باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

ادال مەن كۇليمان ەلگە ونەگە بولدى

    كەلۋ قاينارى: شينجياڭ حالىق راديو ىستانسياسى    2016-12-16 11:46:33  
التاي قالاسىنىڭ بالباعاي اۋىلىنداعى جاس جۇبايلار-ادال مەن كۇليمان ءوز ونەرلەرىمەن كىرىس كوزىن اشىپ، ەلگە ونەگە بولدى.
12-جەلتوقسان، التاي قالاسى بالباعاي اۋىلى "قوس وركەش مادەنيەت اۋلاسىندا"، كۇليماننىڭ قىل قالامىمەن سىزىلعان ماي بوياۋلى سۋرەتتەرى، جۇڭگوشا سۋرەت جانە تاۋ-سۋ سۋرەتتەرى كورمەگە قويىلدى. ادال مەن كۇليمانىڭ اڭگىمەسىن ارىدان قوزعاۋعا تۋرا كەلەدى. 1998-جىلى التاي ايماقتىق پەداگوگيكا مەكتەبىنىڭ اسەمونەر كلاسىنا قابىلدانعان ولاردى، ورتاق اۋەس پەن ونەرگە دەگەن ۇمتىلىس، دامي كەلە قيماس جاندارعا اينالدىردى. 2001-جىلى ورتا تەحنيكومدى بىتىرگەن ادال ءۇي اشەكەيلەۋ جۇمىسىمەن اينالىسادى دا، كۇليمان ءوز ونەرى جولىندا ۇزدىكسىز ىزدەنىس جاساي بەرەدى.
ارادا اتتاي جەلىپ ون نەشە جىل وتە شىقتى. ولاردىڭ تۋىندىلارى دا جۇزدەن استى. تۋىندىلارىن قويۋعا اياداي ۇيلەرى دە تارلىق قىلعان ولار، بيىل قىركۇيەكتە، تالاي جىلدان بەرى تىرناشتاپ جيناعان 160 مىڭ يۋانعا اۋلالارىنان 200 شارشى مەتر كەلەتىن "قوس وركەش مادەنيەت زالىن" سالعىزىپ، تۋىندىلارىن وسىندا قويىپ، جۇرتشىلىقتىڭ تاماشالاۋىنا وراي جاراتتى.
«بىرنەشە جىلدان بەرگى سىزعان سۋرەتتەرىمىزدى وسى اراعا قويىپ، كوپشىلىكتىڭ كەلىپ تاماشالاۋىنا وراي جاراتتىق، ەندى ءبىر جاعىنان سۋرەت سالۋعا اۋەستەنەتىن وقۋشىلارعا شابىت بولسىن دەدىك»،-دەدى كۇليمان ءوز ويىن ورتاعا قويا.
بولام دەگەن بالانىڭ بەتىن قاقپاي بەلىن بۋ دەگەن اتالى ءسوز بار عوي، بالباعاي اۋىلدىق وكىمەت تە 6000 يۋان جاردەم اقشا بەرىپ، ولاردىڭ وسى ءبىر يگى ىسىنە ىقىلاستارىن ءبىلدىرىپتى. بۇل تۋرالى بالباعاي اۋىلدىق پارتكومنىڭ شۋجيى پۋ پەيفەي: «ولار سىزعان تۇرمىستى، تاماشا تابيعاتتى بەينەلەيتىن سۋرەتتەرى ءوز كوركەمونەرلىك قۇنىن تولىق كورسەتتى. ولاردىڭ وسى سۋرەتتەرى اۋىلىمىزداعى بۇقارانىڭ وتانعا، مەكەنگە دەگەن ماحاباتتارىنىڭ كۇشەيۋىنە تۇرتكى بولۋى داۋسىز»-دەدى.
جاسامپازدىقتىڭ جولى جاپالى بولعانىمەن، بۇدان كەيىنگى ءومىر ساپارلارىنا ولار تولىق سەنىمدە ەكەن، ءوز تۋىندىلارىمەن ۇلتتار ىنتىماعىنىڭ ۇلى داستانىن بەينەلەي الاتىندىعىنا سەنىمى كامىل كۇليمان: «مەنىڭ سۋرەتتەرىم مەن ادالدىڭ تۇسىرگەن فوتولارى ارقىلى قازاق ۇلتىنىڭ ءداستورلى مادەنيەتى مەن ۇلتتىق عۇرىپ-ادەتىن بارشاعا ايگىلەيمىز. بۇدان سىرت، ۇلتتار اراسىنداعى ۇلى دوستىق پەن ىنتىماقتى دا قىل قالامىمىز ارقىلى بەينەلەۋگە كۇش سالامىز»،-دەدى.
ءان الەمى

جول توسىلىپ قالدى

تۇلپارىم