جاڭا حابارلار

قاتىناس ساقشىلارى شاعان دەمالىسىندا جۇمىس ورىندارىنان تاپجىلمادى

    كەلۋ قاينارى: شينجياڭ حالىق راديو ىستانسياسى    2019-02-11 11:07:11  
ستانسيامىزدىڭ پراكتيكانت ءتىلشىسى لي ۋيدىڭ حابارى: شاعان مەرەكەسى كەزىندە، باسىم كوپ ادام باس قوسىپ، وتباسىنداعىلارمەن قۋانىشتى شاقتاردى وتكىزىپ جاتقاندا، ءبىر توپ ادام ءار ۇلت بۇقاراسىنىڭ تۋىسشىلاۋ، ساپارعا شىعۋ، سەيىلدەۋ بارىسىنداعى اماندىعىن قامتاماسىزداندىرۋ ءۇشىن، جۇمىس ورىندارىنان تاپجىلمادى، مىنە بۇلار قاتىناس ساقشىلارى ەدى. بيىل شاعاندا، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى تيانشان رايوندىق قاتىناس ساقشى ۇلكەن اترەتى شينحۋا كوشەسى ورتا اترەتىنىڭ حالىق ساقشىسى اليجان ءانۋار باياعىسىنشا قىزمەتتەستەرىمەن بىرگە قاتىناستىڭءبىرىنشى شەبىنەن تاپجىلمادى، ونىڭ شاعان مەرەكەسىندە دەمالماعانىنا ءۇرتىس 11 جىل بولدى.
2-ايدىڭ 9-كۇنى كەشكى ساعات 7 جارىمدا، ءۇرىمجى قالاسىنىڭ حالىق كوشەسى مەن وڭتۇستىك شينحۋا كوشەسىنىڭ تۇيىلىسكەن جول ايرىعىندا، اۆتوكولىكتەر قايشالىسادى. ءاليجان ءانۋار ۇستىنە سارى جاسىل ءتۇستى جارىق شاعىلىستىرعىش ساقشى كيىمىن كيىپ، اۆتوكولىكتەر كوپ جۇرەتىن كەزدە مىندەت اتقاردى، ول جالعاستى 11 ساعات قىزمەت ىستەدى. اليجان ءانۋار بىلاي دەدى: «تاڭەرتەڭ ساعات 8 جارىمدا جۇمىس ورنىمىزدا دايىن بولامىز، كەشكى ساعات 8 جارىمدا اۆتوكولىكتەر سايابىرلاعاندا ۇيگە قايتىپ، تاماق ىشەمىز».
بيىل ءاليجان ءانۋاردىڭ قاتىناس ساقشىسى قىزمەتىمەن شۇعىلدانعان 11-جىلى، ءارى شاعاندا جۇمىس ورنىندا تاپجىلماي ىستەگەن 11-جىلى. ونىڭ قىزمەت ءوڭىرى ۇرىمجى قالاسىنداعى ەڭ دۋماندى ساۋدا كوشەسى اۋماعى، اۆتوكولىك وتە كوپ جۇرەدى، اليجان ءانۋار مەن قىزمەتتەستەرىنىڭ شاعان كەزىندە بوساڭسۋىنا مۇلدە بولمايدى. ول بىلاي دەدى: «قاتىناس شىرعالاڭى تۋىلسا ءبىر جاقتىلى ەتەمىز. تاعى شيداچياۋدىڭ ماڭىنداعى جول بولەگىن شارلايمىز، بەلگىلەمەگە قايشى اۆتوكولىك توقتاتۋ، نەمەسە حاۋىپسىزدىك جاقتا كومەسكى كىنارات ورىن تەبۋ ماسەلەلەرىنىڭ بار-جوقتىعىن تۇگەلدەي تەكسەرىپ، كورىپ شىعامىز».
كەشكى ساعات 8 جارىمدا، اۆتوكولىكتەردىڭ كوپ بولاتىن كەزىندەگى مىندەت اتقارۋ قىزمەتى اياقتاپ، ءاليجان ءانۋار ساقشى ورنىنا قايتىپ، كەشكى تاماعىن ءىشتى، ول اراسىندا ۋاقىت شىعارىپ، قول تەلەفونىنىڭ ءۇنحاتىن اشىپ، حوتان ايماعىنىڭ شەريا اۋدانىنداعى ايەلىمەن جانە ەكى بالاسىمەن كەسكىن ارقىلى تىلدەستى.
ـــ ۇلىم، تاماق جەدىڭ بە؟
ـــ جەدىم.
ـــ نە تاماق جەدىڭ؟
ـــ كاۋاپ جەدىم.
ءاليجان ءانۋاردىڭ ايەلى شەريا اۋداندىق بازار باقىلاۋ-باسقارۋ مەكەمەسىندە قىزمەت ىستەيدى، شاعان كەزىندە ول دا كەزەكشىلىك ىستەيتىندىكتەن، ەرلى-زايىپتى ەكەۋىنىڭ باس قوسۋى مۇمكىن ەمەس ەدى. سوندىقتان، ءار كۇنى كەشكى تاماق ۋاقىتى ءاليجان ءانۋاردىڭ ايەلىمەن، بالالارىمەن شۇيىركەلەسەتىن ءساتى. اليجان ءانۋار بىلاي دەدى: «ءۇيدى ساعىنبايمىن دەگەنىم وتىرىك، الايدا قاتىناس حالىق ساقشىسى تۇرعىسىنان، جولدىڭ ىركىلىسسىزدىگى تاعى دا بىزگە سۇيەنەدى، ءوز ۋاقتىمىزدى راسىندا قيۋىمىزعا تۋرا كەلەدى».
كەشكى ساعات 10 دا، ءاليجان ءانۋار كەشكى جول حاۋىپسىزدىگىن تەكسەرۋ قىزمەتىن تاعى باستادى، تۇنگى قىزمەتتى ەرتەسى تاڭعى ساعات 2 گە دەيىن جالعاستىرادى. ءاليجان ءانۋار تىلشىگە بىلاي دەدى: «شاعان كەزىندە قىزمەت ىستەپ جاتقاندا، كەيبىر بۇقارا ءبىزدىڭ مىندەت اتقارىپ جاتقان تۇيىننەن ءوتىپ بارا جاتىپ، بىزگە ›جاڭا جىلدارىڭ قۇتتى بولسىن ‹دەگەنى بىزگە ەرەكشە جىلى ەستىلەدى. بۇقارانىڭ ءجۇرىپ-تۇرۋىنىڭ ىركىلىسسىز بولعانىن، شاعان مەرەكەسىن كوڭىلدى، قۋانىشتى وتكىزگەنىن كورىپ بىزدە ەرەكشە قۋانامىز».

بەرىپ كەت ورامالىڭدى

دوستار

الىستاعى اق ەركە