جاڭا حابارلار

 ۇنەمى ارەكەتتەنۋ، دەنساۋلىققا پايدالى بولادى

    كەلۋ قاينارى: شينجياڭ حالىق راديو ىستانسياسى    2019-02-02 10:37:23  

 ۇنەمى ارەكەتتەنۋ، دەنساۋلىققا پايدالى بولادى.   "ادام اۋەلى اياقتان قارتايادى، اعاش اۋەلى تامىرىنان قۋرايدى" دەيتىن ايتىلىم بار، ەكى اياق دەنەنىڭ نەگىزگى بولەگى بولعاندىقتان ادام دەنەسىنىڭ %50 جۇيكەسى، %50 قان تامىرى ءدال اياقتا بولاتىندىقتان، ادام دەنەسىندەگى قاننىڭ  %50 اياقتا اينالىس جاسايدى، سوندىقتان دا،  ەكى اياقتى كۇتىمدەۋ، دەنساۋلىقتى كۇتۋدىڭ ءتۇيىنى ەسەپتەلەدى. جۇرەلەۋ ەكى اياقتى كۇتىمدەپ، قان اينالىسىن تەزدەتىپ، اياق  بۇلشىق ەتىن شىمىرلاندىرا ءتۇسۋدىڭ جاقسى ءادىسى ەسەپتەلىنەدى. جۇرەلەۋ ۋاقىتتى ۇنەمدەيدى ءارى وڭاي ارەكەت، ونىڭ ۇستىنە تۇراقتى ورىن قاجەت ەتپەيدى،  تۇرەگەلىپ تۇرا الاتىن ورىن بولسا بولعانى. لياۋنيڭ ولكەسىندەگى حالىق شيپاحاناسى سۇيەك ءبولىمىنىڭ تەتە اعا شيپاگەرى ۋ فىڭىنىڭ ايتۋىنشا: بەس مينۋد  جۇرەلەۋ تۇرەگەلۋ ارەكەتى  جاياۋ ءجۇرۋدىڭ ءبىر ساعاتتىق ونىمدىلىگىنە بارابار كەلەدى ەكەن. بۇدان سىرت،  تاعى دا تومەندەگەدەي بەس ءتۇرلى پايداسى بار: ءبىرىنشى ، بۇلشىق ەتتىڭ قۋاتىن كۇشەيتەدى. جۇرەلەۋ ارەكەتىندە كەۋدەنىڭ، ارقا ءبولىمنىڭ جانە بەلدىڭ،  بۇيىر   بۇلشىق ەتىنىڭ سايكەسىمدىلىگىن قاجەت ەتىپ قانا قالماستان، ءتىپتى كەيبىر ارەكەتتەردە ۇستىنگى دەنە مۇشەلەرىنىڭ سايكەسىمدىلىگىن دە  قاجەت ەتەدى، ءىس جۇزىندە بۇكىل دەنەنىڭ بۇلشىق ەتتەرىن ماشىقتاندىرادى. قايتا- قايتا ارەكەتتەنۋ ۇلكەن ميدىڭ دەنە نەرۆ جۇيكەلەرىنىڭ سەرپىن تەجەلىمدىلىگىن ارتتىرىپ، ادام دەنەسىن تۇتقيىل سوزىلۋ وزگەرىسىنە ۇيلەستىرىپ،  جىعىلۋ قاتەرىن تومەندەتەدى.   ەكىنشى جاقتاعى پايداسى، سۇيەك بۋىندارىنىڭ يكەمدىلىگىن جوعارىلاتادى. لايىقتى تۇردەگى جۇرەلەۋ ارەكەتى جامباس، تىزە بۋىنى ارەكەتىن ارتتىرىپ، يكەمدىلىگىن لايىقتى تۇردە كۇشەيتىپ، تىزە بۋىنىنىڭ تۇراقتىلىعىن بەكەمدەپ، بۋىننىڭ قارتايۋىن كەشەۋىلدەتەدى. ءۇشىنشى جاقتاعى پايداسى، قان تامىرى اۋرۋىنىڭ الدىن الادى. جۇرەلەۋ ارەكەتى تۇتاس دەنەدەگى قان تامىرلاردى ءريتىمدى تۇردە شوعىرلاندىرا تاراتىپ، جۇرەكتىڭ سىرتقى بولەگىندەگى توسىلۋىن ازايتىپ، ۇساق تامىرلاردىڭ سەرپىمدىلىگىن جاقسارتىپ، جۇرەكتىڭ جۇگىن  جەڭىلدەتەدى. قايتالاي جۇرەلەۋ، تۇرۋ،  جانە دە جۇرەلەۋ، قان اينالىسىن كۇشەيتىپ، قاننىڭ قايتا اينالۋ مولشەرىن ارتتىرىپ، قان اينالىسى مەن زات الماسۋدى تەزدەتەدى. ءتورتىنشى جاقتاعى پايداسى،  قارتايۋدى تەجەيدى. ادام جۇرەلەگەن كەزىندە،  ەكى اياق پەن ارقا  بۇلشىق ەتتەرىنە باسىمدىلىق ءتۇسىپ، تومەنگى بولەك  مۇشەلەرىنىڭ قانى تەزدىكپەن قايتالاي جۇرەككە قۇيىلىپ،  ال، تۇرەگەلگەن كەزدە، قان جانە دە تەزدىكتەن اينالىپ كەلەدى، ءبىر جۇرەلەۋ،ءبىر تۇرۋ قان اينالىسىنا پايدالى، قارتايۋدى تەجەۋ رولىن اتقارادى. بەسىنشى جاقتاعى پايداسى، بوي جازدىرىپ، باسىمدىلىقتى جەڭىلدەتەدى. جۇرەلەۋ ارەكەتى ءبىرشاما قاراپايىم، ۇلكەن ميدىڭ قىزمەتىن قاجەت ەتپەي، رۋحتى جەڭىلدەتىپ، باسىمدىلىقتى ازايتادى. سوڭىندا ايتا كەتەتىن جايىت ەگەر،  جاتتىعۋ جاساۋدىڭ باستاپقى كەزەڭىندە، بۇلشىق ەتتەردە اۋىرسىنۋ بايقالسا،  بۇعان الاڭداۋدىڭ قاجەتى جوق، بۇل بۇلشىق ەتتەگى ءسۇت قىشقىلىنىڭ جينالۋىنان بولعاندىقتان،  ءبىر نەشە كۇن جالعاستى تاباندىلىق ەتسە بولعانى اۋىرسىنۋ وزدىگىنەن باسىلادى. جۇرەلەۋ جاتتىعۋىن جاساۋدا ۇدايىلىق پرينسىبىنە بويسىنىپ، ءار كۇنى تاباندى  بولعاندا عانا كورنەكتى ونىمدىلىككە جەتۋگە بولادى.            


بەرىپ كەت ورامالىڭدى

دوستار

الىستاعى اق ەركە