جاڭا حابارلار

2019 - جىلعى كوكتەم مەرەكەسىن توپتىق قۇتتىقتاۋ جينالىسىندا سويلەنگەن ءسوز

    كەلۋ قاينارى: شينجياڭ گازەتى    2019-02-06 00:02:49  

(2019 - جىلى 2 - ايدىڭ 3 - كۇنى)
شي جينپيڭ
 


 
جولداستار، دوستار:  ءبىز ەگىنشىلىك كالەندارى بويىنشا دوڭىز جىلىن قارسى العالى وتىرمىز. بۇگىن ءبىز ءبىر اراعا باس قوسىپ، دوستىقتى اڭگىمەلەپ، مەملەكەت ءىسىن تىلگە تيەك ەتىپ، ەسكى جىلعا قوش ايتىپ، جاڭا جىلدى قارسى الىپ وتىرعانىمىزعا ايرىقشا قۋانىشتامىز. 

 مەن، ەڭ اۋەلى، پارتيا ورتالىق كوميتەتى مەن مەملەكەتتىك كەڭەس اتىنان كوپشىلىككە مەرەكەلىك ىزگى تىلەك تىلەيمىن! بۇكىل ەلدەگى ءار ۇلت حالقىنىڭ، شياڭگاڭ ەرەكشە اكىمشىلىك رايونىنداعى باۋىرلاستاردىڭ، اۋمىن ەرەكشە اكىمشىلىك رايونىنداعى باۋىرلاستاردىڭ، تايۋاندىق باۋىرلاستاردىڭ جانە شەتەلدەگى چياۋمين باۋىرلاستاردىڭ مەرەكەسىن قۇتتىقتايمىن! كوپشىلىكتىڭ كوكتەم مەرەكەلەرىنىڭ كوڭىلدى بولۋىن تىلەيمىن!  جازدا ءسانىن، كۇزدە ءدانىن كورسەتەتىن مول ءونىم جىلى. وتكەن ءبىر جىلدا ءبىز العا باسۋ جولىندا ەكپىندەي ىلگەرىلەپ، كوپتەگەن تار جول، تايعاق كەشۋلەردەن ءوتىپ، قيىن - قىستاۋ اسۋلاردان اسىپ، وتە جاپا شەكتىك ءارى وتە تولىسا تۇستىك، قاجىرلى ەڭبەك ەتتىك، سونىڭ ەسەسىنە تابىسقا دا قول جەتكىزدىك. ەلىمىزدىڭ ەكونوميكاسى ورنىقتىلىق بارىسىندا ىلگەرىلەدى، رەفورما جاساۋدا، ەسىك اشۋدا جاڭا قادام تاستالدى، ءۇش ۇلكەن قامال الۋ شايقاسى پارمەندى ىلگەرىلەپ، نەگىزدىك قۇرىلعى قۇرىلىسى مەن عىلىم - تەحنيكادا جاڭالىق اشۋدا قوماقتى تابىسقا قول جەتتى. كەدەيلىكتەن ارىلتۋدان قامال الۋدىڭ ونىمدىلىگى كورنەكتى بولدى، حالىق تۇرمىسىنا قاتىستى ىستەر جەدەل دامىدى، مەملەكەت قورعانىسى جانە ارميا رەفورماسى ۇزدىكسىز تەرەڭدەدى، شياڭگاڭنىڭ، اۋمىننىڭ گۇلدەنىپ - كوركەيگەن ورنىقتى جاعدايى ساقتالدى، جۇڭگوشا ءىرى ەل ديپلوماتياسىندا جاڭا ءورىس اشىلدى، پارتيانى جاپپاي قاتاڭ جونگە سالۋ تەرەڭدەي ىلگەرىلەپ، قوعامدىق جالپى جاعدايدىڭ ورنىقتىلىعى ساقتالىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ءۇرتىس كۇشەيىپ، پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ تاماشا باستاماسى ىسكە اسىرىلدى. اسىرەسە، ءبىز رەفورما جاساعان، ەسىك اشقان 40 جىلدى سالتاناتپەن تويلاپ، جاڭا داۋىردە رەفورما جاساۋعا، ەسىك اشۋعا قايتادان اتتانىسقا كەلۋ بۇيرىعىن ءتۇسىرىپ، رەفورما جاساۋدى، ەسىك اشۋدى سوڭىنا دەيىن جۇرگىزۋگە قۇدىرەتتى كۇش ۇيىستىردىق. ءبىزدىڭ پارتيامىز، ءبىزدىڭ مەملەكەتىمىز، ءبىزدىڭ حالقىمىز كۇرەس جاساۋ بارىسىندا اناعۇرلىم كوپ سەنىم مەن باتىلدىققا يە بولىپ، «قوس 100 جىلدىق» كۇرەس نىساناسىن جۇزەگە اسىرۋدىڭ داڭعىل جولىمەن اناعۇرلىم مىزعىماس، اناعۇرلىم اسقاق ارىنمەن ءجۇرىپ كەلەدى! 

