جاڭا حابارلار

ەلى ءۇشىن ءوز ءومىرىن ارناعان اق بوز اتتى جياڭجۇن ـــــ پىڭ شيۇڭ

    كەلۋ قاينارى: شينجياڭ حالىق راديو ىستانسياسى    2019-02-06 10:38:24  
پىڭ شيۇڭ، بۇرىنعى ەسىمى پىڭ ۋىنسان، 1915-جىلى، جياڭشي ولكەسىنىڭ يۇڭشين اۋدانى گاۋچياۋلوۋ قالاشىعىنىڭ دايۋان قىستاعىندا دۇنيەگە كەلگەن، 1932-جىلى، جۇڭگو كوممۋنيستىك پارتياسىنا مۇشە بولعان. كەزىندە قىزىل ارميانىڭ ءبانجاڭى، ءپايجاڭى، ليانجاڭى، يىڭجاڭى بولعان. ورتالىق توڭكەرىستىك بازاسىنىڭ تالاي رەتكى «قورشاپ جويۋعا» قارسى تۇرۋىنا جانە ۇزاق جورىققا قاتىناسقان.
1937-جىلى، مەملەكەت بويىنشا جاپون شاپقىنشىلارىنا قارسى سوعىس تۋىلعاننان كەيىن، پىڭ شيۇڭ 8-باعىت ارمياسى 115-شىسى 343-لۇيى 686-تۋانىنىڭ سانمۋجاڭى مىندەتىن اتقارىپ، اسكەري ءبولىمدى باستاپ، پيڭشيڭگۋان شايقاسىنا قاتىناسقان. كەيىن 8-باعىت ارمياسى لۋدۇڭ تارماق اترەتىنىڭ سىليڭيۋانى، شاندۇڭ باتىس اسكەري رايونىنىڭ ورىنباسار سىليڭيۋانى، حۋاڭحى تارماق اترەتىنىڭ سىليڭيۋانى سياقتى مىندەتتەردى اتقارعان.
1941-جىلى 5-ايدا، پىڭ شيۇڭ جاڭا 4-ارميا 3-شىسىنىڭ سانمۋجاڭى بولعان. ول ارميانىڭ اسكەري ساپاسىن جوعارىلاتۋعا ايرىقشا ءمان بەرگەن، اسكەرلەردى قاتاڭ جاتتىقتىرۋمەن بىرگە، تاعى كوماندير-جاۋىنگەرلەردى ۇيرەنۋگە، اسكەري نازاريانى زەرتتەۋگە ۇيىمداستىرعان.
1943-جىلى كوكتەمدە، پىڭ شيۇڭ 3-شى 8-لۇيىنىڭ لۇيجاڭى تيان شوۋياۋ سياقتىلارمەن بىرگە يان-انعا بارىپ وقيتىن بولادى. 3-ايدىڭ 16-كۇنى، ولار جەلكەندى قايىققا وتىرىپ، جياڭسۋدىڭ سولتۇستىگىندەگى يانحى وزەنى ايرىعىنان اتتانىپ، حۋاڭحايدى بويلاپ، جاپون ارمياسى قاتاڭ قۇرساۋلاعان ليانيۇنگاڭنان اينالىپ ءوتىپ، شاندۇڭ ارقىلى يان-انعا بارۋدى جوسپارلايدى. 3-ايدىڭ 17-كۇنى، شياۋ-شادۇڭ تەڭىز ايدىنىندا جاپون ارمياسىنىڭ شارلاۋشى كەمەسىنە تاپ بولىپ، سوعىستا باقىتقا قارسى وق ءتيىپ، 29 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە