جاڭا حابارلار

ني گوگۋ شينجياڭنىڭ دامۋ وزگەرىسىن قالامىمەن قاعازعا ءتۇسىردى

    كەلۋ قاينارى: شينجياڭ حالىق راديو ىستانسياسى    2019-02-11 11:06:10  
ستانسيامىزدىڭ ءتىلشىسى ديڭ شياۋدان مەن پراكتيكانت ءتىلشىس لي ۋيدىڭ حابارى: «ءۇرىمجىنى تەز سىزۋ» اتىنداعى ۇستىندە سۋرەت سىزۋدى ۇيىمداستىرۋشى ني گوگۋ 倪国固 شينجياڭنىڭ تابيعات كورىنىسىن، گۋمانيتارلىق بەينەسىن سۋرەت قالامىمەن قاعازعا ءتۇسىرىپ، شينجياڭنىڭ دامۋ وزگەرىسىن بەينەلەدى. ونىڭ تۋىندىلارى مەكروبلوگ، ءۇنحاتتىڭ الەۋمەتتىك ءنومىرى سياقتى توراپ تەكشەلەرىنە جاريالانعاننان كەيىن، كوپتەگەن توراپتاس كوركەم شينجياڭعا نازارى اۋىپ، شينجياڭدى كوكسەيتىن بولدى.
شاعان كەزىندە، ءۇرىمجى قالاسىنىڭ ۇلكەندى-كىشىلى كوشەلەرى قويۋ مەرەكەلىك تۇسكە ەندى. ني گوگۋ سۋرەت قالامىن، بوياۋىن جانە سۋرەت قاعازىن تاعى قولىنا الىپ كوكونىس بازارىنا، باقشاعا، ساۋدا وڭىرىنە جانە قالا ماڭىنا بارىپ، قارىنداشپەن سۋرەتتىڭ نوبايىن سالىپ، قالاممەن العاشقى نۇسقاسىن سىزىپ، سۋ بوياۋمەن وعان رەڭ بەرىپ، 15 مينۋتقا جەتپەيتىن ۋاقىتتا ءار ۇلت بۇقاراسىنىڭ شاعان مەرەكەسىن قۋانىشپەن قارسى العان سۋ بوياۋلى تەز سىزبا سۋرەتتى سىزىپ شىقتى. تارتىمدى سىزۋ ءتاسىلى، وبىرازدى بەرىلگەن بوياۋ، تاماشا بەينە كىسىنى تاڭ قالدىرادى. ني گوگۋ بىلاي دەدى: «تاياۋدان بەرى نەگىزىنەن شينجياڭنىڭ شاعان مەرەكەسىن، ءۇرىمجىنىڭ شاعانعا ارنالعان كەرەك-جاراق جارمەنكەسىن، بەييۋانچۇن تولايىم ساتۋ بازارىن سۋرەتكە سالدىم».
بيىل 48 جاستاعى ني گوگۋ شاڭحايدا جوبالاۋ قىزمەتىمەن 14 جىل شۇعىلدانعان، اۋىلعا دەگەن ساعىنىشىنىڭ جەتەگىندە، 2017-جىلدىڭ سوڭىندا، جوعارى ەڭبەكالى قىزمەتىن تاستاپ، تۋعان جەرى ۇرىمجىگە ورالادى. اۋىلىنداعى زور وزگەرىس ونى وسى وزگەرىستەردى سۋرەت قالامىمەن ەستەلىككە الۋعا باستايدى. ني گوگۋ بىلاي دەدى: «مەن شينجياڭدا تۋىپ-وسكەنمىن، شينجياڭ دەسە جۇرەگىم ەلجىرەپ تۇرادى. كەيبىر سۋرەت كورمەلەرىندە شينجياڭدى تاقىرىپ ەتكەن تۋىندىلار نەداۋىر كوپ، وسىندايدا، سۋرەت سالايىن دەسەم وراي بولمادى. شينجياڭعا قايتىپ كەلىپ، شيداچياۋدا تۇرىپ جۇردەك اۆتوبوزدى، تاعى شينجياڭنىڭ تۇنگى كورىنىسىن كورگەندە، ەرەكشە كوركەم سەزىلدى».
