جاڭا حابارلار

بۇراتالا وبلىسى شاعان مەرەكەسىندە بۇقاراعا ادەبيەت-كوركەمونەر ويىندارىن قويىپ بەردى

    كەلۋ قاينارى: شينجياڭ حالىق راديو ىستانسياسى    2019-02-11 11:26:25  
بۇراتالا راديو ستانسياسىنىڭ تىلشىلەرى حۋاڭ گىنشي، چىڭ دۇيليڭ، جاڭ شياۋحۇيلاردىڭ حابارى: بۇراتالا وبلىسى «ءبىزدىڭ جۇڭگو ارمانىمىز، مادەنيەتتى بارلىق وتباسىنا جەتكىزۋ» قيمىلىن باستاپ، شاعان مەرەكەسىندە بۇقاراعا ادەبيەت-كوركەمونەر ويىندارىن قويىپ بەردى.
«جاڭا جىلدارىڭ قۇتتى، ىستەرىڭ تابىستى بولسىن».
شاعان مەرەكەسى كەزىندە، بۇراتالا قالاسى شويىڭپان قالاشىعى تاۋىن حامار ادىرىق قىستاعىنىڭ مادەنيەت قيمىل ۇيىندە، بۇراتالا وبلىستىق مادەنيەت سارايىنىڭ ارتيستەرى موڭعۇلشا ءبي، ءان ايتۋ سياقتى 10 نەشە نومەردى ورىنداپ، قىستاق تۇرعىندارى دۋ قول شاپاق سوقتى. قيمىل ورنىندا، بۇراتالا وبلىستىق حاتكەرلىك-سۋرەت ورنىنىڭ وقىتۋشىلارى سەپپە سۋرەت سىزىپ، شاعان بوساعالىعىن جازىپ، قىستاق تۇرعىنداردىڭ شاعان مەرەكەسىنە قۇتتى بولسىن ايتتى. قىستاق تۇرعىنى سۋ جىچيڭ بىلاي دەدى: «بۇراتالا وبلىسىنىڭ ادەبيەت-كوركەمونەردى وتباسىنا جەتكىزۋ قيمىلى قسىتاعىمىزدا ورىستەتىلىپ، باي مازمۇندى ادەبيەت-كوركەمونەر ويىندارىن قويدى، جادىراپ قالدىق، كوركەمونەر ويىندارىن كورگەن سايىن كورگىمىز كەلدى، وتە تارتىمدى ەكەن».
بۇراتالا قالاسىنداعى قوعامدىق امبەباپ يگىلىك ورنىندا بۇراتالا وبلىستىق مادەنيەت سارايىنىڭ ارتيستەرى 90 نەشە قارتقا ويىن قويىپ بەرىپ، ىزگى تىلەكتەرىن ءبىلدىردى. 74 جاستاعى شۋە فۋگو قارت اسەرلى سەزىممەن بىلاي دەدى: وتباسى مەيىرىنە بولەنگەندەي بولدىق، ەرەكشە قۋانىشتامىن. قارتتار ءار كۇنى وسىنداي باقىتتى تۇرمىس كەشىرۋدەمىز، پارتيانىڭ تاماشا ساياساتىنا العىسىمىز شەكسىز.
ۇعىسۋعا قاراعاندا، «ءبىزدىڭ جۇڭگو ارمانىمىز، مادەنيەتتى بارلىق وتباسىنا جەتكىزۋ» قيمىلى باستالعاننان بەرى، بۇراتالا وبلىسى 6 شاعىن ۇيىرمەنى الەۋمەتتىك اۋماققا، قىستاق، اترەتتەرگە بارىپ بۇقاراعا تارتىمدى مادەنيەت ويىندارىن قويۋعا ۇيىمداستىرعان. بۇراتالا وبلىستىق مادەنيەت سارايىنىڭ كادرى فۋ جينحۇڭ بىلاي دەدى: «بۇراتالا وبلىستىق مادەنيەت سارايى شاعان مەرەكەسىنەن بۇرىن جانە كەيىن نەگىزگى ساتىلارعا بارىپ 20 كەزەك ويىن قويادى، بۇقارا قۋانا ەستىپ، ۇناتا كورەتىن ويىن نومەرلەرى مەن ءان-ءبي نومەرلەرى ارقىلى پارتيانىڭ ءۇنىن نەگىزگى ساتىعا جەتكىزىپ، نەگىزگى ساتىداعى بۇقارانىڭ شاعان مەرەكەسىن شات-شادىمان وتكىزۋىنە مۇمكىندىك جاسايدى».

بەرىپ كەت ورامالىڭدى

دوستار

الىستاعى اق ەركە