جاڭا حابارلار

جاپون شاپقىنشىلارىنا قارسى سوعىستاعى ايتۋلى قولباسشى ــ تيان شوۋياۋ

    كەلۋ قاينارى: شينجياڭ حالىق راديو ىستانسياسى    2019-02-08 13:10:10  
تيان شوۋياۋدىڭ اۋەلگى اتى تيان زولۇڭ، 1915-جىلى انحۇي ولكەسىنىڭ ليۋ-ءان اۋدانى شين-ءان-جي قالاشىعىندا دۇنيەگە كەلگەن، 1932-جىلى جۇڭگو كوممۋنيستىك پارتياسىنا مۇشە بولعان. 1935-جىلى 4-ايدا، تيان شوۋياۋ ج ك پ حۋبەي ـ حىنان-شانشي ولكەلىك كوميتەتتىڭ تۇراقتى مۇشەسى بولىپ، حۋبەي-حىنان-شانشي توڭكەرىستىك رايونىن قۇرۋ كۇرەسىنە قاتىناسقان.
1937-جىلى بۇكىل ەل كولەمىندە جاپون شاپقىنشىلارىنا قارسى سوعىس باستالعاننان كەيىن، تيان شوۋياۋ 8-ارميانىڭ 115-شىسى 344-لۇيى 687-تۋانىنىڭ ورىنباسار تۋانجاڭى مىندەتىنە تاعايىندالىپ، پيڭشيڭگۋان شايقاسىنا قاتىناسقان، سوعىستا جارالانعاندىعى سەبەپتى، زۋزادا جاتىپ سوعىسقا قولباسشىلىق ەتكەن. 1938-جىلى كوكتەمدە، تيان شوۋياۋ سانشيدىڭ شىعىس وڭتۇستىگىندەگى «توعىز باعىتتاعى قورشاپ جويۋعا» قارسى تۇرۋ كۇرەسىنە، جاڭديانداعى (张店) تورۋىلداپ سوققى بەرۋ شايقاسىنا قاتىناسىپ، اسكەري قوسىنعا قولباسشىلىق ەتىپ، باتىلدىقپەن شەبەر شايقاس جاساپ، تورۋىلداپ سوققى بەرۋ مىندەتىن ويداعىداي ورىنداعان.
1941-جىلى وڭتۇستىك انحۇي وقيعاسىنان كەيىن، تيان شوۋياۋ جاڭا 4-ارميانىڭ 3-شىسى 8-لۇيىنىڭ باستىعى مىندەتىنە تاعايىندالىپ، قوسىندى باستاپ، جياڭسۋدىڭ يان-كاڭ وڭىرىندە پارتيزاندىق سوعىس جۇرگىزىپ، تەڭىز قاراقشىلارىنا، باندىلارعا جانە قۋرشاق ارمياعا تالاي رەت سوققى بەرگەن.
1943-جىلى 3-ايدىڭ 17-كۇنى، تيان شوۋياۋ جياڭسۋ ولكەسى گان-يۇي اۋدانى جيۋلي اۋىلىنىڭ شياۋ شادۇڭ تەڭىز ايدىنىندا جاپون ارمياسىنىڭ شولعىنشى كەمەسىنە جولىعىپ قالىپ، جاۋمەن قيان كەسكى شايقاسادى، سوعىستا اياعىنا وق تيىپ جارالانسادا، شايقاستى تاباندىلىقپەن جالعاستىرادى. ىلە-شالا كەسكىن شارا قولدانىپ، كوپشىلىكتىڭ جاعاعا شىعۋىنا قولباسشىلىق ەتەدى، ءارى اۋىر جارالانعان دەنەسىن سۇيرەتىپ جۇرىپ، جولداستارعا جول اشىپ، سوڭىندا نە ءبارى 28 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە