باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جاڭا داۋىرگە بولعان ارمان - تىلەگىمىز ارىنداي ءتۇستى

   2017-10-22 18:37:49     شينجياڭ گازەتى   

ءتىلشىمىز ياۋ تۇڭ

شي جينپيڭ جولداس پارتيا 19 - قۇرىلتايىنىڭ بايانداماسىندا بىلاي دەپ اتاپ كورسەتتى: «ۇزاق ۋاقىت قۇلشىنۋ ارقىلى جۇڭگوشا سوتسياليزم جاڭا داۋىرگە ءوتتى، بۇل − ەلىمىز دامۋىنىڭ جاڭا تاريحي بەلەسى».

  پارتيانىڭ 19 - قۇرىلتايىنا قاتىناسقان شينجياڭ ۋاكىلدەرى مىنانى جابال ءبىلدىردى: جاڭا ءداۋىر جاڭا يدەيانى دايەكتىلەندىرەدى، جاڭا بورىش ارقالاتادى، سوڭىندا ءار ادامنىڭ تاباندى قىزمەتىندە تياناقتانادى. ءبىز قايراتتانا ارەكەت ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءوز كۇشىمىزدى قوسۋىمىز كەرەك.
  ۋاكىل چيۋ شۋحۋا: جاڭا داۋىردە اناعۇرلىم قۇدىرەتتى ومىرشەڭدىك كۇشتى ايگىلەيىك
  «پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭگوشا سوتسياليزمنىڭ ۇلى تۋىن بيىك ۇستاپ، رەفورما، دامۋ، ورنىقتىلىق، ىشكى ساياسات، سىرتقى ديپلوماتيا، مەملەكەت قورعانىسى، پارتيانى، مەملەكەتتى، ارميانى جونگە سالۋدىڭ ءار جاقتارىندا تۇگەلدەي جاڭا دا ماڭىزدى تابىستارعا قول جەتكىزدى». بۇراتالا موڭعۇل اۆتونوميالى وبلىستىق پارتكومنىڭ شۋجيى، حالىق قۇرىلتايى تۇراقتى كوميتەتىنىڭ مەڭگەرۋشىسى، ۋاكىل چيۋ شۋحۋا بىلاي دەپ قارادى: 5 جىلدان بەرگى قول جەتكىزگەن تاريحي تابىستار جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى. ول بىلاي دەپ ەسەپتەدى: جۇڭگوشا سوتسياليزمنىڭ كەلەلى تابىستارعا قول جەتكىزۋى تاياۋ زاماننان بەرى ۇزاق ۋاقىت ازاپ شەككەن جۇڭحۋا ۇلتىنىڭ ەڭسە كوتەرۋدەن اۋقاتتانۋعا، قۇدىرەتتەنۋگە دەيىنگى تاريحي شارىقتاعاندىعىن بىلدىرەدى، سوتسياليزمنىڭ جۇڭگوداعى قۇدىرەتتى ومىرشەڭدىك كۇشىن ايگىلەگەندىگىن ءارى دامۋدىڭ جاڭا دەڭگەيىن ۇزدىكسىز اشقاندىعىن بىلدىرەدى، جۇڭگوشا سوتسياليزمنىڭ دامۋ ۇستىندەگى ەلدەردىڭ وسىزاماندانۋعا بەت الۋ جولىن كەڭەيتكەنىن، ادامزاتتىڭ ماسەلەسىن شەشۋگە جۇڭگو پاراساتىن ۇسىنىپ، جۇڭگو جوباسىن ازىرلەگەنىن بىلدىرەدى.
