جاڭا حابارلار

وڭتۇستىك جياڭسۋداعى جاپون شاپقىنشىلارىنا قارسى سوعىس بازاسىنداعى ايەل قاھارمان- سۇن شياۋمي

    كەلۋ قاينارى: شينجياڭ حالىق راديو ىستانسياسى    2019-02-09 10:59:20  

 اتالعان ايداردا، «وڭتۇستىك جياڭسۋداعى جاپون شاپقىنشىلارىنا قارسى سوعىس بازاسىنداعى ايەل قاھارمان- سۇن شياۋميمەن (孙晓梅) » تانىساسىزدار:        سۇن شياۋمي، ايەل،  1914- جىلى  جىجياڭ ولكەسى فۋياڭ رايونى لۇڭمىن قالاشىعىندا دۇنيەگە كەلگەن. 1940- جىلى جۇڭگو كوممۋنيستىك پارتياسىنا مۇشە بولعان.      1941- جىلى 10- ايدا، سۇن شياۋمي بۇيرىق بويىنشا ج ك پ چاڭجياڭ قىزمەت كوميتەتىنە اۋىسىپ، چاڭجياڭ قىزمەت كوميتەتى مەن لۋبەي ەرەكشە كوميتەتى اراسىنداعى ساياسي قاتىناس قىزمەتىنە جاۋاپتى بولادى. ول ساپتاستارىمەن بىرگە ۇنەمى اۋىل- قىستاق ايەلى، ايەل ساۋداگەر بەينەسىندە جاسانىپ،   قۇرساۋلانعان شەپتى كەسىپ ءوتىپ، جاۋ ارمياسى باسىپ العان رايونداردا كىرىپ- شىعىپ، قۇجات جەتكىزىپ، جاۋدىڭ جاعدايى جونىندەگى ينفورماتسيالاردى جيناپ، كادرلاردى قورعاپ جەتكىزىپ، ٴءدارى- دارمەك جانە اسكەري كەرەك- جاراق سياقتىلاردى ساتىپ الدى، وسىلايشا ول ءٴار رەتكى مىندەتتى ايتارلىقتاي ورىندايدى.   1943- جىلى جاپون قۋىرشاق ارمياسى «اۋىلدى الاستاۋ» قيمىلىن قۇتىرىنا جۇرگىزە باستايدى. 4- ايدىڭ 27- كۇنى، سۇن شياۋمي پارتيانىڭ ٴءبىر توپ كادرىن قورعاپ، چاڭجياڭنان وتكىزىپ سولتۇستىككە جەتكىزىپ بازاعا قايتا ورالعان جولىندا، جاپونيا ارمياسىنىڭ جاندارىم اسكەرلەرى جاعىنان قولدى بولادى. جاپونيا ارمياسىنىڭ جاندارىم اسكەرلەرى الدىمەن جۇمساقتاپ، ونى تىزە بۇگۋگە شىرعالايدى، ارتىنان اۋىر جازا قولدانادى جانە ٴءولىم ارقىلى سەس كورسەتىپ، ونىڭ اۋزىنان وڭتۇستىك جياڭسۋداعى جاڭا 4- ارميانىڭ قيمىل جاعدايىن بىلمەك بولادى. سۇن شياۋمي اجال القىمداعان ساتتە دە تىزە بۇكپەي، جاۋعا نالەت جاۋدىرادى. 1943- جىلى 5- ايدىڭ باسىندا، جاپون قاراقشىلارى ونى راقىمسىزدىقپەن ولتىرەدى، سۇن شياۋمي ەلى ٴءۇشىن ەرلىكپەن قۇربان بولادى، سول كەزدە ول نە ءبارى 29 جاستا عانا ەدى.


بەرىپ كەت ورامالىڭدى

دوستار

الىستاعى اق ەركە