جاڭا حابارلار

كاسىپتى گۇلدەندىرىپ، ارمانعا قۇلاش سەرمەدى

    كەلۋ قاينارى: شينجياڭ گازەتى    2019-02-11 16:14:55  

 جىل ەسەبى كوكتەمدە. كوكتەم مەرەكەسىنىڭ دەمالىسى اياقتالماي تۇرىپ، رايونىمىزداعى ءار سالا، ءار كاسىپتەگى «ارمانعا قۇلاش سەرمەگەندەر» اتتانىسقا كەلىپ، ءوز قىزمەت ورىندارىندا ۇزدىكسىز قۇلشىنا ءتۇستى. 

 كوكتەم مەرەكەسى كەزىندە قارامايلى شينكى - اۋ مۇناي - تابيعي گاز تەحنيكالىق شەكتى جارنا سەرىكتەستىگىندەگى پارتيالى كادرلار قىزمەت ورىندارىندا باستاماشىلدىقپەن تاباندى بولدى. «كوپشىلىك بارىنشا قۇلشىندى! ءار رەت مەرەكە - مەيرام كەلگەن سايىن، سەرىكتەستىكتەگى پارتيا مۇشەلەرى ىرىقتىلىقپەن ۇستەمە قىزمەت ىستەپ، قىزمەتتىڭ ءبىرىنشى شەبىندە بەرىك تۇرىپ، اتويشى ۇلگىلىك رولدارىن شىن مانىندە ساۋلەلەندىردى»، - دەدى 2 - ايدىڭ 8 - كۇنى وسى سەرىكتەستىكتىڭ پارتكوم شۋجيى، باس ديرەكتور شاۋ يۇي. 

 قارامايلى شينكى - اۋ مۇناي - تابيعي گاز تەحنيكالىق شەكتى جارنا سەرىكتەستىگى مەملەكەت مەنشىگىندەگى كوپتەگەن كاسىپورىنداردان وزگەرتىپ قۇرۋ ارقىلى قالىپتاسقان حالىقتىق كاسىپورىن. 2001 - جىلى 3 - ايدا سەرىكتەستىك پارتيا ۇيىمىن قۇرىپ، پارتيا مۇشەلەرىنىڭ سانىن مولايتىپ، قىزمەتكەرلەردى تىعىز ۇيىستىردى. 

 «بىلتىر 11 - ايدىڭ 1 - كۇنى باس شۋجي شي جينپيڭ حالىقتىق كاسىپورىنداردىڭ اڭگىمە ماجىلىسىندە حالىقتىق كاسىپورىنداردىڭ دامۋىنا، ۇلعايۋىنا زور كۇشپەن قولداۋ كورسەتۋدىڭ 6 جاقتاعى ساياسات - شاراسىن العا قويىپ، حالىقتىق شارۋاشىلىقتىڭ اناعۇرلىم زور دامۋدى جۇزەگە اسىرۋىنا قۇدىرەتتى قوزعاۋشى كۇش قوسىپ، سەرىكتەستىگىمىزدىڭ كەلەشەگىنە دەگەن سەنىمىمىزدى نىعايتتى. <سۋ ىشكەندە قۇدىق قازۋشىنى ۇمىتپا> دەگەندەي، پارتيانىڭ شاپاعاتىن اقتاۋىمىز كەرەك. سەرىكتەستىگىمىز قوعامدىق جاۋاپكەرشىلىكتى اناعۇرلىم ىرىقتىلىقپەن ارقالاپ، بيىل 10 ميلليون يۋانعا جۋىق قارجى قوسىپ، جاسىل مۇناي الابى نىسانىن ورىستەتىپ، ءشول دالاداعى مۇناي الابىندا اعاش ەگىپ، ءشوپ ءوسىرىپ، مۇناي الابىنىڭ ەكولوگيالىق ورتاسىن قورعاۋدى جوسپارلاپ وتىر»، - دەدى شاۋ يۇي. 

 «كوكتەم مەرەكەسى مولشىلىقتىڭ مەرەكەسى، شىحىزىلىقتاردىڭ كوكتەم مەرەكەسىندەگى داستارقانى وتە مول...». 2 - ايدىڭ 8 - كۇنى شىحىزى جوعارى - جاڭا تەحنيكالىق اشۋ رايونىنىڭ ەلەكتروندىق ساۋدا كاسىپ باقشاسىندا شىحىزى قالالىق ۋيشىڭحو مەديا تاراتۋ شەكتى سەرىكتەستىگىنىڭ جاۋاپتىسى شاۋ يانفي كومپيۋتەردە سول كۇنى ۋيچات تۇعىرىندا جاريالاناتىن مازمۇنداردى جىلدام جيناقتاپ جاتتى.  بيىل 29 جاستاعى شاۋ يانفيدى شىحىزىلىقتاردىڭ ءبارى بىلەدى. 2013 - جىلى ول جالعا العان ۇيىندە «شىحىزى ۋيشىڭحو» ۋيچات الەۋمەتتىك تۇعىرىن قۇردى. العاشقى ءبىر ادام، ءبىر قول تەلەفون، ءبىر كومپيۋتەردەن قازىرگى ءبىر سەرىكتەستىك، ءبىر ۇجىم بولعانعا دەيىن، «شىحىزى ۋيشىڭحو» ۋيچات الەۋمەتتىك تۇعىرىنىڭ قولدانۋشىلارى 500 مىڭ ادامنان اسىپ، «شىحىزى شەڭبەرىندە» APPتى ءتۇسىرىپ ورناتقان قولدانۋشىلار قازىرگە دەيىن 50 مىڭنان استى. 

