جاڭا حابارلار

شي جينپيڭ مەن سۋدان زۇڭتۇڭى جۇڭگو مەن سۋداننىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

    كەلۋ قاينارى: شينجياڭ گازەتى    2019-02-06 11:56:58  
  شينحۋا اگەنتتىگىنىڭ 2 - ايدىڭ 4 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 4 - كۇنى سۋدان رەسپۋبليكاسىنىڭ زۇڭتۇڭى باشيرمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن قۇتتىقتادى. 
  شي جينپيڭ قۇتتىقتاۋ تەلەگرامماسىندا مىنالاردى اتاپ كورسەتتى: سۋدان جاڭا جۇڭگومەن ەڭ ەرتەدە ديپلوماتيالىق قارىم - قاتىناس ورناتقان افريكا ەلدەرىنىڭ ءبىرى. ديپلوماتيالىق قارىم - قاتىناس ورناتقان 60 جىلدان بەرى، ەكى ەلدىڭ قارىم - قاتىناسى باستان - اياق اقاۋسىز، ورنىقتى دامىپ، ءار سالاداعى سەلبەستىك مول جەتىستىككە جەتىپ، 2015 - جىلى جۇڭگو مەن سۋدان ستراتەگيالىق سەرىكتەستىك قارىم - قاتىناس ورناتتى. مەن بۇعان ريزامىن. مەن جۇڭگو مەن سۋدان قارىم - قاتىناسىنىڭ دامۋىنا ايرىقشا ءمان بەرەمىن، سىزبەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن وراي ەتىپ، «ءبىر بەلدەۋ، ءبىر جولدى» بىرگە قۇرۋ اياسىندا ءتۇرلى سەلبەستىكتەردى تەرەڭدەتىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار باس قوسۋىنىڭ جەتىستىكتەرىن تياناقتاندىرىپ، جۇڭگو مەن سۋداننىڭ ستراتەگيالىق سەرىكتەستىك قارىم - قاتىناسىن ىلگەرىلەتىپ، تىڭ، اناعۇرلىم زور دامۋعا ۇزدىكسىز قول جەتكىزۋدى قالايمىن. 
  باشير قۇتتىقتاۋ تەلەگرامماسىندا مىنالاردى ءبىلدىردى: سۋدان مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى تەرەڭ تاريحي ماڭىز الاتىن كەلەلى ءىس. 60 جىلدان بەرى، سۋدان مەن جۇڭگونىڭ ەكى جاقتى قارىم - قاتىناسى ءتۇرلى سالادا ورنىقتى دامىدى. سۋدان ەكى ەلدىڭ دوستىعى مەن سەلبەستىگىن ۇزدىكسىز كۇشەيتۋدى، ادامزاتتىڭ تاعدىرلاس ورتاق تۇلعاسى ۇستانىمىنا ءۇن قوسۋدى، «ءبىر بەلدەۋ، ءبىر جول» قۇرىلىسىنا بەلسەنە ات سالىسۋدى، سۋدان مەن جۇڭگونىڭ ستراتەگيالىق سەرىكتەستىك قارىم - قاتىناسىنىڭ اناعۇرلىم جوعارى دەڭگەيگە قاراي دامۋىن ىلگەرىلەتۋدى قالايدى. 
  سول كۇنى مەملەكەتتىك كەڭەستىڭ زۇڭليى لي كىچياڭ مەن سۋدان زۇڭليى مۇتاز دا ءوزارا قۇتتىقتاۋ تەلەگرامماسىن جولدادى. لي كىچياڭ قۇتتىقتاۋ تەلەگرامماسىندا بىلاي دەدى: جۇڭگو جۇڭگو - سۋدان قارىم - قاتىناسىنىڭ دامۋىنا ايرىقشا ءمان بەرەدى، سۋدان ۇكىمەتىمەن قول ۇستاسا قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن جاڭا باستاما ەتىپ، ءتۇرلى سالاداعى ءوزارا ءتيىمدى سەلبەستىكتى كەڭەيتۋدى، تەرەڭدەتۋدى، ەكى ەل حالقىنىڭ ىرىس - قۇتىن ۇزدىكسىز مولايتۋدى قالايدى. مۇتاز قۇتتىقتاۋ تەلەگرامماسىندا مىنالاردى ءبىلدىردى: ديپلوماتيالىق قارىم - قاتىناس ورناتقاندىعىمىزدىڭ 60 جىلدىعى سۋدان مەن جۇڭگونىڭ قارىم - قاتىناس تاريحىنىڭ ماڭىزدى بەلەسى، سۋدان جۇڭگومەن بىرگە قۇلشىنىپ، سۋدان مەن جۇڭگونىڭ ءوزارا ءتيىمدى سەلبەستىگىن ۇزدىكسىز تەرەڭدەتۋدى، سۋدان مەن جۇڭگونىڭ ءداستۇرلى دوستىعىنىڭ ۇزدىكسىز دامۋىن ىلگەرىلەتۋدى، ەكى ەل حالقىن باقىتقا كەنەلتۋدى قالايدى. 

بەرىپ كەت ورامالىڭدى

دوستار

الىستاعى اق ەركە