باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

تەحنيكالىق زەرتتەۋ باسباي قويى شارۋاشىلىعىنىڭ دامۋىن جەبەدى

    كەلۋ قاينارى: شينجياڭ حالىق راديو ىستانسياسى    2013-12-11 10:48:22  
باسباي قويىنىڭ جالپى سانى قازىر، ءبىر ميلليون 200 مىڭ تۇياقتان استى. بازار جاعدايىنان الىپ قاراعاندا، باسباي قويى ەتىنىڭ ءار كيلوگرامى قازىر 100 يۋاننان جوعارى ساتىلۋدا. مۇنىڭ ىشىندە مايى از، قارا كەسەك ەتتى باسباي قويى ەتىنىڭ كيلوگرامى ەڭ تومەن بولعاندا 150 يۋاننان ساتىلادى. كەزەكتە، شينجياڭ يۋەياڭ مال شارۋاشىلىعىن دامىتۋ شەكتى سەرىكتەستىگى، شاعانتوعاي باسباي قويى جاۋاپكەرلىك شەكتى سەرىكتەستىگى، شاعانتوعاي سەرگەي مال شارۋاشىلىق جاۋاپكەرلىك شەكتى سەرىكتەستىگى، شينجياڭ بارلىق مال شارۋاشىلىعى شەكتى سەرىكتەستىگى سياقتى جەرگىلىكتى ورىندا قۇرىلعان كاسىپورىندار ارقىلى باسباي قويىنىڭ ەتى مانەرلەنىپ، نەمەسە، قوراپتالىپ رايونىمىزدان سىرت، شاڭحاي، گۋاڭجۋ، شىنجىن، شاندۇڭ سياقتى دامىعان قالالارعا، ودان ارى مالايزيا سياقتى ەلدەرگە ساتىلۋدا. قازىر باسباي قويى ەتىنە تۇتىنۋشىلاردىڭ سۇرانىسى وتە كۇشتى، مال سانىنىڭ ازدىعى مەن باعىلۋ كولەمىنىڭ شەكتىلىگىنەن بازار قاجەتىن قامداي الماي وتىر، قىسقاسى، باسباي قويى قانشالىق كوبەيسە، بازارى دا سونشالىق جاقسى بولاتىندىعى بارعان سايىن كورنەكتىلەنە باستادى. بۇل مالشىلاردىڭ باسباي قويىن ءوسىرۋ بەلسەندىلىگىن جوعارىلاتىپ قانا قالماستان، مالشىلار كىرىسىن ارتتىرۋعا بەرىك نەگىز قالادى.ۇعىسۋعا قاراعاندا، بيىل شاعانتوعاي اۋدانىندا كولەمى 500 مۋ، قورا-قالىتقى كولەمى 5 مىڭ شارشى مەتر باسباي قويىن ءوسىرۋ بازاسى جاڭادان وندىرىسكە قوسىلعان. بۇل بازادا قازىر 2 مىڭ تۇياقتان استام تازا قاندى باسباي قويى بار، كەلەشەكتە، 15 مىڭ تۇياققا جەتكىزۋ جوسپارلانىپ وتىر. ال، شاعانتوعاي باسباي قويىن ءوسىرۋ ورتالىعى دا باسباي قويىن عىلمي جولمەن ءوسىرىپ ءارى بازارعا سالىپ وتىر. شاعانتوعاي اۋدانىندا ۇكىمەت قارماعىنداعى باسباي قويى بازاسىنىڭ ءوزى قازىر ەكى ورىندا. بۇدان سىرت، جەكەلەر يەلىگىندەگى بىرنەشە بازا قۇرىلۋ ۇستىندە. كەلەشەكتە، شاعانتوعاي اۋدانىن اسىل تۇقىمدى باسباي قويىن جەتىلدىرەتىن، سىرتقا شىعاراتىن بازاعا، ايماقتىڭ باسقا اۋداندارىن مولايتىپ ءوسىرۋ بازاسىنا اينالدىرۋ نىساناسى تارباعاتاي ايماعىنىڭ الداعى ۇزاق مەرزىمدى جوسپارىنا ەندى. «مەملەكەتتىك ەتتى قوي وندىرىستىك جۇيەسىن قۇرۋ»، «باسباي قويىن ءوسىرۋدىڭ جاڭا جۇيەسىن قالىپتاستىرۋ» سياقتى نىسانداردىڭ اتقارىلۋى، سونداي-اق، باسباي قويىنىڭ ساپاسىن جاقسارتۋعا قاتىستى تەحنيكا، تۇقىم قۋالاۋ تۇقىمىن اسىلداندىرۋ تەحنيكاسى، وسىزاماندانعان باعىمشىلىق تەحنيكاسى سياقتى جاڭا تەحنيكالاردىڭ قولدانىلۋى جانە ءار دارەجەلى قازىنا ورىندارىنىڭ باسباي قويىن ءوسىرۋ، تۇقىمىن اسىلداندىرۋ ءۇشىن قوسقان قارجىلارى باسباي قويى شارۋاشىلىعىنىڭ قارىشتاي دامۋىنا سارا جول اشتى.
ءان الەمى

جول توسىلىپ قالدى

تۇلپارىم