 ءتىلشى «شىحىزى ۋيشىڭحو» ۋيچات الەۋمەتتىك تۇعىرىن اشقاندا، ونىڭ جەرگىلىكتى ورىنداعى دوستاسۋ ينفورماتسياسى، كونە ۇيلەردى ساتۋ - ساتىپ الۋ، جۇمىسقا قابىلداۋ ينفورماتسياسى، اۆتوكولىكتىڭ بەلگىلەمەگە قايشىلىق جاساۋ ينفورماتسياسىن تەكسەرۋ سياقتى يقۋاتتاردى قامتىعان كەشەندى قىزمەت كورسەتۋ تۇعىرى ەكەندىگىن كوردى. «مۇنان كەيىن، <شىحىزى ۋيشىڭحو> سىندى وسى <ەلەكتروندىق تانىسقىدان> پايدالانىپ، شىحىزىنى بۇكىل ەلگە، دۇنيە جۇزىنە تانىستىرامىن»، - دەدى شاۋ يانفي. 

 2 - ايدىڭ 7 - كۇنى تۇستەن بۇرىن ماناس اۋدانى لوتويى قالاشىعى 9922 - توتە قاراستى اترەتىنىڭ 23 جاستاعى تۇرعىنى جاڭ تاۋ ءوز اۋلاسىندا 5 ماستەككە جەم بەردى؛ قامبا جاقتان 3 تاۋىستىڭ داۋىسى ەستىلەدى؛ 10 نەشە شىبار تاۋىق باعىمشىلىق جىلىجايىندا جەم جەپ ءجۇر... 

 ءۇيىنىڭ بۇل كورىنىسىن كورىپ، ول باقىتتى بەينەدە كۇلىمسىرەدى. «اسىلىندە 21 ماستەگىم بار ەدى، بىلتىر ىركەس - تىركەس ساتتىم، ەڭ جاقسى ماستەك 20 مىڭ يۋانعا دەيىن ساتىلدى. قازىر مىنا 5 ماستەك 2 ايدان كەيىن قۇلىندايدى»، - دەدى جاڭ تاۋ. مۇنان سىرت، بىلتىر ءبىر جىلدا ول 7000 شىبار تاۋىق باعىپ، قىس كىرىسىمەن تۇگەلدەي ساتىپ بولىپتى، ەرەكشە باعىمشىلىقتىڭ ارقاسىندا جىلدىق كىرىسى 200 مىڭ يۋانعا تاياپتى. 

 «ماستەك باعىمشىلىعىن سارا ونىمدەندىرىپ دامىتۋ كەرەك، بيىل بيە تۇقىمىنىڭ ساپاسىن جوعارىلاتىپ، ءناسىلىن جاقسارتامىن. مۇنان سىرت، بىرنەشە كۇننەن كەيىن 10 مىڭ شىبار تاۋىق بالاپانىن الامىن. ادام بەكەر قاراپ جۇرمەۋ كەرەك، تەك ۇزدىكسىز قۇلشىنعاندا عانا، ءوز ويلاعانىڭداي تۇرمىسقا قول جەتكىزە الاسىڭ»، - دەدى جاڭ تاۋ . 

 قىستاقتاعى بايۋعا بەتتەۋدىڭ باستاماشىسى رەتىندە، جاڭ تاۋ تىلشىگە: بيىل مەن باعىمشىلىقپەن شۇعىلدانۋدى قالايتىن تۇرعىندارمەن بايلانىس جاساپ، باعىمشىلىق سەلبەستىك كووپەراتيۆىن قۇرىپ، ماستەك، شىبار تاۋىق باعىمشىلىق كولەمىن ۇزدىكسىز كەڭەيتىپ، قىستاق تۇرعىندارىنىڭ دا قالتاسىن قامپايتۋدى ويلاپ ءجۇرمىن، - دەدى. 

 (تىلشىلەرىمىز جاڭ يۇنمەي، جاڭ شيۋ، جاڭ لەي، في شۋان، ەرىكتى ءتىلشى سۇي ۋىنجۋان)


بەرىپ كەت ورامالىڭدى

دوستار

الىستاعى اق ەركە