جاڭا حابارلار

باسىن ءباي تىگىپ، نەشە مىڭ بۇقارانى قۇتقارعان ماشىشانداعى (马石山) 10 باتىر

    كەلۋ قاينارى: شينجياڭ حالىق راديو ىستانسياسى    2019-02-01 10:12:32  

 اتالعان ايداردا، بۇگىن: «باسىن ءباي تىگىپ، نەشە مىڭ بۇقارانى قۇتقارعان ماشىشانداعى (马石山) 10 باتىرىمەن » تانىساسىزدار:     1942- جىلى، جاۋدىڭ ارتقى شەبىندەگى جاپون شاپقىنشىلارىنا قارسى سوعىس قيىن-قىستاۋ مەزگىلگە ءدۇپ كەلەدى، جاپون ارمياسى شاندۇڭداعى جاپون شاپقىنشىلارىنا قارسى سوعىس بازالارىنا قايتا-قايتا الاستاۋ جۇرگىزىپ، 20 مىڭ ادامدىق جاپون قۋىرشاق ارمياسىن شىعارىپ، 26 سوعىس كەمەسى مەن 10 ۇشاقتىڭ سايكەسۋىندە، جياۋدوڭ تۇبەگىندەگى جاپون شاپقىنشىلارىنا قارسى بازالارعا شەپ جايىپ قورشاۋعا الۋ تاسىلىمەن كولەمدى الاستاۋ جۇرگىزىپ،  جياۋدوڭ تۇبەگىندەگى 8- ارميانىڭ نەگىزگى كۇشى مەن پارتيا، ۇكىمەت، اسكەري ورگاندارىن ءبىر جولاتا جويىپ جىبەرمەكشى بولادى. زور كولەمدى الاستاۋ 40 نەشە كۇنگە جالعاسىپ، ماشىشان ماڭىزدى قورشاۋ تۇيىنىنە اينالادى.  

  سول  كەزدە، ماشىشاننىڭ ماڭىنداعى پارتيا، ۇكىمەت، اسكەري ورگاندار، قارۋ-جاراق وندىرەتىن اسكەري ونەركاسىپ زاۆودى، شيپاحانا جانە نەشە مىڭداعان بۇقارانىڭ باسىم كوبى قورشاۋدى بۇزىپ شىعادى. الىنەن اسىپ قۇتىرىنعان جاپون ارمياسى قاندى شەڭگەلىن قولىندا كوك تەمىر قارى جوق بۇقاراعا باتىرىپ، « ماشىشانداعى ايانىشتى ۋاقيعانى» تۋدىرادى. 11-ايدىڭ 23-كۇنى كەشتە، نەشە مىڭداعان بۇقارا مەن 8- ارميانىڭ بىرنەشە شاعىن بولىمشە اترەتى ماشىشان رايونىندا قورشاۋدا قالادى. 8- ارميانىڭ جياۋدوڭ اسكەري رايونىنىڭ 5-لۇي 13-تۋان 7-ليان 6-بانىنداعى 10 جاۋىنگەر مىندەتتەرىن وتەپ بولىپ، ماشىشاننان وتكەندە بۇقارانىڭ قيىن- قىستاۋ قاتەرلى جاعدايدا قالعانىن كورىپ، جوعارعى ورىن بۇيرىق بەرمەگەن جاعدايدا دا وسى جەردە قالىپ بۇقارانىڭ قورشاۋدى بۇزىپ شىعۋىنا قولعابىس ەتۋگە بەكىنەدى.  

   ءتۇن جارىمىندا، بانجاڭ ۋاڭ ديانيۋان مەن جاۋىنگەر سەرىكتەرى ءبىرىنشى توپتاعى 200 دەن استام بۇقارانى جاۋ قورشاعان ءوڭىردىڭ سىرتىنا ءساتتى جەتكىزىپ، جاپون شاپقىنشىلارى قورشاپ تۇرعان وڭىرگە 2-رەت كىرەدى. 10 سارباز تاعى حايياڭ اۋدانىنان تاعى دا 100 دەن استام بۇقارانى تاۋىپ، ولاردى  قورشاۋدى بۇزىپ، حاۋىپسىز ورىنعا جوتكەگەننەن كەيىن، 10 سارباز 3-رەت جاپون شاپقىنشىلارى قورشاعان وڭىرگە باسىپ كىرگەندە ، قالىپسىز جاعدايدى بايقاپ قويعان جاۋ دەرەۋ مىلتىق اتىپ بەلگى بەرىپ، سول اراعا جەتىپ كەلەدى. 10 سارباز شەگىنبەكشى بولىپ تۇرعان ساتتە، باتىس وڭتۇستىكتەگى ساي اڭعارىندا تاعى ءبىر ءبولىم جاي بۇقارانىڭ قورشاۋدا قالعانىن ەستيدى، ۋاڭ ديانيۋان ءارى- سارى بولماستان جاۋىنگەرلەردى باستاپ بارىپ، ولاردى قۇتقارادى. وسى ساتتە كەنەت  20 نەشە جاپون الباستىسى ولارعا بەتپە -بەت جولىعىپ قالادى، بۇل كەزدە جاۋىنگەرلەردىڭ وعى دا  تاقا تاۋسىلعان بولاتىن، الايدا، بۇقاراعا حاۋىپسىز ورىنعا جوتكەلۋىنە كوبىرەك ۋاقىت بەرۋ ءۇشىن، ءبىر نەشە جاۋىنگەر قانجارلارىن  قاداپ قارسى كەلگەن جاۋ اسكەرلەرىنىڭ نازارىن وزدەرىنە اۋدارىپ، سوعىسا ءجۇرىپ شەگىنىپ، اقىرىندا ماشىشان شوقىسىنا دا شىعادى. 

   11-ايدىڭ 24-كۇنى  تۇستەن بۇرىن، 8- ارميانىڭ جاۋىنگەرلەرى بىرنەشە ورىنداعى  جالاما جارتاستى پانالاپ، جانقيارلىقپەن شايقاسىپ، جاپون قۋىرشاق ارمياسىنىڭ تالاي رەتكى شابۋىلىن تويتارادى، بىر نەشە جاۋىنگەر دە قۇربان بولادى. سوڭىندا، ۋاڭ ديانيۋان مەن ەكى جاۋىنگەر قۇشاقتاسقان بويى ەڭ سوڭعى گراناتتىڭ بىلتەسىن تارتىپ، جاپا تارماعاي جابىلعان جاۋ جاساقتارىمەن بىرگە جان قيادى.  حالىق ۋاڭ ديانيۋان، جاۋ تيڭماۋ، ۋاڭ ۋىنلي، لي گۇي، ياڭ دىپەي، لي ۋجاي، گۇڭ زىفانداردىڭ جانە اتى- جونىن قالتىرماعان 3 جاۋىنگەردى ماڭگى ەستەن شىعارماق ەمەس.     2015- جىلى، «ماشىشانداعى 10 باتىر» تۋى جاپون شاپقىنشىلارىنا قارسى سوعىس جەڭىسكە جەتكەندىگىنىڭ 70 جىلدىعىن قۇتتىقتاۋ اسكەري مانەۆەرىندە تۇڭعىش قاھارمان ۇلگىلەردىڭ تورتكىل قاتارىنىڭ تۋى رەتىندە تيان-انمىن الاڭى الدىندا جەلبىرەپ، وتان مەن حالىقتىڭ كوزدەن كەشىرۋىن  قابىلدادى.
 
 
 
 


بەرىپ كەت ورامالىڭدى

دوستار

الىستاعى اق ەركە