جاڭا حابارلار

ەگىنشى-مالشىلاردىڭ شەبەرلىك دەڭگەيى ءونىمدى جوعارىلادى

    كەلۋ قاينارى: شينجياڭ حالىق راديو ىستانسياسى    2019-02-11 11:22:54  
قۇمىل راديو ستانسياسىنىڭ تىلشىلەرى ديڭ ليڭليڭ، گو زى-ي، دۇڭ جيفاڭداردىڭ حابارى: قۇمىل قالاسى 2019-جىلى قىس ماۋسىمىندا «ساپانى جوعارىلاتۋ، ونەرگە جەتىلدىرۋ، كوركەيتۋدى جەبەۋ» اتىنداعى كاسىپتىك ونەرگە تاربيەلەۋ-باۋلۋ قيمىلىن باستاعاننان بەرى، ەگىنشى-مالشىلاردىڭ شەبەرلىك دەڭگەيى ءونىمدى جوعارىلادى.
«الدىمەن شايىر اعۋ دەرتىن ايتساق، ورىك اعاشىندا شايىر اعۋ دەرتى ءىس جۇزىندە ءار جىلى كۇزدە تۋىلادى...»
شاعاننىڭ الدىندا، جۇڭگو اۋىل شارۋاشىلىق عىلىم اكادەمياسى جىڭجوۋ جەمىس اعاشتارىن زەرتتەۋ ورنىنىڭ اعا زەرتتەۋشىسى حۋ ميڭيۇي قۇمىل قالاسى ەۋىرعول رايونى باتىس تاۋ اۋىلى باعبانشىلىق قىستاعىنا ارناۋلى بارىپ، جەمىس اعاشىن ەگەتىن ديحاندارعا ءجۇزىم ەگۋ، دەرت-دەربەزدەن ساقتانۋ سياقتى جاقتاعى تەحنيكا تەتىكتەرىن ۇيرەتتى.
باتىس تاۋ اۋىلىنىڭ تاراتي قىستاعى تاۋلى رايونعا ورنالاسقان، وندا، ورىك، جاڭعاق، الما سياقتى جەمىس اعاشتارى نەگىز ەتىلەدى. باتىس تاۋ اۋىلى باعبانشىلىق الاڭىنىڭ ديحانى ۋاڭ فۋلين بىلاي دەدى: «بۇرىن، تىڭايتقىشتى قالاي بەرۋدى بىلمەيتىنبىز، ءوز بىلگەنىمىزشە تىڭايتقىش بەرەتىنبىز. حۋ ميڭيۇيدىڭ لەكسياسىن تىڭداعاننان كەيىن، جەمىس اعاشىن عىلمي جولمەن باپتاپ، كىرىسىمىزدى ارتتىرۋ كەرەكتىگىن تانىپ جەتتىك».
وسى رەتكى لەكسيانى قۇمىل قالالىق ديحانداردى تەحنيكالىق كاسىپتىك ونەرگە تاربيەلەۋ مەكتەبى ۇيىمداستىرعان. جىل باسىنان بەرى، بۇل مەكتەپ ءتۇرلى لەكسيادان 15 رەت وتكىزىپ، ەگىنشى-مالشىلاردان مىڭ ادام رەتكە تاياۋ تاربيەلەدى. قۇمىل قالالىق ديحانداردى تەحنيكالىق كاسىپتىك ونەرگە تاربيەلەۋ مەكتەبىنىڭ باستىعى جاڭ ي بىلاي دەدى: «قازىرگى تەكسەرۋ جاعدايىنان قاراعاندا، تاربيەلەۋ ارقىلى ەگىنشى-مالشىلار ۇنەمى كەزدەسەتىن دەرت-دەربەزدەن جانە زياندى جاندىك لاڭىنان ساقتانۋ جانە ونى وڭاۋ ءادىستەرىن، توپىراقتىڭ قۇرامىن ولشەپ تىڭايتقىش بەرۋدى جانە اتىز-ارىق باسقارۋ شارالارىن نەگىزىنەن مەڭگەرگەن. الداعى جەردە، ءبىز مامانداردى ساباقتى ويداعىداي دايىنداۋعا جۇمىلدىرىپ، اتىز باسىنا بارىپ ەگىنشى-مالشىلارعا تەحنيكانى قولما-قول ۇيرەتۋگە ۇزدىكسىز ۇيىمداستىرامىز، سونىمەن بىرگە اۋىل شاۋاشىلىعى وندىرىسىنە جەتەكشىلىك ەتىپ، قۇمىل قالاسىنىڭ اۋىل شارۋاشىلىعىنىڭ دامۋىن شامامىزدىڭ كەلىسىنشە اناعۇرلىم ويداعىداي قولدايمىز».
ۇعىسۋعا قاراعاندا، 2019-جىلى قۇمىل قالاسى قىس ماۋسىمىنداعى ديحانداردى كاسىپتىك ونەرگە تاربيەلەۋ بارىسىندا تاعى ۇلتتار ىنتىماعى، ورتتەن ساقتانۋ سياقتى بىلىمدەردى ساباق مازمۇنىنا كىرگىزگەن. قازىرگە دەيىن، قۇمىل قالاسىندا ءار دارەجەلى ءتۇرلى تاربيەلەۋگە قاتىناسقاندار 3 مىڭ 500 ادام رەتكە جەتكەن.

بەرىپ كەت ورامالىڭدى

دوستار

الىستاعى اق ەركە