  «جۇڭگو وزگەرۋدە، شينجياڭ وزگەرۋدە، بۇراتالا دا وزگەرۋدە»، - دەدى ۋاكىل چيۋ شۋحۋا. جۇڭگوشا سوتسياليزم جاڭا داۋىرگە كىرگەن شىت جاڭا تاريحي بەلەستە شينجياڭنىڭ دا تاماشا ءۇنى بار. بۇراتالا موڭعۇل اۆتونوميالى وبلىسىنىڭ ورنىقتىلىعى، دامۋى ءۇرتىس جاقسارىپ، قالا، اۋىلدارىنىڭ بەت - بەينەسى شىت جاڭا تۇرگە ەنىپ، ىنتىماق رايى كۇن سايىن قويۋلاسىپ، حالىقتىڭ تۇرمىسى كورنەكتى جاقسارىپ، ءتۇرلى ىستەرى جاپپاي ىلگەرىلەدى.
  ۋاكىل چيۋ شۋحۋا بىلاي دەدى: شينجياڭدا ۇلتتار ىنتىماعىن كۇشەيتۋ اسا ماڭىزدى، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرىككەن دوستىق قيمىلىن ورىستەتۋ ارقىلى ۇلتتاردىڭ ارالاسۋ، ىشتەسۋ، توعىسۋىن ونان ارى جەبەپ، «5 ورتاق تانىمدى» ۇزدىكسىز كۇشەيتىپ، ۇلتتاردىڭ اناردىڭ دانىندەي تىعىز ۇيىسىپ، تىزە قوسا ىنتىماقتاسىپ كۇرەس جۇرگىزۋىن، بىرگە گۇلدەنىپ - دامۋىن جەبەۋ كەرەك.
  ۋاكىل ليۋ جىحۋاي: تۋىمىزدى بيىك ۇستايىق  
  «5 جىلدان بەرگى پارتيا مەن مەملەكەت ىستەرىنىڭ دامۋى ءاربىر جۇڭگولىقتىڭ تۇرمىسىنداعى زور وزگەرىستەردى تۋدىردى، جاڭا ءداۋىر وسىنداي تاريحي جەتىستىكتەردەن تۋىنداعان»، - دەدى قۇمىل كاسىپتىك تەحنيكالىق ينستيتۋتىنىڭ ورىنباسار باستىعى، ۋاكىل ليۋ جىحۋاي.
  شينجياڭعا كومەكتەسۋگە كەلگەن كادر رەتىندە، ۋاكىل ليۋ جىحۋاي 7 جىلدىق شينجياڭعا كومەكتەسۋ بارىسىندا شينجياڭنىڭ دامۋىنا، وزگەرىسىنە كۋا بولدى. ول ىلگەرىندى - كەيىندى قۇمىل كاسىپتىك تەحنيكالىق ينستيتۋتىنىڭ جاڭا مەكتەپ رايونى قۇرىلىسى، مەملەكەتتىك ورتا دارەجەلى كاسىپتىك مەكتەپتەرىن رەفورمالاۋدان، دامىتۋدان ۇلگى كورسەتۋ مەكتەبى قۇرىلىسى، قۇمىل كاسىپتىك تەحنيكالىق ينستيتۋتىن قۇرۋ، حىنان جاراتىلىستىق عىلىمدار ۋنيۆەرسيتەتى مەن قۇمىل كاسىپتىك تەحنيكالىق ينستيتۋتى سەلبەسىپ قۇرعان ەنەرگيا كاسىبىن زەرتتەۋ ورنىن سالۋ سياقتى قىزمەتتەرگە قاتىناستى. قۇمىل كاسىپتىك تەحنيكالىق ينستيتۋتى بۇرىن ويعا الماعان كوپتەگەن ىستەر پارتيانىڭ 18 - قۇرىلتايىنان بەرگى 5 جىلدا ورىندالدى. كەزىندەگى ورتا دارەجەلى كاسىپتىك مەكتەپتەر قازىر مەملەكەت پەن اۆتونوميالى رايوننىڭ رەفورمالاۋدان، دامىتۋدان ۇلگى كورسەتەتىن مەكتەپتەرىنە اينالدى.
