جاڭا حابارلار

ۇگىت، اقپارات شەبىندەگى ۇزدىك ۇيىمداستىرۋشى جانە ارداگەر لي جۋرۋ                            

    كەلۋ قاينارى: شينجياڭ حالىق راديو ىستانسياسى    2019-02-02 08:44:27  

                          
  « ۇگىت، اقپارات شەبىندەگى ۇزدىك ۇيىمداستىرۋشى جانە ارداگەر لي جۋرۋمەن» تانىساسىزدار.
    لي جۋرۋ، 1905- جىلى 1- ايدا شاندۇڭ ولكەسى ليجين اۋدانىنىڭ جۋاڭكى قىستاعىندا دۇنيەگە كەلگەن. 1927- جىلى جۇڭگو كوممۋنيستىك پارتياسىنا مۇشە بولعان. 1931- جىلى  «18-قىركۇيەك» ۋاقيعاسىنان كەيىن، نانجيڭ ورتالىق داشۋەسى ج ك پ جاسىرىن ياچەيكاسىنىڭ شۋجيى بولىپ تاعايىندالىپ، ورتالىق داشۋەسىنەگى وقىتۋشى - وقۋشىلار مەن نانجيڭداعى ءارقايسى مەكتەپتەردەگى وقىتۋشى-وقۋشىلاردىڭ جاپون شاپقىنشىلارىنا قارسى تۇرىپ، وتاندى قۇتقارۋ قوزعالىسىنا قاتىناسقان جانە باسشىلىق ەتكەن.
    گومينداڭ كەرتارتپا بيلەۋشىلەرىنىڭ قۋعىنداۋىندا، لي جۋرۋ لاجىسىز شاندۇڭعا قايتىپ، پارتيا مۇشەلەرىن قۇپيا دامىتىپ، ءبىر توپ توڭكەرىستىك جاستاردى باۋليدى، ءارى جيناندا « شين-يا گازەتىن» شىعارىپ، جاپون شاپقىنشىلارىنا قارسى تۇرىپ، وتاندى قۇتقارۋعا ۇگىتتەيدى. 1936- جىلى، لي جۋرۋ شاڭحايعا بارىپ « مادەنيەت گازەتىن» شىعارۋعا قاتىناسىپ، جاپون يمەرياليزمنىڭ شاپقىنشىلىق جاساۋ ارام نيەتىن كولەمدى حابارلارمەن  اشكەرەلەيدى. وتاندى قۇتقارۋ قوعامىنىڭ شىن جۇنرۋ سياقتى «جەتى ارداگەرى» تۇتقىندالعاننان كەيىن، ول  گومينداڭ بيلەۋشىلەرىنىڭ ۇرەيلەندىرۋىن ەلەمەستەن،  « مادەنيەت گازەتىنە » ۇزدىكسىز حابار جازىپ جانە ماقالا جاريالاپ، « جەتى ارداگەرگە» رۋحاني قولداۋ كورسەتەدى.
     1937- جىلى مەملەكەت بويىنشا جاپون شاپقىنشىلارىنا قارسى سوعىس تۋىلعاننان كەيىن، لي جۋرۋ ءبىر توپ توڭكەرىسشىل زيالىنى يان-انعا باستاپ بارادى، جولدا سانشيدا قالىپ «حۇڭگولىقتار گازەتىن» شىعارادى، كەيىن سولتۇستىك جۇڭگو « شينحۋا گازەتىنىڭ» ورىنباسار باس رەداكتورى مىندەتىن اتقارادى. 1939- جىلى 5- ايدا شۇي شياڭچيان، جۋ رۇيلار باستاعان 8- باعىت ارمياسى 1- زۇڭدۇيىنا ىلەسىپ شاندۇڭداعى جاۋ ارتقى شەبىنە كىرىپ، ىلگەرىندى-كەيىندى 1- زۇڭدۇي بۇقارالىق قوزعالىس  ءبولىمىنىڭ باستىعى، ج ك پ شاندۇڭ بولىمشە مەكەمەسى بۇقارالىق قوزعالىس ءبولىمىنىڭ  باستىعى، ۇگىت ءبولىمىنىڭ باستىعى سياقتى مىندەتتەردى اتقارادى، ءارى قوسىمشا شاندۇڭ «داجۇڭ گازەتى» مەكەمەسىنىڭ باستىعى، شينحۋا اگەنتتىگى شاندۇڭ بولىمشەسىنىڭ باستىعى سياقتى مىندەتتەردى اتقارادى.  ول ۇنەمى: «ءبىر پاراق گازەت ءبىر تال زەڭبىرەك وعىنان ارتىق» دەيتىن، 1939- جىلدان 1942- جىلعا دەيىنگى «داجۇڭ گازەتىندە» لي جۋرۋدىڭ كوپتەگەن اۆتورلى ماقالالارى باسىلادى،  كوپتەگەن ماڭىزدى باسماقالا، شولۋلاردى لي جۋرۋ جازادى.
    1942- جىلى قىستا، جاپون ارمياسى شاندۇڭداعى بازانى ەكىنشى رەت كولەمدى «الاستايدى». 11- ايدىڭ 2- كۇنى، 8 مىڭنان استام جاۋ شاندۇڭ اسكەري رايونى مەن ۇكىمەت ورگانىن دۇيگۋشاندا قورشاۋعا الادى. قورشاۋدى بۇزۋ شايقاسىندا، لي جۋرۋ  37 جاسىندا ەرلىكپەن قۇربان بولادى.
   شۇي شياڭچيان ءوزى قالام تەربەپ:  لي جۋرۋ جولداس پارتيامىزدىڭ ۇگىت، اقپارات شەبىندەگى ۇزدىك ۇيىمداستىرۋشى جانە ارداگەر،- دەپ القايدى.
 
 
 
 


بەرىپ كەت ورامالىڭدى

دوستار

الىستاعى اق ەركە