى باسا دارىپتەدى: مادەنيەت - كوركەمونەر اۋىس - ءتۇيىسى − جۇڭگو - چاۋشيان قارىم - قاتىناسىنىڭ وزىندىك ەرەكشەلىك پەن داستۇرگە باي ماڭىزدى قۇرامداس بولىگى. ەكى جاقتىڭ بىرگە قۇلشىنىپ، مەنىڭ كوميتەت باستىعى جين جىڭىنمەن جۇڭگو مەن چاۋشياننىڭ مادەنيەت - كوركەمونەر سالاسىندا اۋىس - ءتۇيىس پەن سەلبەستىكتى كۇشەيتۋ جونىندە كەلىسكەن ماڭىزدى ورتاق تانىمدارىمىزدى ويداعىداي تياناقتاندىرۋ، جۇڭگو مەن چاۋشيان دوستىعىنىڭ حالىق رايى نەگىزىن بەكەمدەۋ، جۇڭگو مەن چاۋشياننىڭ ءداستۇرلى دوستىعىنا مۇراگەرلىك ەتۋ جانە جالعاستىرۋ، ءوز - ءوزىنىڭ سوتسياليستىك مادەنيەت قۇرىلىسىن ىلگەرىلەتۋ ءۇشىن ۇزدىكسىز بەلسەندى ۇلەس قوسۋىن ءۇمىت ەتەمىن.
  لي جۋيۇڭ باس شۋجي شي جينپيڭ مەن پىڭ لييۋان حانىمنىڭ قات - قابات قاربالاستىقتان ۋاقىت شىعارىپ ويىندى كورگەندىكتەرىنە تاعى دا العىس ايتتى. ول چاۋشيان دوستىق كوركەمونەر ۇيىرمەسىنىڭ وسى رەت جۇڭگوعا ساپارلاي كەلىپ ويىن قويۋى كوميتەت باستىعى جين جىڭىننىڭ باس شۋجي شي جينپيڭگە، سونداي - اق چاۋشيان حالقىنىڭ جۇڭگو حالقىنا تەرەڭ دوستىق سۇيىسپەنشىلىگىن جەتكىزۋ ەكەندىگىن، چاۋشيان جاقتىڭ كوميتەت باستىعى جين جىڭىننىڭ باس شۋجي شي جينپيڭمەن كەلىسكەن ماڭىزدى ورتاق تانىمىن مۇقيات دايەكتىلەندىرىپ، تياناقتاندىرىپ، چاۋشيان - جۇڭگو دوستىق سەلبەستىگىن نىعايتىپ، چاۋشيان - جۇڭگو دوستىعىنىڭ جاڭا تاراۋىن جازۋعا تىڭ ۇلەس قوساتىندىعىن ءبىلدىردى. 
  كەزدەسۋدەن كەيىن شي جينپيڭ مەن پىڭ لييۋان چاۋشيان دوستىق كوركەمونەر ۇيىرمەسىنىڭ ويىنىن كوردى. ويىن «چاۋشيان - جۇڭگو دوستىعى ماڭگى جالعاسادى» اتتى مۋزيكامەن باستالدى. ونان سوڭ، چاۋشيان ونەرپازدارى جۇڭگو كورەرمەندەرىنە «اليلاڭ» سياقتى چاۋشياننىڭ ۇلتتىق مۋزيكالارىن جانە «چاڭجياڭ جىرى»، «وتاندى جىرلايمىز» سياقتى جۇڭگونىڭ اندەرىن ورىنداپ بەردى، كورەرمەندەر چاۋشيان ونەرپازدارىنىڭ تارتىمدى ويىندارىنا شاتىرلاتا شاپالاق سوقتى. ويىن «ۇمىتىلماس وسى كەش» انىمەن اياقتادى، تۇتاس الاڭ دۋماندى دا دوستىق بەينەگە شومدى.
  ويىن اياقتاعاننان كەيىن، شي جينپيڭ مەن پىڭ لييۋان ساحناعا شىعىپ ارتيستەرمەن، قىزمەتكەرلەرمەن قول الىسىپ امانداستى، سونداي - اق كوپشىلىكپەن بىرگە سۋرەتكە ءتۇسىپ ەستەلىك قالدىرىپ، ويىننىڭ تابىستى بولعاندىعىن قۇتتىقتادى.
  ۋاڭ حۋنيڭ، ديڭ شۋەشياڭ، سۇن چۇنلان، ياڭ جيەچى، حۋاڭ كۇنميڭ، ساي چي، ۋاڭ ي قاتارلىلار كەزدەسۋدە بىرگە بولدى ءارى ويىندى كوردى. 
  چاۋشيان دوستىق كوركەمونەر ۇيىرمەسى ج ك پ ورتالىق كوميتەتى شەتەلدەرمەن بايلانىس جاساۋ ءبولىمىنىڭ ۇسىنىسىمەن جۇڭگوعا ساپارلاي كەلىپ ويىن قويدى.

بەرىپ كەت ورامالىڭدى

دوستار

الىستاعى اق ەركە