جاڭا حابارلار

دالۋ قىستاعىنان شىققان توڭكەرىسشىل ارداگەر ـــ لۋ شىڭشۋان 

    كەلۋ قاينارى: شينجياڭ حالىق راديو ىستانسياسى    2019-02-04 12:35:37  

 اتالعان ايداردا بۇگىن: «دالۋ قىستاعىنان شىققان توڭكەرىسشىل ارداگەر ـــ لۋ شىڭشۋانمەن ( 陆升勋) » تانىساسىزدار.   لۋ شىڭشۋان ـــ 1907-جىلى 10-ايدا شاندۇڭ ۇلكەسى چاڭ-ي اۋدانى بۋجۋاڭ قالاشىعىنىڭ دالۋ قىستاعىندا دۇنيەگە كەلگەن. 1924-جىلى چيڭجوۋداعى شاندۇڭ ولكەلىك 4-شىفان مەكتەبىنە وقۋعا قابىلدانىپ، وقۋ تاۋىسقاننان كەيىن، قىستاققا قايتىپ وقىتۋشى بولعان. زور توڭكەرىس قىزۋ ورلەۋگە كوتەرىلگەن مەزگىلدە، ول قىستاقتاعىلارعا بەلسەنە ۇگىت- تاربيە جۇرگىزىپ، ديقاندار قوعامىن قۇرىپ، سولتۇستىككە جورىق جاساعان توڭكەرىستىك ارميانى قورعاعان. زور توڭكەرىس جەڭىلىسكە ۇشىراعاننان كەيىن، قىستاقتا ديقاندار كەشكى مەكتەبىن اشقان. 1928-جىلى 5-ايدىڭ 3-كۇنى، جينان قاندى وقيعاسى تۋىلعاننان كەيىن، ديقاندار كەشكى مەكتەبىندەگىلەردى باستاپ، بازاردا ۇگىت قاعازىن تاراتىپ، جاپون يمپەرياليزمنىڭ شەكتەن اسقان قىلمىستى ارەكەتىنە قارسى تۇرعان. كەيىن، جۇڭگو كوممۋنيستىك پارتياسىنىڭ قۇپيا پارتيا مۇشەلەرىنىڭ تانىستىرۋىمەن زوۋپيڭعا بارىپ، اۋىل-قىستاق قۇرىلىسى ىستەرىن زەرتتەۋ ورنىندا ۇيرەنۋگە قاتىناسادى. 1936-جىلى جۇڭگو كوممۋنيستىك پارتياسىنا مۇشە بولادى. 1936-جىلدىڭ سوڭىندا، لۋ شىڭشۋان ءجۇز نەشە ادامنان ۇيىمداسقان جاپون شاپقىنشىلارىنا قارسى قارۋلى قوسىندى باستاپ، جۇڭگو كوممۋنيستىك پارتياسى لۋدۇڭ قىزمەت كوميتەتىنىڭ باسشىلارى قوزعاعان ۋ-بەي جاپون شاپقىنشىلارىنا قارسى قارۋلى كوتەرىلسكە قاتىناسادى.     1938-جىلى 12-ايدا، 8-ارميانىڭ شاندۇڭ اترەتى قۇرىلادى. 1939-جىلى 9-ايدا، ول شاندۇڭ اترەتى 1-تارماق اترەتىنىڭ ارتقى شەپ سىليڭيۋانى بولىپ مىندەت اتقارادى. 1940-جىلى 9-ايدا، شاندۇڭ اترەتى 1-تارماق اترەتىنىڭ ارتقى شەپ سىليڭبۋى شاندۇڭ اترەتىنىڭ ي-مىڭ تارماق اترەتى بولىپ وزگەرتىپ قۇرىلادى، لۋ شىڭشۋان تارماق اترەتىنىڭ ورىنباسار سىليڭيۋانى بولادى. كوپ وتپەي، لۋجۇڭ 2-ارمياسى بولىمشە رايونىنىڭ سىليڭيۋانى بولادى. 1941-جىلى 10-ايدا، لۋ شىڭشۋان شاندۇڭ بولىمشە مەكەمەسى جوعارى دارەجەلى پارتيا مەكتەبىنە وقۋعا تاڭداپ جىبەرىلەدى. 1942-جىلى 5-ايدا وقۋ مەرزىمى اياقتاعاننان كەيىن، ي-مىڭ ايماقتىق مەكەمەسىنىڭ ءۋاليى بولادى، سول جىلى 12-ايدا جياۋدۇڭ اسكەري رايوننىڭ ورىنباسار سىليڭيۋاندىعىنا تاعايىندالىپ، ءجۇز نەشە ادامدىق قوسىندى باستاپ، شينتايدان اتتانىپ، جياۋجي تەمىرجولىنان ءوتىپ، بوشيڭعا بارىپ، ۇزدىكسىز شىعىسقا شەرۋ تارتىپ، جاۋنانعا اتباسىن تىرەيدى. 12-ايدىڭ 8-كۇنى لايياڭ اۋدانىنىڭ سۇنجياكۋاڭ قىستاعىنا بارعاندا، ويلاماعان جەردەن جاپون قۋرشاق ارمياسىنىڭ قورشاۋىندا قالىپ، كادرلار مەن قورعاپ جەتكىزۋ اترەتىنە قولباسشىلىق ەتىپ، جاۋمەن قيان-كەسكى شايقاسىپ، جاۋدىڭ قورشاۋىن بۇزىپ شىعۋ بارىسىندا 35 جاسىندا باقىتقا قارسى قۇربان بولادى.


بەرىپ كەت ورامالىڭدى

دوستار

الىستاعى اق ەركە