باس بەتجاڭالىقتارادەبيەت-كوركەمونەروقۋ-اعارتۋمادەنيەتەلەس
كوز ايىم ساتتەرەكران الەمىتاڭداپ تىڭداڭىزقازاق رەداكسياسىارناۋلى تاقىرىپايماق-وبىلىس
جاڭا حابارلار

نۇرمامەت تۇرسىن از ۇلت وقۋشىلارىن تاربيەلەۋ قىزمەتىن وتەۋمەن شۇعىلداندى

    كەلۋ قاينارى: شينجياڭ حالىق راديو ىستانسياسى    2017-01-16 21:00:37  
قاشقارلىق جىگىت نۇرمامەت تۇرسىن وتكەن جىلى شىن-ياڭ ءۇي قۇرىلىس ۋنيۆەرسيتەتىنەن وقۋ تاۋىسقاننان كەيىن، مەكتەپتە قالىپ، از ۇلت وقۋشىلارىن تاربيەلەۋ قىزمەتىن وتەۋمەن شۇعىلدانادى. ىشكى ولكەدە جۇرسە دە، ول تۋعان جەرىنە ۇلەس قوسۋدى ەسىنەن شىعارعان ەمەس.
قىسقى دەمالىسقا تاياعاندا، نۇرمامەت تۇرسىن ءوزىنىڭ مەيىر باعىشتاۋ وقۋ-اعارتۋدى قولداۋ ۇيىرمەسىنىڭ مەكىت يگىلىك ورنىنا بارىپ ىستەيتىن وقۋ-اعارتۋدى قولداۋ جۇمىسىمەن قاربالاس بولدى. ول اكە-شەشەسىنەن جاستايىنان ايرىلىپ، اپەكەسىمەن بىرگە يگىلىك ورنىندا وسكەن. 2012-جىلى شىن-ياڭ ءۇي قۇرىلىس ۋنيۆەرسيتەتىنە ەمتيحان بەرىپ قابىلدانىپ، يگىلىك ورنى جىبەرگەن تۇڭعىش ستۋدەنت بولدى. جوعارى مەكتەپ وقىعاننان كەيىن نۇرمامەت تۇرسىن مەيىر باعىشتاۋ وقۋ-اعارتۋدى قولداۋ ۇيىرمەسىن قۇرىپ، ءار رەتكى دەمالىستا يگىلىك ورنىنا قايتىپ، وقۋ-اعارتۋ جاعىندا كومەكتەسۋ جانە قولداۋ قيمىلىن ورىستەتىپ تۇردى. يگىلىك ورنىنىڭ باستىعى داناگۇل حالىق بىلاي دەدى: ولءار رەتكى دەمالىستا بالالار يگىلىك ورنىنا كەلىپ، ونداعى جەتىم بالالارمەن اڭگىمەلەسىپ تۇرادى، قازىرگە دەيىن دەمالىستا قايتىپ كەلىپ، بالالارعا ەستەلىك بۇيىمدارىن اكەلىپ بەرىپ تۇر. ول وراي بولسا بولعانى كەلىپ، بالالارمەن اڭگىمەلەسەدى، ءار رەت بالالارعا كيىم-كەشەك، ۇيرەنۋ ماتەريالدارىن جىبەرەدى.
وتكەن جىلى ماۋسىمدا، جوعارى مەكتەپتى تاۋىسقان نۇرمامەت تۇرسىن جۇڭگو ءۇي قۇرىلىس ينجەنەريا باس سەرىكتەستىگى باتىس سولتۇستىك سەرىكتەستىگىندە قىزمەت ىستەۋ ورايىنان ءباز كەشىپ، مەكتەپتە قالىپ، از ۇلت وقۋشىلارىن تاربيەلەۋ قىزمەتىن وتەۋمەن شۇعىلدانىپ، مەكتەپتە از ۇلت وقۋشىلارىنىڭ كاسىپتەنۋىنە كومەكتەسۋ تەكشەسىن قۇرادى، تاعى اناعۇرلىم كوپ وقۋشىنى مەيىر باعىشتاۋ وقۋ-اعارتۋدى قولداۋ ۇيىرمەسىنە كىرۋگە قابىلداپ، اپتا سوڭىنداعى ۋاقىتتان پايدالانىپ، شىن-ياڭدا الەۋمەتتىك يگىلىك قيمىلىن وتكىزەدى. نۇرمامەت تۇرسىن بىلاي دەدى: ءبىز شىن-ياڭ قارتتار كۇتىمحاناسىنا، شىن-ياڭ زاعيپتار مەكتەبىنە، تاعى ديحان پەرزەنتتەرى باستاۋىش مەكتەبىنە بارىپ، الەۋمەتتىك يگىلىك قيمىلىن ورىستەتەمىز. بۇدان كەيىن مەكتەپتە ۇلت مادەنيەتى كورمەسىن، اس-سۋ مادەنيەت كورمەسىن اشىپ، ەلىمىزدىڭ جەر-جەرىنەن كەلگەن باسقا ۇلت وقۋشىلارىنىڭ شينجياڭدى تۇسىنۋىنە مۇمكىندىك جاسايمىز.بۇگىنگى كۇنى، نۇرمامەت تۇرسىننىڭ ۇيىرمەسىنىڭ كولەمى باستاپقى شينجياڭدىق 3، 4 وقۋشىدان، قازىر ەلىمىزدىڭ جەر-جەرىنەن كەلگەن 33 وقۋشىسى بار ۇلكەن شاڭىراق بولىپ كەڭەيدى. گانسۋدان كەلگەن ۇيىرمە مۇشەسى جۋ ميڭ، ۇيىرمەگە كىرگەننەن كەيىن كوپتەگەن مەيىر باعىشتاۋ قيمىلىنا قاتىناسىپ عانا قالماستان، شينجياڭعا بولعان تانىمى دا بارعان سايىن تەرەڭدەگەنىن ايتا كەلىپ بىلاي دەدى: ولارمەن ىشكەرلەي اۋىس-كۇيىس جاساۋ بارىسىندا، ولاردىڭ كوپ ونەرگە جەتىك ەكەنىن، ەرەكشە ەلپەك، مەيىرلى، ءجايدارى ەكەنىن بايقادىم، بۇل ماعان كوپ وي سالدى.
ءان الەمى

جول توسىلىپ قالدى

تۇلپارىم