سونىمەن، ني گوگۋ ۋاقىتى بولا قالسا بولعانى، ۆەلوسيپەتكە ءمىنىپ، سۋرەت سىزاتىن جابدىقتارىن الىپ ۇلكەندى-كىشىلى كوشەلەردى ارالايتىن بولدى. جول شەتىندەگى ساۋداگەرلەر، دۋماندى بازار، كوشە شەتىندە قاتارعا ءتىزىلىپ ءمانتى الىپ جاتقان قالا تۇرعىندارى تۇگەلدەي ني گوگۋدىڭ جاسامپازدىق جاراتۋىنىڭ العاشقى ماتەريالىنا اينالدى. تيانشان بوعدا كولى، قاشقار بايىرعى قالاسى، كۋسان بايىرعى قالاسى سياقتى كورىنستەر مەن ايگىلى ورىندار دا ونىڭ تۋىندىسىنىڭ كەيىپكەرى بولىپ شىعا كەلدى. ءبىر جىلدان ارتىق ۋاقىتتان بەرى، ني گوگۋ ۆەلوسيپەتپەن مىڭ كيلومەتردەن ارتىق جول باسىپ، كوركەم شينجياڭدى بەينەلەيتىن 200 دىڭ ۇستىندە سۋرەت تۋىندىسىن دۇنيەگە اكەلدى، ول ءار ءبىر سۋرەت تۋىندىسىنا جاسامپازدىق تاڭباسىن قالدىرىپ، ودان كەيىن ونى مەكروبلوگ پەن ءۇنحاتتىڭ الەۋمەتتىك نومىرىنە جاريالاپ، باسقالارمەن ورتاقتاستى. تۋىندىلارى جاريالانعاننان كەيىن، ەلىمىزدىڭ جەر-جەرىندەگى توراپتاستار ونىڭ تۋىندىسىن القاپ جانە جالعاپ تاراتۋمەن بىرگە، ءارى «قالاداعى تەز سىزۋشىلار» اتىنداعى ۇستىندە سۋرەت سالۋ ۇيىمىنىڭ نازارىن اۋداردى. ولار ني گوگۋدى «ءۇرىمجىنى تەز سىزۋ» اتىنداعى ۇستىندە سۋرەت سالۋ ۇيىمىن قۇرۋعا ۇسىنىس ەتتى. 2018-جىلى 12-ايدا، ني گوگۋ «ءۇرىمجىنى تەز سىزۋ» اتىنداعى ۇستىندە سۋرەت سالۋ ۇيىمىن قۇردى، قازىرگە دەيىن ءۇرىمجى قالاسىنداعى 30 نەشە سۋرەت اۋەسكەرى وسى ۇيىمعا كىرىپ، كوركەم شينجياڭدى ۇگىتتەيتىن، تانىستىراتىن بولدى. ني گوگۋ بىلاي دەدى: «شينجياڭ ادامدار اڭساپ تۇراتىن جەر، سۋرەت سالۋعا، ماتەريال توپتاۋعا وتە لايىق كەلەدى. مەن تاعى ›كوركەم شينجياڭدى قولمەن سىزۋدى ‹ارقاۋ ەتىپ، جۇرە ءجۇرىپ سىزىپ، قۇندى ماتەريالداردى، اناعۇرلىم شىنايى، قاراپايىم، كوركەم دۇنيەلەردى تابامىن. قۇلشىنىسىم ارقىلى اناعۇرلىم كوپ ادامنىڭ شينجياڭدى تۇسىنۋىنە، شينجياڭدى قىزۋ سۇيۋىنە مۇمكىندىك جاسايمىن».

بەرىپ كەت ورامالىڭدى

دوستار

الىستاعى اق ەركە