جاڭا حابارلار

«باتىس شەكاراداعى ءبىرىنشى اۋىلدىڭ» جاس قورعاۋشىلارى

    كەلۋ قاينارى: شينجياڭ گازەتى    2019-01-31 14:37:59  

− قىزىلسۋ وبلىستىق شەكارا باسقارۋ تارماق اترەتىنىڭ جىعىن شەكارا ساقشى بولىمشەسىندەگى حالىق ساقشىلارى جونىندە
ماقالاسىن جازىپ، سۋرەتىن تۇسىرگەن: تىلشىلەرىمىز يىن شياۋجۇن، حى ليڭ

1 - ايدىڭ 23 - كۇنى جىعىن شەكارا ساقشى بولىمشەسىنىڭ حالىق ساقشىلارى مەن شەكارا قورعاۋشىلار شەكارا ءوڭىردى شارلاۋدا.

 1 - ايدىڭ 23 - كۇنى. ۇلىقشات اۋدانى جىعىن اۋىلىنا كۇن نۇرى شۇلەن شۇعىلاسىن توگىپ تۇر. اسپان شايداي اشىق، جەر ءجۇزى اق كورپەسىن جامىلعان. قىزىل توبەلى، سارى داۋالدى تۇرعىندار تۇراعى قاز - قاتار تىزىلگەن، قۇلاققا ۇرعان تاناداي تىپ - تىنىش. 
  بۇل ارا وتانىمىزدىڭ «اتار تاڭدى ەڭ سوڭىمەن قارسى الىپ، باتار كۇندى ەڭ جاي اتتاندىراتىن» اۋىل - قالاشىق، سوندىقتان «باتىس شەكاراداعى ءبىرىنشى اۋىل» دەپ اتالعان، قىزىلسۋ قىرعىز اۆتونوميالى وبلىستىق شەكارا باسقارۋ تارماق اترەتىنىڭ ۇلىقشات اۋدانى شەكارا باسقارۋ ۇلكەن اترەتىنىڭ جىعىن شەكارا ساقشى بولىمشەسى وسىندا تۇرادى.
  تۇستەن بۇرىن ساعات 10دا ساقشى بولىمشەسىنەن ساقشى اۆتوكولىگىنە وتىرعان بىرنەشە جاس حالىق ساقشىسى كەزەكشىلىك قىزمەتكە كىرىستى، ولاردىڭ بۇگىنگى مىندەتتەرى دوڭگورمە بەلىنە باراتىن جولدى شارلاۋ.
  جول باستاۋشى جاۋ فاڭفاڭنىڭ ستاجى ەڭ ۇزاق، 23 جاستاعى ونىڭ وسىندا كەلگەنىنە 4 جىل بولعان؛ رولدا وتىرعان ياڭ ياڭ ەڭ «جاس»، 21 جاسقا تولىق ىلىنە قويماعان، ايتسە دە اۆتوكولىك جۇرگىزۋگە ەڭ شەبەر، ساقشى كولىگىمەن شارلاعاندا كوبىندە «باعداردى ول مەڭگەرەدى»؛ ارتقى ورىندىقتا كەلگەنىنە ەندى عانا ءبىر اي بولعان 3 ادام وتىر، ولار: 25 جاستاعى كۇڭ جىيۇڭ جانە 23 جاستاعى جيا جىچي، لي جيچاۋ.
  بىرنەشە كيلومەتر شالعايداعى قارا تەرەك قىستاعىندا، 28 جاستاعى حالىق ساقشىسى باكرمامەت ايۇپ شەكارانى قورعاۋشى اتتىلار اترەتىن باستاپ، ساقاداي ساي تۇر. اۆتوكولىك بارا المايتىن جەرلەردى اتتىلار اترەتى شارلايدى. ات قۇلاعىندا ويناپ ەرجەتكەن باكرمامەت تاۋ جولىندا اتقا ەرەكشە مىقتى، سوندىقتان اتتىلار اترەتى شەكارانى شارلاعاندا كوبىندە ول جول باستايدى.
  قاراستىلىعىنداعى سىرتپەن تۇتاساتىن 22 كەزەڭنىڭ ءبارىن قالىڭ قار باسىپ قالعان، ادام بالاسى سيرەك. بۇل كۇنگى جاعداي دا ەرەكشە قالىپتى.
  جىعىن اۋىلىنداعى شەكارانى شارلايتىن جولدا وسى جاس ساقشىلاردىڭ ءىزى ءار كۇنى دەرلىك قالادى. بۇل ساقشى بولىمشەسى ەڭ شالعاي بولىپ، اۋداننان 116 كيلومەتر قاشىقتىقتا؛ قىزمەتكەرلەرى ەڭ جاس، ورتاشا جاسى 30عا دا جەتپەيدى.
