جاڭا حابارلار

مەترو 1-نومەرلى لەنياسى الدا جولاۋشى الىپ سىناق رەتىندە قاتىنايدى

   2018-03-28 13:36:09     شينجياڭ حالىق راديو ىستانسياسى   

ستانسيامىزدىڭ حابارى:-3 ايدىڭ-25 كۇنى، ءۇرىمجى مەترو-1 ءنومىرلى لەنياسىنىڭ سولتۇستىك بولەگىندە جانە بالۋ بەكەتىنەن حالىقارالىق اۋەجايعا دەيىنگى بولەگىنە سىناق رەتىندە بوس مەرتو قاتىنادى، 3 اي سىناق رەتىندە قاتىناعاننان كەيىن، ءۇرىمجى مەترو 1-نومەرلى لەنياسىنىڭ سولتۇستىك بولەگىندە 6-ايدىڭ اياق شەنىندە جولاۋشى الىپ سىناق رەتىندە مەترو قاتىنايدى.
گۋدەك شالىنۋمەن بىرگە، اق ءتۇستى، كوك بەلدەۋلى مەترو باييۋانلۋ مەترو بازاسىنان شىعىپ، تۇنەلمەن جەر استىنداعى رەليسكە قاراي ءجۇردى.
تۇنەلگە پويەزدىڭ رەليسىنە ۇقساس ۇزىننان-ۇزاققا سوزىلعان رەليس جاتقىزىلعان. مەترو قۇددى ءبىر ۋاقىت پەن كەڭىسىك تۇنەلىمەن جۇرگەندەي سەزىلەدى، مەترونىڭ قارقىنى تەزدەپ، ەڭ جوعارعى ساعاتتىق جىلدامدىعى 80 كيلومەترگە جەتتى.

مەترو جۇرگىزۋشىسىنىڭ بولمەسىندە، 22 جاستاعى گۋان تيڭجيە ەكى قولىن مەڭگەرۋ اسپابىنا قويىپ، الدىنعى جاققا كوزىن الماي قاراپ تۇر، جۇرگىزۋ تەكشەسى ءتۇرلى تۇستەگى كنۋپكالارعا تولعان. گۋان تيڭجيە بىلتىر شي-ءان تەمىر جول كاسىپتىك تەحنيكالىق ينيستيتۋدىنان وقۋ تاۋىسقان، ءۇرىمجىنىڭ تۇڭعىش توپتاعى توقتام بويىنشا قابىلدانعان مەترو جۇرگىزۋشىسى. گۋان تيڭجيە ۇستازىنىڭ بۇيرىعىن قالت جىبەرمەي اتقاردى.
ءۇرىمجى قالا رەليس توبى تاسىمال تيجاراتى بولىمشە سەرىكتەستىگىنىڭ باس مەڭگەرۋشىسى لي چيڭكاي تانىستىرىپ بىلاي دەدى: سىناق رەتىندە بوس قاتىناتۋداعى ماقساتىمىز مەترو 1-ءنومىرلى لەنياسىنىڭ سولتۇستىك بولەگىندەگى بارلىق جابدىقتىڭ تولىمدى بولعان-بولماعانىن، حاۋىپسىزدىگى قامتاماسىز ەتىلگەن-ەتىلمەگەنىن، تاسىمال تالابىنا ۇيلەسكەن-ۇيلەسپەگەنىن بايقاۋ، سول ارقىلى مەترو 1-ءنومىرلى لەنياسىنىڭ جولاۋشى الىپ سىناق رەتىندە قاتىناعاندا جولاۋشىلاردىڭ ءجۇرىس-تۇرىسىنا حاۋىپسىز، جايلى قىزمەت وتەۋ.
ءۇرىمجى مەترو 1-ءنومىرلى لەنياسىنىڭ تاسىمال جوسپارى بويىنشا،-5 ايدىڭ العاشقى شەنىندە تەمىر جول مەكەمەسى بەكەتىنەن حالىقارالىق اۋەجاي بەكەتىنە دەيىنگى ارالىقتاعى سىناق رەتىندە قاتىناۋ قىزمەتى اياقتايدى، 5-ايدىڭ ورتا شەنىنەن 6 ايدىڭ-25 كۇنىنە دەيىن بالۋ بەكەتىنەن حالىقارالىق اۋەجاي بەكەتىنە دەيىنگى ارالىقتاعى سىناق رەتىندە قاتىناۋ قىزمەتى اياقتايدى. ءبىرىنشى ساتىدا مەترو 1-ءنومىرلى لەنياسىنىڭ سولتۇستىك بولەگىندە ءار كۇنى 36 رەت مەترو قاتىناپ، العاشقى سىناق جۇرگىزىلەدى، ءار 20 مينۋدتا ءبىر مەترو قاتىنايدى، كەيىن بىرتىندەپ 15 مينۋدقا قىسقارتىلادى، سوڭىندا 10 مينۋدتا ءبىر رەت قاتىنايدى. رەسمي قاتىناۋ ۋاقىتى تاياعاندا، قاتىنايتىن مەترونىڭ رەت سانى دا كوبەيتىلەدى.
بەيجيڭ رەليس سەرىكتەستىگى 5-ورتالىعىنىڭ ورىنباسار باس مەڭگەرۋشىسى ليۋ گاڭ تىلشىگە 2017-جىلى 11-ايدىڭ 24-كۇنىنەن بيىل 3-ايدىڭ 24-كۇنىنە دەيىنگى 4 اي ۋاقىتتا، وزدەرىنىڭ ورنالاستىرۋ بويىنشا كوپ ءتۇرلى رەتتەۋ جانە سىناق قىزمەتتەرىن ىستەگەندەرىن ايتا كەلىپ بىلاي دەدى: قازىز سولتۇستىك بولەگىنىڭ حابارلاسۋ، سەگنال رەتتەۋ جانە الدىن الا تەكسەرىپ-وتكىزىپ الۋ جۇمىستارى اياقتادى، قۇم سالىنعان داعار تيەۋ ارقىلى مەترونىڭ كوتەرىمدىلىگىن، ناشار شارت-جاعدايدا ءجۇرۋ، توقتاۋ رولدارىن تەكسەردىك، ناقتىلى تاسىمال تيجاراتى كارتاسىنا نەگىزدەلىپ، ورنىقتىلىق دارەجەسىن تەكسەرىپ، تاجىريبە جاسادىق.


بەرىپ كەت ورامالىڭدى

دوستار

الىستاعى اق ەركە