  ۋاكىل ليۋ جىحۋاي بىلاي دەدى: جۇڭگو دامۋدا، گۇلدەنىپ - كوركەيۋدە، قۇدىرەتتەنۋدە، ءسوزسىز، شي جينپيڭنىڭ جاڭا داۋىردەگى جۇڭگوشا سوتسياليزم يدەياسىنىڭ ۇلى تۋىن بيىك ۇستاۋ كەرەك.
  ۋاكىل احىمەت مامەت: حالىقتىڭ جاڭا داۋىرگە دەگەن ءۇمىتىن اقتايمىز
  «باس شۋجي شي جينپيڭ جاساعان باياندامانى قۇرىلتايدا بەرىلە تىڭداپ، ايرىقشا اسەرلەندىم، ءبىر جاعىنان، پارتيانىڭ 18 - قۇرىلتايىنان بەرگى ۇدەرە العا تارتقان 5 جىلدا قول جەتكىزگەن شۇعىلالى جەتىستىكتەرگە شەكسىز ءسۇيىنىپ، وتاننىڭ گۇلدەنىپ - كوركەيەتىندىگىن، ۇلتتىڭ قۇدىرەتتەنگەندىگىن بارىنشا ماقتانىش سەزىندىم، ونان دا ماڭىزدىسى، كەلەسى 5 جىلداعى تاماشا جوبادان بارىنشا شابىتتانىپ، جۇڭگوشا سوتسياليزمنىڭ جاڭا داۋىرىنە بولعان ءۇمىتىم ەسەلەپ ارتتى»، - دەدى حوتان ايماقتىق پارتكومنىڭ مۇشەسى، گۇما اۋداندىق پارتكومنىڭ شۋجيى، ۋاكىل احىمەت مامەت.
  ۋاكىل احىمەت مامەت بىلاي دەپ تانىستىردى: وتكەن 5 جىلدا ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق سىندى باس نىسانانى تىعىز ارقاۋ ەتىپ، گۇما اۋدانىنىڭ ەكونوميكالىق، قوعامدىق دامۋىندا ۇدەرە العا تارتىپ، كەنەۋلى وزگەرىستەرگە كەنەلدىك.
  «مەملەكەتىمىز جونىنەن العاندا، جاڭا ءداۋىر ەلىمىزدىڭ ستراتەگيالىق مىندەتتەرى وزگەرگەنىن، دامۋدىڭ كوورديناتاسى العا ىلگەرىلەگەنىن، حالىقارالىق ىقپالى كۇشەيگەنىن بىلدىرەدى. گۇما اۋدانى جونىنەن العاندا، جاڭا ءداۋىر ءبىزدىڭ كەلەشەكتەگى مىندەتىمىزدىڭ ءتىپتى اۋىر ەكەنىن، حالىقتىڭ كەلەشەككە ءتىپتى دە ۇلكەن ءۇمىت ارتىپ وتىرعاندىعىن ايگىلەيدى». ۋاكىل احىمەت مامەت بىلاي دەدى: اۋدانىمىز اۋىر كەدەي وڭىرگە جاتادى، مىندەتىمىز ءتىپتى دە جاپالى، بارىنشا قۇلشىنۋدى قاجەت ەتەدى. «ءبىز، ءسوزسىز، شىنايى ىسكە كىرىسىپ، بىلەك سىبانىپ، اۋدانداعى ءار ۇلت كادر - بۇقارانى باستاپ قۇلشىنا، بەلسەنە ىستەپ، ناق كەدەيلەردى كەدەيلىكتەن قۇتىلدىرىپ، كەدەيلىكتەن ناق قۇتىلدىرىپ، ءسوزسىز، بۇكىل ەلدەگى كەدەيلىكتەن قۇتىلدىرۋدان قامال الۋعا ورالعى بولماي، حالىقتىڭ جاڭا داۋىرگە دەگەن ءۇمىتىن اقتاپ، ءار ۇلت بۇقاراسىنىڭ بۇكىل ەل حالقىمەن بىرگە دوڭگەلەك داۋلەتتى قوعامنىڭ باقىتتى تۇرمىسىنا كەنەلۋىنە كەپىلدىك ەتەمىز».

ءان الەمى

جول توسىلىپ قالدى

تۇلپارىم