جاڭا حابارلار

رايونىمىزدىڭ تاس جول، تەمىر جول، حالىقتىق اۆياتسيا تاراۋلارى شاعان مەرەكەسىنىڭ دەمالىسىندا قايتقان جولاۋشىلاردىڭ كوبەيگەن كەزىنە بەلسەنە توتەپ بەردى

    كەلۋ قاينارى: شينجياڭ حالىق راديو ىستانسياسى    2019-02-11 10:49:47  
ستانسيامىزدىڭ ءتىلشىسى ايبىنعازى راحمان ۇلىنىڭ حابارى: 2-ايدىڭ 10-كۇنى شاعان مەرەكەسى دەمالىسىنىڭ ەڭ سوڭعى كۇنى، رايونىمىزدىڭ تاس جول، تەمىر جول، حالىقتىق اۆياتسيا تاراۋلارى بەلسەنە توتەپ بەردى.
2-ايدىڭ 10-كۇنى شاعان دەمالىسىنىڭ سوڭعى كۇنى، ءۇرىمجى پويەز ۆاگزالىندا قايتقان جولاۋشىلار وتە كوپ بولدى. ءۇرىمجى پويەز ۆاگزالى جولاۋشىلاردىڭ كوپ بولاتىن مەزگىلىنە، پويەز رەتىنە جانە ۋاقىت بولەگىنە ساي كەزەكشىلەردى ورنالاستىرۋدى كەمەلدەندىردى، سونىمەن بىرگە، ەرىكتىلەردى ويداعىداي قىزمەت وتەۋگە ورنالاستىردى. ءۇرىمجى پويەز ۆاگزالىنىڭ كەزەكشىسى چىن بين بىلاي دەدى: «2-ايدىڭ 8-كۇنىنەن باستاپ، 8-، 9-، 10-، 11-، 12-، 13-، 14-، 15-كۇندەرى جولاۋشىلاردىڭ كوپتەپ قايتاتىن مەزگىلى، ءبىر ساعات ايالدايتىن جولاۋشىلاردىڭ پويەز ۆاگزالىنىڭ شىعار اۋزىنان شىعۋىنىڭ قاجەتى جوق، پويەز اۋىستىرۋعا ارنالعان پويەز كۇتۋ وڭىرىندە پويەزدى كۇتۋىنە بولادى، ءبىز قايناعان سۋ دايىنداپ، جولاۋشىلاردىڭ پويەزدى جەدەل اۋىستىرۋىنا كومەكتەسەمىز».
2-ايدىڭ 9-كۇنى تۇستەن كەيىننەن 10-كۇنىنە دەيىن، تۇتاس شينجياڭداعى جوعارى قارقىندى تاس جولداردا قايتقان جولاۋشىلار كوپ بولدى، قايتقان اۆتوكولىكتەردىڭ ەڭ شوعىرلانعان ۋاقىتى 2-ايدىڭ 9-كۇنى تۇستەن كەيىن جانە 10-كۇنى تۇتاس كۇن بولدى. بۇل جونىندە، اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتىنىڭ جوعارى دارەجەلى تاس جول تارماق اترەتى جوعارى قارقىندى تاس جولداعى ءار ءبىر ايقاسپالى كوپىرگە، اقى الۋ پۋنكتىنە، قىزمەت وتەۋ وڭىرىنە كەزەكشى حالىق ساقشىسىن، ءار جول بولەكتەرىنە 15 تە 20 كيلومەتر سايىن توسالعىنى تازالاۋ اۆتكولىگىن ورنالاستىرۋ ارقىلى شىرعالاڭ تۋىلعان جەردى جەدەل ءبىر جايلى ەتۋگە قولايلىلىق جاسادى. ءۇرىمجى حالىقارالىق اۋەجايىندا 2-ايدىڭ 10-كۇنى قايتقان جولاۋشىلار كوپ بولدى، تۇتاس كۇندە 502 رەت كەزەكشى ۇشاق قاتىناپ، 2-ايدىڭ 9-كۇنىمەن سالىستىرعاندا ۇشىپ-قونعان كەزەكشى ۇشاقتان 14 ى كوبەيدى. شينجياڭ اۋەجاي توبى ءۇرىمجى بولىمشە سەرىكتەستىگى قاتىناۋ ىستەرى قولباسشىلىق ورتالىعىنىڭ قىزمەتكەرى گو جيڭ بىلاي دەدى: «جولاۋشىلاردىڭ اناعۇرلىم ىركىلىسسىز ساپارلاۋىنا قولايلىق جاساۋ ءۇشىن، جەر بەتى قامتاماسىزداندىرۋ ورنى جولاۋشى كوپ مەزگىلدە ۇستەمەلەپ ىستەيتىن قىزمەتكەرلەردى ازىرلەپ، كەزەكشى ۇشاق نەمەسە حاۋىپسىزدىك تەكسەرۋ ارناسىن كوبەيتىپ، جولاۋشىلاردىڭ قاتارعا تۇرۋ ءجايىتىن ازايتتى. تاڭەرتەڭ-كەشتەگى جولاۋشى كوپ مەزگىلدە جۇرەتىندەرگە سايكەستى اۋەجاي عيماراتىنا مەرىزىمىنەن بۇرىن بارۋدى ەسكەرتەمىز».

بەرىپ كەت ورامالىڭدى

دوستار

الىستاعى اق ەركە