جاڭا حابارلار

ومىرشەڭدىك كۇشى وشپەگەن، دامىلسىز شايقاسقان جاۋجۇرەك لياندۇي ـــــ ليۋلاۋجۋاڭ ليانى

    كەلۋ قاينارى: شينجياڭ حالىق راديو ىستانسياسى    2019-02-07 11:45:57  
جاڭا 4-ارميا 3-شىسى 7-لۇيى 19-تۋانى 4-ليانى سوعىستىق ەڭبەگى ەلەۋلى جاۋجۇرەك لياندۇي. ليانجاڭى باي سىساي جياڭشيلىق، 16 جاسىندا، قىزىل ارمياعا كىرىپ، ۇزاق جورىققا قاتىناسىپ، بۇكىل ەلىمىزدەگى جاپون شاپقىنشىلارىنا قارسى سوعىستىڭ العاشقى مەزگىلىندە، پيڭشيڭگۋان شايقاسىنا قاتىناسقان، ەرجۇرەك سوعىسقا شەبەر قولباسشى سانالادى. ساياسي جەتەكشىسى لي يۇنپىڭ جياڭسۋدىڭ پەيشيان اۋدانىنىڭ ادامى، كەزىندە يان-ءان جاپون شاپقىنشىلارىنا قارسى اسكەري ساياسي داشۋەسىندە وقىعان، تالاي قىرعىن سوعىستىڭ سىنىنان وتكەن ساياسي قىزمەت كادرى. 4-لياننىڭ ءبانجاڭ، ءپايجاڭدارىنىڭ جانە جاۋىنگەرلەرىنىڭ باسىم كوبى ەلىمىز بويىنشا جاپون شاپقىنشىلارىنا قارسى تۇرۋ سوعىسى تۋىلعاننان كەيىن ارمياعا كىرگەن كەدەي ديحاندار، ساياسي ساپاسى جوعارى، ۇزاق مەرزىمدىك جاۋعا قارسى كۇرەستە قايىسپاس سايىسۋ ستيلىن، بەرىك شايقاسۋ جىگەرى مەن جەتىك سايىسۋ ونەرىن جەتىلدىرگەن.
1943-جىلى كوكتەمدە، جۇڭگوعا شاپقىنشلىق جاساعان جاپون ارمياسى جياڭسۋدىڭ سولتۇستىك بولەگىندەگى حۋايحاي جاپون شاپقىنشىلارىنا قارسى تۇرۋ بازاسىنا كەڭ كولەمدى جان تۇرشىگەرلىك «الاستاۋ» جۇرگىزەدى. 3-ايدىڭ 17-كۇنى، جاپون قۋىرشاق ارمياسىنان مىڭنان استام ادام نەشەگە ءبولىنىپ، ليۋتاڭحى وزەنىنىڭ سولتۇستىك جاعالاۋىندا تۇراتىن حۋايحاي رايوندىق پارتيا، ۇكىمەت باسشىلىق ورگانىن قورشاۋعا الادى. 4-لياننىڭ ليانجاڭى باي سىساي، ساياسي جەتەكشى لي يۇنپىڭنىڭ باستاۋىندا، ءار قايسى جاقتاعى دۇشپانداردى ەرلىكپەن توسىپ، حۋايحاي رايوندىق پارتيا، ۇكىمەت ورگانىنىڭ باسقا جەرگە حاۋىپسىز جەتۋىن قورعايدى. وسىدان كەيىن، جاپون قۋىرشاق ارمياسى ەكىنشى رەتكى بىرلەسىپ قورشاۋىن جۇرگىزىپ، 4-ليان مەن جاپون قۋىرشاق ارمياسى حۋايياڭنىڭ سولتۇستىگىندەگى لاۋجاڭجي، جۋدۋجۋاڭ وڭىرلەرىندە جولىعىپ قالادى. جارىم كۇن قيان-كەسكى سايىسىپ، تۇتاس ليان قاس قارايعان كەزدە قورشاۋدى تاعى دا بۇزىپ، لاۋجاڭجيدىڭ باتىس سولتۇستىگىندەگى ليۋلاۋجۋاڭ رايونىنا بارادى. 3-ايدىڭ 18-كۇنى، جاپون قۋىرشاق ارمياسى ءۇشىنشى رەتكى بىرلەسىپ قورشاۋىن جۇرگىزىپ، 4-ليان بۇيرىق بويىنشا قورعانۋدى ۇيىمداستىرىپ، جاپون قاۋىرشاق ارمياسىنىڭ شابۋىلىنا ەرلىكپەن قارسى شابۋىل جاساپ، نەگىزگى اسكەري ءبولىم مەن پارتيا، ۇكىمەت ورگانىنىڭ باسقا جەرگە حاۋىپسىز جەتۋىنە مۇمكىندىك جاسايدى، الايدا تۇتاس ليان جاپون قۋىرشاق ارمياسىنىڭ قات-قابات قورشاۋىندا قالادى.
تالاي رەت قورشاۋدى بۇزباقشى بولعانىمەن، بارلىعى ءساتسىز بولىپ، 4-ليان تۇرعان ورنىن قورعاۋ بەكىمىنە كەلەدى. جاپون قۋىرشاق ارمياسى زەڭبىرەك وعىن توپەپ، 4-لياننىڭ شەبىن ويرانداۋ سيپاتتى بومبىلايدى ءارى ۇلكەن اترەتتىڭ اتتى اسكەرلەرىمەن شابۋىلدايدى. 4-لياننىڭ وفيتسەرلەر مەن اسكەرلەرى كۇشتى جاۋ الدىندا، تاباندىلىقتى ساقتاپ، قۇربان بەرۋدەن قورىقپاي، قاندى سوعىس جۇرگىزىپ، جاپون قۋىرشاق ارمياسىنىڭ 5 رەتكى شابۋىلىن ارت-ارتىنان شەگىندىرىپ، جاپون قۋىرشاق ارمياسىنان جۇزدەن استام ادامدى اتىپ ءولتىرىپ، ىمىرتقا دەيىن ماشاقاتتى شايقاسىپ، سوڭىندا قالىڭ جاۋدى بوگەي الماي، تۇتاس لياننىڭ وق ءدارىسى جانە ازىعى تاۋىسىلىپ، تۇگەلدەي ەرلىكپەن قۇربان بولادى.
جاڭا 4-ارميا 3-شىسى 7-لۇيى 4-لياننىڭ جاۋجۇرەك باتىرلىعىن ماداقتاپ سيلاۋ ءۇشىن، 4-ليانعا «ليۋلاۋجۋاڭ ليانى» دەگەن ات بەرەدى.

بەرىپ كەت ورامالىڭدى

دوستار

الىستاعى اق ەركە