باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

اق ونىمدەرىمىزدىڭ بازارداعى حالى قالاي؟

    كەلۋ قاينارى: شينجياڭ حالىق راديو ىستانسياسى    2016-04-21 19:39:21  

اۆتورى: ساتەش ايتكەن قىزى

اق ۇعىمى-حالقىمىز تۇرمىس-تىرشىلىگىنىڭ ءتۇپ تامىرى، مادەنيەتىنىڭ مايەگى، ۇلتتىق سالت-ءداستوردىڭ جالعاسۋى سانالاتىن كيەلى ۇعىمنىڭ ءبىرى. حالقىمىز، اق باتا، اق شاشۋ، اق كوڭىل، اق شاي سياقتى ۇعىمدار ارقىلى اق ۇعىمىن سانا-سەزىمى ارقىلى جۇرەگىنىڭ تەرەڭىنە بويلاتىپ، اق قاسيەتى ارقىلى ۇرپاعىن ادالدىققا، ادامگەرشىلىككە تاربيەلەپ وتىرعان. قازىرگى قوعامدا اق ونىمدەرىنىڭ نەگىزى بولعان ءسۇت، ايراندى ساتۋدى كاسىپ كوزىن اشۋدىڭ، كۇن كورىستىڭ جاڭا ءتاسىلى رەتىندە پايدالانىپ قالادا-اۋىلدا بولسىن قولىندا ازىن-اۋلاق سيىرى بار وتباسىلارى كۇنىنە نەشە كيلوگرام ءسۇت ساتىپ، قاجەت ەتكەن وتباستارىنا ۋاعىندا جەتكىزىپ، حالىقتىڭ قازىرگى جاعدايىنا، قوعامنىڭ سۇرانىسىنا قاراي قىزمەت وتەپ كەلە جاتقانى بارشامىزعا ايان. تۇيەنىڭ ءسۇتى ەم دەپ ىزدەپ سابىلىپ جۇرگەندەرگە، قورەكتىك قۋاتى كۇشتى دەپ تابىنىپ جۇرگەندەرگە دە قاراي اۋدان، اۋىلدان تۇيە ءسۇتى مولداپ تابىلاتىن بولدى، قىمىز ءوز الدىنا ءبىر توبە، قاشان، قايدان تابىلادى دەپ قورىقپايسىز، ءبارى-ءبارىنىڭ قازىرگى بازارعا قاراي ويىسۋىندا ۇلكەن ارنا، مىعىم نەگىز بار. مىنە بۇل حالقىمىزدىڭ اق ءونىمىن بازارعا سالىپ، يگىلىككە كەنەلگەندىگىنىڭ ايعاعى. دەسەدە، بازاردا ساتىلىپ جاتقان اق ونىمدەرىنىڭ سانى مول بولعانىمەن، ساپاسى ءبىر كەلكى بولماي كەلەدى. اسىرەسە ءسۇتتىڭ سۇزىلمەي قۇمىراعا قۇيىلۋى، ءسۇت قۇياتىن قۇمىرانىڭ تازا بولماۋى، ارناۋلى ءسۇت قۇياتىن قۇمىرا جوق بولىپ،ءتۇرلى سۋسىن قۇمىرالارىنا قۇيىلىپ ساتىلاتىندىعى، كەيدە ءسۇتتىڭ ءبىر-ەكى كۇن تۇرىپ قالىپ «بۇگىن تاڭەرتەڭگى ءسۇت ەدى» دەپ اكەلىنگەننەن كەيىن پىسىرماي جاتىپ ءىرىپ كەتۋى، سۇتتەن الىنعان سارى ماي، قۇرتتىڭ ساپاسىنىڭ ويداعىداي بولماۋى، ءشۇبات پەن قىمىزعا ىركىت، سۋ قوسىلۋى سياقتى كەلەڭسىز جايىتتەر ادامدى شىنىندا الاڭداتادى. بۇلاي بولا بەرسە جاسىل ازىق-تۇلىك اتالىپ بازارعا سالىنعان اق ونىمدەرىمىزدىڭ ۇزاق وتپەي جۇرتشىلىق ساقتانا، ابايلاي الاتىن ونىمگە اينالىپ قالۋى مۇمكىن. ودان قالسا ءسۇت باعاسى بىركەلكى بولماي، بىردە جوعارى بىردە تومەن بولىپ وتىر. ءسۇت ساتۋشىلاردىڭ ءسۇتتى ۋاعىندا ۇيگە اكەلىپ بەرمەۋى ۋاقىت ماسەلەسى جاعىنداعى قايشىلىقتى تۋدىرىپ، ءسۇت الۋشى جاقپەن ءسۇت ساتشى جاق ورتاسىندا داۋ-داماي، رەنىش ۇنەمى تۋىلىپ كەلەدى. وسى بايانداعانىمىز قازىرگى قوعامىمىزداعى حالقىمىز اراسىنداعى ءسۇت ءونىمى ارقىلى كاسىپ كوزىن اشقانداردىڭ نازار اۋدارىپ وتىرعان ءتۇيىندى ماسەلە سانالادى. مەرەكە-مەيرام كۇندەرى ءسۇت الۋشىلاردىڭ سانى مولايىپ قامداۋ قاجەتسىنۋدىڭ تالابىنان شىعا الماي جاتادى، سول مەزگىلدە ءسۇت ساۋداسىمەن شۇعىلدانۋشىلار بازار قاجەتىن قامتاماسىزداندىرۋ ءۇشىن باسقا اۋدان، قالالاردىڭ ءسۇتىن بازارعا كىرگىزىپ ساتادى، دەسەدە بۇل سۇتتەردىڭ ولشەمگە تولمايتىنىن تۇتىنۋشىلار بىلە بەرمەيدى، مىنە وسىنىڭ بارلىعى ءسۇت بازارىندا بايقالىپ وتىرعان ماسەلەلەر مەن كوڭىل بولۋگە ءتيىستى تۇيىندەر.اق-ادالدىقتىڭ، بەرەكە-بىرلىكتىڭ ايعاعى، اق ءونىمى حالقىمىزدىڭ ءتول ءونىمى، سوندىقتان ءسىز بولىپ،ءبىز بولىپ اق ونىمدەرىمىزدىڭ بازاردان، حالىقتىڭ نازارىنان تەرەڭ ورىن الىپ، قازاق حالقىنىڭ كاسىپ كوزىن اشىپ، كىرىسىن مولايتاتىن كاسىپ تۇرىنە اينالۋىنا كۇش سالايىق.

ءان الەمى

جول توسىلىپ قالدى

تۇلپارىم