 بيىلعى جاڭا جىلعا ارناۋ سوزىمدە، حالىق − ءبىزدىڭ بيلىك جۇرگىزۋىمىزدەگى ەڭ ۇلكەن كۇش دەدىم. پارتيا مەن مەملەكەت ىستەرىنىڭ دامۋىنداعى بارلىق ناتيجەلەر حالىققا ءتان. ءبىز تەك حالىققا بەرىك سۇيەنسەك بولعانى، جەڭبەيتىن قيىنشىلىق، كەدەرگى بولماق ەمەس، ورىندالمايتىن ايبىندى ۇلى ءىس بولماق ەمەس.  

 جولداستار، دوستار!   كوكتەم مەرەكەسى كونە جىلدى اتتاندىرىپ، جاڭا جىلدى قارسى الاتىن ءساليحالى ءسات، ادامدارعا ىلعي دا جاڭا ءۇمىت الا كەلەدى. بيىل ءبىز جاڭا جۇڭگو قۇرىلعاندىعىنىڭ 70 جىلدىعىن قارسى الامىز. جاڭا ساپاردا جاڭا دامۋ ورايى بولادى، سونداي - اق جاڭا قاتەرلەر مەن سىن - سايىستارعا دا ءدوپ كەلەمىز. ءبىز جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىنان جازباي، جوعارى ساپالى دامۋدى ىلگەرىلەتۋگە تاباندى بولىپ، ءۇش ۇلكەن قامال الۋ شايقاسىن ۇزدىكىسىز ويداعىداي جۇرگىزىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس جوسپارلاپ ىلگەرىلەتىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتىپ، ەكونوميكانىڭ ۇزدىكسىز اقاۋسىز دامۋىن جانە قوعامدىق جالپى جاعدايدىڭ ورنىقتىلىعىن ساقتاپ، جاپپاي دوڭگەلەك داۋلەتتى قوعام ورناتۋدى ورىنداۋعا شەشۋشى نەگىز قالاپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سۇبەلى ناتيجەلەرمەن قۇتتىقتاۋىمىز كەرەك.   جولداستار، دوستار! 

 ەسكى جىلدى اتتاندىرىپ، جاڭا جىلمەن قاۋىشايىق جامىراپ، كوكتەم كەشىن وتكىزەيىك شات - شادىمان جادىراپ. ءبىر جىل قاربالاس بولعان ءبىر وتباسىنداعىلار بىرگە وتىرىپ، جاڭا جىلعا قاراعان ءتۇن تاماعىنان قۇزىرلانىپ، جاڭا جىلدى بىرگە كۇتىپ الادى، بۇل وتباسىنىڭ شاتتىعى، تۇرمىستىڭ ءلاززاتى. وتباسىنا قايىرلى بولۋ، وتانعا ماڭگى ادال بولۋ − جۇڭحۋا ۇلتىنىڭ تاماشا ءداستۇرى. مەملەكەت گۇلدەنبەسە، دامىماسا، وتباسىنىڭ باقىتتى، شادىمان تۇرمىسى دا بولمايدى. وسىعان ۇقساس، مىڭداعان، 10 مىڭداعان وتباسى باقىتتى، شادىمان بولماسا، مەملەكەتتىڭ گۇلدەنۋى، دامۋى دا بولماق ەمەس. ءبىز تۇتاس قوعامدا وتباسى - وتان سۇيىسپەنشىلىگىن كۇش سالا اسقاقتاتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، وتانشىلدىق، كوللەكتيۆشىلدىك، سوتسياليستىك رۋحتى ساۋلەلەندىرىپ، وتباسىن ءسۇيۋ مەن وتاندى ءسۇيۋدىڭ بىرلىگىن دارىپتەپ، ءاربىر ادامدى، ءاربىر وتباسىن جۇڭحۋا ۇلتى ۇلى شاڭىراعى ءۇشىن ۇلەس قوساتىن ەتۋىمىز كەرەك.  

