باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

رايونىمىزدىڭ قاتىناس-تاسىمال قۇرىلىس نىسانىنا جيىنى 138 ميلليارد 700 ميلليون يۋان قارجى قوسىلدى

   2017-10-16 20:40:54     شينجياڭ حالىق راديو ىستانسياسى   
ستانسيامىزدىڭ تىلشىلەرى سۇن ۋي مەن دۋ حاۋدىڭ حابارىن تىڭداڭىزدار: قىركۇيەكتىڭ سوڭىنا دەيىن، رايونىمىزدىڭ قاتىناس-تاسىمال قۇرىلىس نىسانىنا جيىنى 138 ميلليارد 792 ميلليون يۋان قارجى قوسىلىپ، وتكەن تۇتاس جىلداعى قوسىلعان قارجىنىڭ 5.2 ەسەسىندەي بولدى. قازىر، رايونىمىزدىڭ جەر-جەرىندە قاتىناس-تاسىمال قۇرىلىس نىسانى ورنىقتى جۇرگىزىلۋدە، قۇرىلىسشىلار ەرەكشە قىزعىندىلىقپەن پارتيا 19-قۇرىلتايىنىڭ جەڭىسپەن اشىلۋىن قىزۋ قارسى الۋدا.
بىرنەشە كۇننەن بەرى، ءۇرىمجى قالاسىنداعى ءارقايسى مەترو لەنياسى تارتىپپەن قاۋىرت جۇرگىزىلدى. مەترو 4-ءنومىرلى لەنياسىنىڭ العاشقى مەرزىمدىك قۇرىلىسىنىڭ حۋاڭشان كوشەسى بەكەتىنەن سىرتقا باعىتتالعان تاسىمال سەرىكتەستىگى بەكەتىنە دەيىنگى تۇڭعىش نەگىزگى لەنيا تۋنەلىنىڭ باستاپ سالىنۋىنا بايلانىستى، مەترو 4-ءنومىرلى لەنياسى نەگىزگى لەنيا تۋنەلى قۇرىلىسىنا ءوتتى. جۇڭگو قاتىناس-تاسىمال قۇرىلىسى شەكتى جارنا سەرىكتەستىگىنىڭ ءۇرىمجى قالالىق مەترو 4-ءنومىرلى لەنياسىنىڭ 6-بولەكتەگى نىسانىنا جاۋاپتى ورىنباسار مەڭگەرۋشىسى ۋ جيڭۋي، بيىل 18-ناۋرىزدا قۇرىلىس باستالعاننان قازىرگە دەيىن، ءۇرىمجى مەترو 4-ءنومىرلى لەنياسىنىڭ قۇرىلىسىن جۇرگىزگەن جارىم جىلدا قوسىمشا قۇرىلىس جۇمىسىنان نەگىزگى لەنيا تۋنەلى قۇرىلىسىنا وتەۋدەي جوعارى دارەجەلى قىزمەت ونىمدىلىگىنە قول جەتكىزگەندىكتەرىن ايتا كەلىپ: مەرزىم بويىنشا نەگىزگى لەنيا تۋنەلى قۇرىلىسى باستالىپ 1-ءنومىرلى تۋنەلدى 15 مەتر قازعاننان كەيىن، باسقا 7 نەگىزگى لەنيا تۋنەلىنىڭ قۇرىلىس جۇمىسىن دا ىركەس-تىركەس باستايمىز،-دەدى.
بىرنەشە كۇننەن بەرى، بۇراتالا قالاسىنىڭ وڭتۇستىك قالا رايونى مەن اراسان اۋدانى بايگە الاڭىن تۇتاستىراتىن بۇراتالا-اراسان-بايگە الاڭى ولكەلىك تاس جول 304-لەنياسى نىسانىنىڭ قۇرىلىس جۇمىسى ءبىتىپ قالدى. تاس جول تۇتاستىرىلعاننان كەيىن، بۇراتالا قالاسىنان اراسان اۋدانىنا دەيىنگى قوس باعىتتاعى تەز قاتىناۋ ىسكە قوسىلىپ، بۇراتالا قالاسىنان اراسان اۋدانىنا ءبىر ساعاتتا جەتۋگە بولادى. بۇراتالا وبلىستىق قاتىناس-تاسىمال مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى جاڭ مىڭفان بىلاي دەدى: قازىر وسى تاس جولعا بەلگى سىزىعى سىزىلىپ، بەلگى تاقتاسى ورناتىلۋدا، تاس جول ىسكە قوسىلعاننان كەيىن، بۇراتالا وبلىسىنداعى تۇرعىنداردىڭ جانە سىرتتان كەلگەن ساياحاتشىلاردىڭ سىرتقا شىعۋىنا كوپتەگەن تيىمدىلىكتەر اكەلەدى.
اۋىل-قىستاقتاردا، «حالىققا تيىمدىلىك جەتكىزۋ تاس جولى، حالىقتى اۋقاتتاندىرۋ تاس جولى جانە حالىق قالاۋىنان شىعۋ تاس جولى» ەگىنشى-مالشىلاردىڭ وتباسىلارىنا دەيىن جەتكىزىلدى. قۇلجا اۋدانى جەليۇز قالاشىعى حوتان ءمالى قىستاعىنىڭ ديحانى تۇرسىنمامەت ايۋاحۇن، بيىل ءوزىنىڭ 5 مىڭ 800 يۋان اقشا جۇمساپ، ءۇش دوڭگەلەكتى موتوتسيكل ساتىپ العانىن، سىرتقا شىعۋىنا، اۋىل شارۋاشىلىق ونىمدەرىن تاسىمالداۋىنا وتە قولايلى بولعانىن ايتا كەلىپ: بۇرىن قىستاقتاعى جولداردىڭ بارلىعى توپىراق جول ەدى، اسفاليت جول وتباستارىنا، ەگىس اتىزىنا دەيىن جەتكىزىلگەننەن كەيىن، ءۇش دوڭگەلەكتى موتوتسيكل ساتىپ الدىم، سىرتقا شىعۋىما، جۇمىس ىستەۋىمە وتە قولايلى بولدى، وسىنىڭ بارلىعى مەملەكەتتىڭ جاقسى ساياساتىنىڭ ارقاسى،-دەدى.
اۆتونوميالى رايوندىق قاتىناس-تاسىمال مەڭگەرمەسى جوبالاۋ باسقارماسىنىڭ باستىعى سۇن جين، قازىر رايونىمىزداعى 300 مىڭنان ارتىق تاس جول قۇرىلىسشىسىنىڭ وڭتۇستىك، سولتۇستىك شينجياڭنىڭ جەر-جەرىندەگى قۇرىلىس ورىندارىندا تەر توگىپ ەڭبەك ەتىپ، بيىلعى 200 ميلليارد يۋان قارجى قوسىلعان قۇرىلىس مىندەتىن ورىنداۋعا كۇش سالىپ جاتقانىن ايتا كەلىپ: ولار رايونىمىز تاس جول تورابىنىڭ ىركىلىكسىزدەنۋ قۋاتى مەن قىزمەت ەتۋ دەڭگەيىن بارىنشا جوعارلاتىپ، شينجياڭنىڭ باس نىساناسىن ورىنداۋدى پارمەندى قاتىناس-تاسىمال قىزمەتىن كورسەتۋ ارقىلى قامتاماسىز ەتۋگە كۇش سالۋدا،-دەدى.
ءان الەمى

جول توسىلىپ قالدى

تۇلپارىم