باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

جالعان توقتام جاساپ، 2 ميلليون يۋان قىمقىردى

    كەلۋ قاينارى: شينجياڭ حالىق راديو ىستانسياسى    2016-09-17 23:16:12  
اقشا جيناپ قۇمار ويناۋ ءۇشىن، ءوزىن باسقالاردىڭ ەگىستىك جەرىن كوتەرمەگە الىپ ەگىن سالاتىن باردام وتباسى ەتىپ كورسەتىپ، سونداي قىزمەت وتەۋدى قاجەت ەتىپ وتىرعاندارمەن «جەردى كوتەرمەگە الۋ توقتامىن» جاساسىپ، 2 ميلليون يۋان قارىز اقشا الىپ، زىتىپ بەرگەن قىلمىس كۇماندىسى شۇي نيان جۋىقتا، تۇتقىندالدى.
2014-جىلى شيحۋ قالاسىنىڭ تۇرعىنى شۇي نيان وتباسىنا شۇعىل اقشا قاجەت بولادى. جان قيناماي اقشا تابۋعا قارمانعان شۇي نيان شيحۋ قالاسىنداعى شينشيڭ شاعىن سومالى قارىز اقشا بەرۋ سەرىكتەستىگىنەن «جەردى كوتەرمەگە الۋ توقتامى» ارقىلى 100مىڭ يۋان قارىز الىپ، جارىم جىلدان كەيىن قايتارادى.
2015-جىلدىڭ باسىندا ول تاعى دا «جەردى كوتەرمەگە الۋ توقتامىنان» پايدالانىپ، وسى سەرىكتەستىكتەن 500مىڭ يۋان قارىز العان ءارى اقشانى مەرزىمىنەن بۇرىن قايتارعان. الايدا، 3-رەت 2 ميلليون يۋان قارىز العاندا جالعان توقتامنان پايدالانعان ءارى اقشانى قايتارماي توقتامنىڭ ۋاقىتى تولعاندا زىتىپ بەرگەن.
بيىل ناۋرىز ايىندا شيحۋ قالاسىنداعى شينشيڭ شاعىن سومالى قارىز اقشا بەرۋ سەرىكتەستىگىنىڭ زاڭدىق ۋاكىلى شيحۋ قالالىق قوعام حاۋىپسىزدىگى مەكەمەسىنىڭ ەكونوميكالىق قىلمىس وتكىزۋدى بارلاۋ ۇلكەن اترەتىنە بارىپ دەلو مالىمدەپ، شۇي نياننىڭ سەرىكتەستىگىنەن 3 رەت قارىز اقشا الىپ، الدىڭعى 2 رەتكى قارىزدى ۋاعىندا قايتارعانىن، ال 3-رەت 2 ميلليون يۋان قارىز العاندا جالعان توقتام پايدالانعاندىعىن ءارى قارىزدى قايتارماي حابارسىز كەتكەنىن ايتىپ، ساقشىلاردان كومەك سۇرايدى.
جاعدايدان حابار تاپقان سوڭ ساقشىلار دەرەۋ تەكسەرۋگە كىرىسىپ، زياندالۋشىنىڭ ايتقاندارىنىڭ راس ەكەندىگىن دالەلدەيدى. سونىمەن بىرگە، حالىق ساقشىلارى تەكسەرۋ بارىسىندا قىلمىس كۇماندىسىنىڭ بيىل جىل باسىنان بەرى ءۇرىمجى، كۇيتۇن سياقتى جەرلەردەگى قۇمارحانالاردا بوي كورسەتكەندىگىنەن حابار تابادى ءارى شۇي نياننىڭ وتباسى كىرىسىنە نەگىزدەلىپ، بۇل قۇمارعا تىگەتىن اقشا دايىنداۋ ءۇشىن جاسالعان الدامكوستىك دەلوسى ەكەندىگىن تۇراقتاندىرادى.
قاتىستى جاعدايدى يەلەگەننەن كەيىن حالىق ساقشىلارى قىلمىس كۇماندىسى شۇي نيانعا توراپ ارقىلى قۋعىن سالادى ءارى وتباسى جاعدايى مەن تۇرارجايىنا قاتىستى ينفورماتسيالاردى جانە حابارلاسۋ دەرەكتەرىن جيناقتايدى. الايدا، قىلمىس كۇماندىسى تىم الاياق بولعاندىقتان، قاراسىن كورسەتپەيدى. ىشكەرىلەي تەكسەرۋ ارقىلى حالىق ساقشىلارى شۇي نياننىڭ كۇشار اۋدانىنىڭ ءمالىم قالاشىعىندا جۇرگەندىگى جونىندەگى مالىمەتكە يە بولادى دا، كۇشارداعى ساقشىلارمەن حابارلاسىپ، ونى تۇتقىنداماقشى بولعاندا ول تاعى زىتىپ بەرگەن.
حالىق ساقشىلارى: «قىلمىس كۇماندىسى قايدا كەتتى، يەلەگەن مالىمەتتەردىڭ قاي جەرىنەن اعاتتىق جىبەردىك» دەگەن سياقتى ماسەلەلەرگە باس قاتىرىپ جۇرگەندە، تۇرپان قالالىق قوعام حاۋىپسىزدىگى مەكەمەسى قىلمىس كۇماندىسىن تۇرپان قالاسىنداعى ءمالىم مەيمانحانادان بايقايدى. دەلوعا جاۋاپتى حالىق ساقشىلارى جاعدايدان حابار تاپقان سوڭ دەرەۋ تۇرپان قالاسىنا بارىپ، تۇرپان قالالىق قوعام حاۋىپسىزدىگى مەكەمەسىمەن بىرلەسىپ، شۇي نياندى ۇستايدى.
قىلمىسىن بۇلتارماي مويىنداعان شۇي نيان: العاشىندا ولاردىڭ اقشاسىن الداپ الۋ ويىم جوق ەدى. كەيىن كەلە ولاردىڭ قارىز اقشا بەرۋگە قاتىستى توقتامدارعا ونشا نازار اۋدارمايتىن بولعانىن بايقادىم. ونىڭ ۇستىنە قۇماردان ۇتىلىپ ءبىرتالاي اقشاعا قارىزدار بولعامىن، سونىمەن جالعان توقتام جاساپ، ولاردان 2 ميلليون يۋان قارىز الدىم،-دەدى. قانشا قاشسا دا زاڭ تورىنان قۇتىلماعان شۇي نياندى قوعام حاۋىپسىزدىگى مەكەمەسى قىلمىستىق ىستەر زاڭى بويىنشا تۇتقىندادى.ءيا، وسى دەلودا قارىز اقشا بەرۋشى جاقتان دا اعاتتىق كەتكەنىن بايقاۋ قيىن ەمەس، كۇندەلىكتى تۇرمىستا بىرەۋدىڭ سوزىنە سەنە كەتەتىن جاعدايىمىز بار، قازىر، الدامكوستەردىڭ ايلاسى الۋان ءتۇرلى بولىپ بارادى، وسى جەردە ەسكەرتەرىمىز ءار ۋاقىت قىرعىلىقتى ارتتىرىپ، الدامكوستەردىڭ شىرعاسىنا تۇسۋدەن ساق بولايىق.
ءان الەمى

جول توسىلىپ قالدى

تۇلپارىم