 بۇرىنعىلار «بارلىق تاربيەنىڭ باسى قايىرىمدىلىقتان كەلەدى» دەيدى. ەجەلدەن بەرى، جۇڭگولىقتار قارتتاردى قادىرلەپ، تۋىستارىن ايالاۋدى دارىپتەپ كەلەدى، ءوز قارتىن قادىرلەۋدى، وزگەنىڭ قارتىن دا ارداقتاۋدى، ءوز ۇرپاعىن قادىرلەۋدى، وزگەنىڭ ۇرپاعىن دا ايالاۋدى دارىپتەيدى. ەلىمىز الدەقاشان قارتتانۋ قوعامىنا اياق باستى. قارتتاردىڭ قارتايعاندا كۇتىمدەلەتىن ورنى بولۋى، قارتايعاندا سۇيەنىشى بولۋى، قارتايعاندا كورەتىن قىزىعى بولۋى، قارتايعاندا الاڭسىز ءومىر كەشىرە الۋى قوعام جاراسىمدىلىعىنا، ورنىقتىلىعىنا سايادى. ءبىز بۇكىل قوعامدا قارتتاردى قۇرمەتتەۋدى، قارتتاردى ايالاۋدى، قارتتاردى باعىپ - قاعۋدى كۇش سالا دارىپتەپ، قارتتار ىستەرىن كۇش سالا دامىتىپ، بارلىق قارتتاردىڭ باقىتتى، شات - شادىمان تۇرمىس كەشۋىنە مۇمكىندىك تۋدىرۋىمىز كەرەك. 

 جولداستار، دوستار!  جۇڭگونىڭ ءداستۇرلى مادەنيەتىندە دوڭىز التى جانۋاردىڭ تورەسى، دوڭىز جىلى اۋا رايىنىڭ جانعا جايلى بولاتىنىنان، استىقتان مول ءونىم الۋدان، تۇلىكتەر مىڭعىرىپ وسەتىنىنەن دەرەك بەرەدى. ەڭبەگى باردىڭ ونبەگى بار. قاجىرلى دا ەرجۇرەك جۇڭگو حالقىنىڭ تۇرمىسى، ءسوز جوق، كۇننەن - كۇنگە وتتاي لاۋلايدى! ۇلى وتانىمىزدىڭ بولاشاعى، ءسوز جوق، نۇرلى بولا تۇسەدى!  بۇكىل پارتيا، بۇكىل ارميا، بۇكىل ەلدەگى ءار ۇلت حالقى جۇڭگو كوممۋنيستىك پارتياسىنىڭ پارمەندى باسشىلىعىندا، ءبىر نيەت، ءبىر تىلەكپەن ءورىس اشا العا ۇمتىلىپ، قاجىرلى ەڭبەكتەرى ارقىلى جۇڭگو حالقىنىڭ تاماشا تۇرمىسىن جاراتىپ، جۇڭحۋا ۇلتىنىڭ كوركەم بولاشاعىن جاراتىپ، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن بىرگە قۇرۋ كەرەك.   سوڭىندا كوپشىلىكتىڭ دەنساۋلىقتارىنىڭ مىقتى، قىزمەتتەرىنىڭ تابىستى، وتباسىلارىنىڭ باقىتتى، ىستەرىنىڭ ءساتتى بولۋىن تىلەيمىن!  (شينحۋا اگەنتتىگىنىڭ 2 - ايدىڭ 3 - كۇنى بەيجيڭنەن بەرگەن حابارى)


بەرىپ كەت ورامالىڭدى

دوستار

الىستاعى اق ەركە