جاڭا حابارلار

ولسەدە تۇتقىن بولماعان ــــ زىڭ رىن-ۋىن

    كەلۋ قاينارى: شينجياڭ حالىق راديو ىستانسياسى    2019-02-11 11:07:52  
زىڭ رىن-ۋىن، 1906-جىلى 12-ايدا جياڭشي ولكەسى جيشۇي اۋدانىنىڭ بادۋ قالاشىعى ءلانحۋا قىستاعىندا دۇنيەگە كەلگەن. 1927-جىلى، ديقاندار قوزعالىسىنا قاتىناسقان، سول جىلى جۇڭگو كوممۋنيستىك جاستار وداعىنا، 1932-جىلى جۇڭگو كوممۋنيستىك پارتياسىنا مۇشە بولعان. 1933-جىلدان كەيىن، جياڭشي پارتيزاندار باس اترەتىنىڭ ساياسي كوميسسارى، قىزىل ارميا 8-جۇنتۋانى 23-شى تۋانىنىڭ ساياسي كوميسسارى مىندەتىن اتقارىپ، ورتالىق توڭكەرىستىك بازانىڭ تالاي رەتكى «قورشاپ جويۋعا» قارسى تۇرۋىنا قاتىناسقان.
1934-جىلى 10-ايدا، زىڭ رىن-ۋىن ورتالىق قىزىل ارميانىڭ ۇزاق جورىعىنا قاتىناسقان. زۇن-ي ماجىلىسىنەن كەيىن، ورتالىق توڭكەرىستىك اسكەري ىستەر كوميتەتى قابىلداۋ اترەتىنىڭ ساياسي كوميسسارى بولعان. قىزىل ارميا شانشيدىڭ سولتۇستىگىنە جەتكەننەن كەيىن، زىڭ رىن-ۋىن 1-باعىت قىزىل ارمياسى قورعاۋشىلار مەكەمەسى بارلاۋ گرۋپپاسىنىڭ باستىعى، باتىس باعىت ارمياعا كومەكتەسۋ قورعاۋ ءبولىمىنىڭ باستىعى سياقتى مىندەتتەردى اتقارعان.
1937-جىلى مەملەكەت كولەمىندە جاپون شاپقىنشىلارىنا قارسى سوعىس تۋىلعاننان كەيىن، زىڭ رىن-ۋىن 8-ارميا اسكەري پۋنكت ءبولىمى دانيڭ اسكەري پۋنكتىنىڭ ارناۋلى ۋاكىلى مىندەتىن اتقارعان. سول جىلى 12-ايدا، 8-ارميانىڭ ءتاي-يۋاندا تۇراتىن ءىس باسقارماسى ساياسي ءبولىمى قورعاۋشىلار ءبولىمىنىڭ باستىعى بولعان.
1940-جىلى كۇزدە، جاڭا قاتىناس لەنياسىن اشۋ ءۇشىن، ورتا سانشي تارماق اترەتى (ياعني تۇڭپۋ اسكەري پۋنكتى) قۇرىلادى. تارماق اترەتتىڭ باستىعى، قوسىمشا ساياسي كوميسسارى مىندەتىن اتقارعان زىڭ رىن-ۋىن ورتا سانشي تارماق اترەتىن كوپ وتپەي سوعىس جۇرگىزۋگە شەبەر، ءارى بۇقارالىق قىزمەتتى ىستەي الاتىن ەرەكشە قوسىن ەتىپ تاربيەلەپ شىعادى. وسى ەرەكشە قوسىن ارى-بەرى وتكەن باسشىلار مەن اسكەري كەرەك-جاراق بۇيىمدارىن سىرتقا تاسۋدى قورعاۋدان سىرت، تاعى شاعىن بولىمشە اترەت، قارۋلى قىزمەت قوسىنىن كوپ رەت ۇيىمداستىرىپ، جاپون قۋىرشاق ارمياسىنا شابۋىل جاساپ، ىرگەلەس اسكەري بولىمدەرگە كومەكتەسەدى.
1942-جىلى كوكتەمدە، زىڭ رىن-ۋىن 8-ارميا باس شتابى ارتقى شەپ ءبولىمىنىڭ اقىلشىلار مەڭگەرۋشىسى مىندەتىن اتقارىپ، ارتقى شەپ ءبولىمىنىڭ باستىعى ياڭ ليساننىڭ جاقسى قولعاناتىنا اينالادى. 1943-جىلى 5-ايدا، ياڭ ليسان مەن ارتقى شەپ ورگانىنىڭ باسقا ورىنعا بارۋىن قورعاۋ ءۇشىن، زىڭ رىن-ۋىن سانشيدىڭ حىشۇنىندا اسكەري بولىمگە قولباسشىلىق ەتىپ، جاپون ارمياسىن توسقاۋىلداپ سوققىلايدى. جاۋدىڭ نەشە رەتكى شابۋىلىن تويتارعاننان كەيىن، وق-دارىلەرى تاۋسىلعاندىقتان، زىڭ رىن-ۋىن مەن 10 نەشە جاۋىنگەر جارتاستان سەكىرىپ، 37 جاسىندا ەرلىكپەن قۇربان بولادى.

بەرىپ كەت ورامالىڭدى

دوستار

الىستاعى اق ەركە