  ساقشى بولىمشەسىنىڭ 37 جاستاعى باستىعى امات اپاردىڭ جاسى ەڭ ۇلكەن، ول ءتۇستىڭ الدىندا قىزمەت ورنالاستىرىپ بولعاننان كەيىن، اسىعىس - ۇسىگىس اۋىلعا جيىنعا كەتتى. ساقشى بولىمشەسىن 35 جاستاعى ورىنباسار جەتەكشى ليۋ دىشيان كۇزەتىپ قالدى، ونىڭ مۇندا قىزمەت ىستەگەندىگىنە 11 جىل بولعان.
  «وسىنداي شەت - شالعاي جەردە، سۇيىسپەنشىلىگىڭ بولماسا تياناقتاپ تۇرا المايسىڭ». كۇڭ جىيۇڭ داشۋەدەگى كەزىندە قالامىن تاستاپ، قارۋ اسىنىپ، 2 جىل اسكەر بولدى، بىلتىر داشۋەدەگى وقۋىن تامامداعاننان كەيىن، جياڭشيدەن ەمتيحان بەرىپ كەلدى.
  شارلاۋدان ءساتتى ورالعان جاۋ فاڭفاڭ ياڭ ياڭدى ەرتىپ، جىعىن اۋىلى ساز قىستاعىندا ءومىر بويى شەكارانى قورعاعان «دوڭگورمە اجەسى» اتانعان بۇرماحان مولدوعا امانداسا باردى. بۇرماحان اجەي ەرتەدە - اق بۇكىل ەلگە تانىمال ۇلگىلى قايراتكەر اتانعان، ساقشى بولىمشەسىندەگى جاس ساقشىلار بۇل اراعا ۇنەمى كەلىپ، اجەيدىڭ شەكارانى قورعاۋ بارىسىنداعى اڭگىمەلەرىن تىڭدايدى. اجەيدىڭ «اقتىق دەمىم تاۋسىلعانشا شەكارانى تاباندىلىقپەن قورعايمىن» دەگەن سەرتى ولاردىڭ كوڭىلىندەگى سەنىمىن اناعۇرلىم بەكەمدەدى.
  وسى 2 كۇندە 28 جاستاعى ياۋ يۇيچيڭگە كوپشىلىك قىزىعا قارادى، ونىڭ كەلىنشەگى ونى كورگەلى كەلگەن، ساقشى بولىمشەسىندەگى باس قۇراعان 5 ادامنىڭ ءبىرى بولعان ول ماحابباتتىڭ جىلىلىعىن سەزىندى. دەسەدە ول قاربالاستىقتان كەلىنشەگىنە ءجوندى قاراي المادى. سول كۇنى كەشتە، ساقشى بولىمشەسىندەگى ينتەرنەتكە جاۋاپتى ول ساز قىستاعىنداعى ساقشى ىستەرى كەڭسەسىنىڭ كومپيۋتەرىنەن شىققان كىناراتتى شەشۋ ءۇشىن كەلىنشەگىن جالعىز قالدىرىپ سوندا كەتتى.
  وسى كۇنى قىزىلسۋ قىرعىز اۆتونوميالى وبلىستىق شەكارا باسقارۋ تارماق اترەتى مەرەكەنى قۇتتىقتاپ كەسكىن ءتۇسىردى. امات كەزەكشىلىك ىستەمەيتىن حالىق ساقشىلارىن باستاپ، باتىس شەكاراعا قاراپ تۇرىپ، جەلبىرەگەن مەملەكەت تۋىنىڭ استىندا قاز - قاتار ءتىزىلدى، ولاردىڭ باسىنداعى ساقشى بەلگىسى كۇن نۇرىندا جارقىراپ تۇر. «قاراستىلىعىمىزداعى ءوڭىردىڭ اماندىعىن كۇزەتىپ، حالىقتىڭ باقىتىن قورعايمىز!...». اسقاق ۇران الىسقا تاراپ، وتانىمىزدىڭ «باتىس شەكاراسىنداعى ءبىرىنشى اۋىلدىڭ» اسپانىندا جاڭعىردى.
  الداعى كوكتەم مەرەكەسىندە ولار تاعى دا دەمالمايدى ايتسە دە جالىندى دا تەبىندى، جاپادان قورىقپايتىن قوسىندى باستاعان اماتتىڭ وسى ءوڭىردىڭ اماندىعىن قورعاۋعا تولىق سەنىمى بار.


بەرىپ كەت ورامالىڭدى

دوستار

الىستاعى اق ەركە